Mae teulu dyn o Wrecsam sydd bod mewn cwarantîn mewn hostel ym Mheriw ers 15 Mawrth yn dweud ei fod ar ei ffordd yn ôl i'r DU.

Mae Alex Foulkes, 31, wedi’i gyfyngu i’w ystafell mewn gwesty yn ninas Cuzco am 23 awr y dydd ar ôl i berson oedd yn aros yn y gwesty brofi’n bositif am coronafeirws.

Dywedodd ei dad Steve fod ei fab wedi cysylltu ag ef ar Whatsapp i ddweud y byddai’n dal hediad siarter llywodraeth y DU i Lundain heno.

Iechyd Cyhoeddus Cymru

Mae 60 yn fwy wedi marw gyda coronafeirws yng Nghymru gan fynd â chyfanswm y marwolaethau yma i 463.

Dywedodd Iechyd Cyhoeddus Cymru yn eu datganiad dyddiol fod 272 yn fwy o achosion o COVID-19 wedi eu cadarnhau yma, sy'n golygu fod 6,118 achosion positif o'r feirws wedi'u cofnodi yng Nghymru.

Mae ICC yn cydnabod bod gwir nifer yr achosion yn debyg o fod yn llawer uwch.

Mae un eisteddfod leol wedi troi at y we er mwyn cynnal eu cystadlaethau eleni - ac wedi profi'n llwyddiant mawr!

Llenyddiaeth Cymru

The Leader

Mae'r argyfwng coronafeirws wedi taro busnesau o bob math.

Mae'r Wrexham Leader yn trafod rheilffordd Llangollen, gyda'r rheolwr yn rhybuddio efallai na fydd yn ailagor fyth eto os na ddaw cymorth ariannol o rywle.

BBC Radio Cymru

Llywodraeth Cymru

"Fe fydd mesurau ymbellhau cymdeithasol yn debyg o barhau am gyfnod sylweddol i ddod," medd Ms Williams.

Dywedodd hefyd na fydd ysgolion yn ailagor tan y bydd yn ddiogel i ddisgyblion a staff i wneud hynny.

Ychwanegodd: "Pan fyddan nhw'n ailagor, nid mater o 'fusnes fel arfer' fydd hi."

Llywodraeth Cymru

Ychwanegodd Ms Williams bod Llywodraeth Cymru'n gwneud "popeth y gallwn ni i liniaru effaith cau ysgolion ar ein plant", yn enwedig plant o gefndir difreintiedig.

Dywedodd hefyd fod llawer yn cael ei wneud i geisio darparu addysg drwy blatfformau digidol.

"Rydym mewn lle da i wneud hyd fel cenedl gan fod gennym blatfformau digidol o safon byd eang ar gael i'n addysgwyr a dysgwyr."

Ond dywedodd hefyd ei bod yn gweithio gydag ysgolion a chynghorau i ateb trafferthion cysylltiadau digidol er mwyn sicrhau bod cyfleoedd dysgu ar gael yn fwy eang.

Llywodraeth Cymru

Dywedodd Kirsty Williams na fydd ysgolion Cymru yn ailagor yr wythnos nesaf, ac nad yw'r sefyllfa yna yn debyg o newid yn y dyfodol rhagweladwy.

Llywodraeth Cymru

Y Tour de France yw'r digwyddiad chwaraeon cyntaf o bwys i beidio canslo'n llwyr.

Yn hytrach mae'r trefnwyr wedi cyhoeddi gohiriad, ond fe fydd ras feicio enwoca'r byd yn cael ei chynnal ar ddiwedd Awst.

A fydd buddugoliaeth arall i Geraint Thomas tybed?

Y Gweinidog Addysg Kirsty Williams fydd yn siarad yng nghynhadledd newyddion ddyddiol Llywodraeth Cymru heddiw.

Fe gewch chi'r ddolen i wylio'r gynhadledd yn fyw yn fuan.

Vaughan Roderick
Golygydd Materion Cymreig y BBC

Mae Golygydd Materion Cymreig BBC Cymru, Vaughan Roderick, wedi cyhoeddi ei flog diweddaraf.

Ynddo mae'n cymharu'r sefyllfa yng Nghymru gyda talaith De Awstralia cyn belled ag y mae coronafeirws yn y cwestiwn.

Mae'n ddarllen difyr.

Sut mae dinas ac ardal ehangach Abertawe'n ymdopi gyda heriau coronafeirws?

BBC Wales News

Mae'r gefnogaeth i geiswyr lloches a ffoaduriaid yn cael ei leihau oherwydd y pandemig coronafeirws.

Dywedodd rhai gweithwyr cefnogol wrth BBC Wales News bod nifer yn fwyfwy ynysig ac yn dibynnu ar ddarpariaeth bwyd am ddim.

Cyngor Conwy'n gosod cabanau dros dro yn Llandudno a Bae Colwyn ar gyfer pobl sy'n ddigartref.

Mae Clwb Rygbi Cymry Caerdydd wedi bod yn codi arian i ddangos eu gwerthfawrogiad am yr ymroddiad a'r ysbryd diflino sy’n cael ei ddangos gan staff y Gwasanaeth Iechyd Genedlaethol yn ystod y cyfnod anodd hwn.

Y cyfanswm rydym wedi ei godi hyd yn hyn yw £1,638 fydd yn cael ei wario ar:

• Archebu a danfon 40 pitsa i weithwyr shifft nos Ysbyty Athrofaol Cymru (gyda diolch arbennig i fwyty Dough Thrower yn Nhreganna)
• Anfon bagiau golchi dillad sy’n medru cael ei olchi mewn peiriant yn cynnwys deunydd ymolchi i staff ysbytai ledled De Ddwyrain Cymru (150 i UHW, 50 i Ysbyty Brenhinol Morgannwg a 50 i Ysbyty Brenhinol Gwent)

Byddwn yn edrych ar ffyrdd arall o gefnogi gweithwyr hanfodol gyda gweddill yr arian a godwyd yn y dyfodol agos.

Bydd y seiclwr yn seiclo yn ei gartref am 36 awr i godi arian ar gyfer y gwasanaeth iechyd.