Mae cadwraethwyr yn galw ar y cyhoedd i gofnodi gwybodaeth am bryfed sy'n trosglwyddo paill - gwybodaeth a allai gael ei golli yn ystod haint coronafeirws.

Mae'r cyfyngiadau presennol yn atal gwyddonwyr rhag archwilio rhai safleoedd cadwriaethol ac felly mae data hanfodol am rai rhywogaethau yn cael ei golli.

Mae grwpiau fel elusen Butterfly Conservation yn galw ar y cyhoedd i gyfrif ac i anfon lluniau o bryfed y maent yn eu gweld.

Dywedodd Andrea Rowe, swyddog cadwriaethol elusen Butterfly Conservation yng Nghymru, y gallai'r cyhoedd fod o gymorth mawr gan nad yw gwyddonwyr yn gallu cynnal arolygon.

Ffynhonnell y llun, get

Trigolion y pentref ger Wrecsam yn dod at ei gilydd i estyn cymorth yn ystod yr argyfwng Covid-19.

Twitter

Mae Sky News yn adrodd fod y cwmni sydd yn berchen ar waith dur Port Talbot a sawl safle arall cysylltiedig yng Nghymru wedi gofyn am gymorth ariannol sylweddol gan Lywodraeth Prydain, gan fod archebion am ddur wedi gostwng o achos y pandemig coronafeirws.

Dywed Sky fod cwmni Tata Steel wedi gofyn am fenthyciad brys gwerth oddeutu £500m gan y llywodraeth.

Twitter

Mae'r cyn-aelod Cynulliad William Powell wedi bod yn trafod y gofal mae wedi ei dderbyn yn ystod yr wythnosau diwethaf. Roedd yn ddifrifol wael o achos coronafeirws, ac fe ddiolchodd i'r rhai oedd yn gofalu amdano yn ystod y cyfnod hwn.

Dywedodd: "Rwy'n cryfhau ac yn dod yn fwy penderfynol wrth i bob dydd fynd heibio. Roeddwn i ar beiriant anadlu am dair wythnos. O ran fy ngofal dros y cyfnod, mae'n creu sialens ffres i gryfhau eto - mae cryfhau yn hanfodol nawr a dilyn cyfarwyddiadau."

Ychwanegodd: "Mae Ysbyty Nevill Hall a'r gwaith cyfeirio o grŵp meddygfeydd Crughywel, dan gyfarwyddyd Amy Jones a'i thîm i gyd wedi bod yn gwbl wych.

"Fe sylwais yn enwedig ar amrywiaeth y tîm, staff o Went a'r cymoedd ag arbenigwyr rhyngwladol o bob cwr o'r byd - a chynhesrwydd y staff ar bob lefel, mae hyn yn rhywbeth gwerthfawr iawn."

Roedd Mr Powell yn gyn-aelod Cynulliad ar ran y Democratiaid Rhyddfrydol rhwng 2011-16, ac mae'n gynghorydd sir dros ardal Talgarth ar Gyngor Powys.

Ffynhonnell y llun, Cynulliad Cenedlaethol Cymru

BBC Cymru Wales

Gan fod cyn lleied o chwaraeon yn cael ei gynnal ar hyn o bryd, mae BBC Cymru yn ail-ddangos rhai o gemau cofiadwy rygbi a phêl-droed y gorffennol.

Heddiw mae cyfle i chi fwynhau'r ornest rygbi rhwng Cymru a'r Alban o 1988.

Twitter

Mae'n ymddangos fod pobl yn dilyn y gwaharddiadau caeth ar deithio eto heddiw.

Dyma lun o ganol Betws y Coed, fyddai'n ferw gwyllt ar ddydd Sadwrn yn y gwanwyn fel arfer.

Twitter

Parhau mae galw am fwy o bwerau i atal pobl rhag teithio i'w hail gartrefi er canllawiau tynnach.

Mae cymdeithas feddygol y BMA yng Nghymru wedi galw ar bobl i beidio ag oedi cyn derbyn triniaethau meddygol brys, hyd yn oed os nad oes cysylltiad rhwng y cyflwr â choronafeirws.

Daw'r alwad wrth i elusennau iechyd yn Lloegr ddechrau ymgyrch newydd i rannu'r un neges, gan fod gostyngiad wedi bod yn nifer y triniaethau am ataliadau ar y galon a strôc.

Wrth siarad ar BBC Radio Wales fore dydd Sadwrn, dywedodd Dr David Bailey o BMA Cymru na ddylai pobl anwybyddu symptomau difrifol: "Mae'r GIG yn dal ar agor ar gyfer busnes.

"Rydym yn gwneud pethau mewn ffyrdd gwahanol, ond mae'n dal yn hollol bosib i dderbyn ymgynghoriad yn y ffordd arferol, gan ffonio eich meddyg ac mae'r rhan fwyaf ohonom yn ffonio'n ôl neu ymgynghori dros gyswllt fideo.

"Mae'r ymgynghoriadau hynny yn dal ar gael ac ni ddylai pobl anwybyddu symptomau difrifol fel oedd y drefn cyn i'r feirws ymddangos."

Twitter

Mae swyddogion yr heddlu ar batrôl eto heddiw yn gweithredu rheolau'r cyfyngiadau cymdeithasol yn ystod y pandemig. Dyma neges gan rai o swyddogion Tîm Troseddau Cefn Gwlad Heddlu'r Gogledd sydd ar batrôl ym Môn.

Twitter

Mae'n benwythnos braf, sy'n golygu y gall rhai pobl deimlo fel mentro i gefn gwlad neu draethau Cymru. Ond mae'r neges yn parhau - cadwch draw am y tro:

Llywodraeth Cymru

Mae rheolau newydd Llywodraeth Cymru am yr hyn y gallwch ei wneud, a'r hyn sydd wedi ei wahardd yn ystod y cyfnod o gyfyngiadau cymdeithasol yn dod i rym heddiw. Mae modd i chi ddarllen y rheolau newydd yn llawn ar ddolen Llywodraeth Cymru isod:

Gall cam i atal perchnogion tai haf rhag elwa o gymorth gosbi busnesau eraill, medd y Ceidwadwyr.

Twitter

Mae'r cyn-aelod Cynulliad William Powell wedi cyhoeddi neges ar Twitter fore dydd Sadwrn i ddiolch i staff y Gwasanaeth Iechyd am ei ofal. Roedd yn ddifrifol wael am gyfnod o achos effeithiau coronafeirws.

Atebion i gwestiynau ynghylch beth sy'n dderbyniol wrth i bobl ymarfer corff yn ystod y pandemig.

Mae asiantaeth newyddion PA yn adrodd mai Casnewydd sydd gyda'r nifer uchaf o achosion o Covid-19 yn y DU.

Dywed yr asiantaeth fod 419 achos am bob 100,000 o'r boblogaeth yn yr ardal yma.

Bore da a chroeso i'r llif byw dyddiol ar ddydd Sadwrn 25 Ebrill.

Fe fyddwn yn dod a'r diweddaraf i chi am sefyllfa'r pandemig coronafeirws yma yng Nghymru drwy gydol y dydd.