Senedd Cymru

Yn nghyfarfod rhithwir llawn o'r Senedd, mae'r Prif Weinidog, Mark Drakeford, yn rhybuddio nad yw argyfwng "coronafeirws drosodd er bod arwyddion bod pethau yn gwella".

Dywed bod nifer dyddiol o'r achosion sydd wedi eu cadarnhau gan Iechyd Cyhoeddus Cymru bellach yn gyson is na 200, tra bod y nifer sydd yn yr ysbyty gyda'r haint wedi disgyn i ychydig dros 900 ar y 5ed o Fai.

Ychwanegodd bod llai na 70 o bobl angen gofal dwys - yng nghanol Ebrill roedd y nifer yn 100.

"Mae hyn yn dangos," meddai, "bod popeth ry'n yn ei wneud fel cymuned yn ein helpu i basio heibio brig achosion y feirws.

"Ond yr wythnos hon mae nifer y marwolaethau yng Nghymru wedi croesi 1,000.

"Mae'r garreg filltir dywyll hon yn tanlinellu bod angen gofal mawr wrth i ni nesu at ddiwedd yr ail gyfnod o adolygu yr wythnos hon," ychwanegodd.

Ffynhonnell y llun, bbc

Mae staff mewn cangen o fwyty KFC yn Abertawe wedi bod yn hynod brysur yn gweithio fel wardeiniaid traffig wrth gyfeirio pobl i'r mannau cywir.

Fe wnaeth bwyty KFC yn ardal Morfa ailagor ddoe ar gyfer cwsmeriaid yn eu ceir yn unig oherwydd y cyfyngiadau coronafeirws.

Iechyd Cyhoeddus Cymru

Mae Iechyd Cyhoeddus Cymru wedi cofnodi 21 yn rhagor o farwolaethau gyda coronafeirws yng Nghymru ers ddoe gan fynd â chyfanswm y rhai sydd wedi marw gyda'r haint yma i 1,044.

Daeth cyhoeddiad hefyd bod 95 o achosion newydd o Covid-19 wedi eu cadarnhau yng Nghymru, ac mae'r cyfanswm bellach yn 10,764.

Gyda'r ddau rhif, mae Iechyd Cyhoeddus Cymru'n cydnabod bod y gwir ffigyrau yn debyg o fod yn llawer uwch gan mai llai na 38,000 o bobl sydd wedi cael prawf am y feirws.

Mae Llenyddiaeth Cymru ar hyn o bryd yn archwilio sut gallan nhw barhau i sicrhau bod awduron, darllenwyr ac artistiaid yn cael eu cefnogi yn ystod y cyfnod ansicr hwn.

Llywodraeth Cymru

Dywedodd Ms Evans fod Cymru ond yn gallu benthyca "swm bach bod blwyddyn" hyd at uchafswm o biliwn o bunnoedd, gan ychwanegu bod Llywodraeth Cymru wedi gofyn am yr hawl i fenthyca mwy.

O ran y cynllun seibiant cyflog dywedodd Ms Evans nad oedd hi'n credu y dylai'r cynllun presennol, y'n para tan o leia mis Mehefin, ddod i ddiwedd disymwth.

"Mae'r rhaid i'r cynllun 'Furlough' gael ei ymestyn, ond pryd fydd o'n gorfod dod i ben - fel y bydd yn rhaid iddo - mae angen modd graddol o wneud hynny," meddai yn ystod y gynhadledd.

Dywedodd ei bod hefyd yn cefnogi sylwadau TUC Cymru ynglŷn â "gwneud y cynllun presennol yn fwy hyblyg.

Senedd Cymru

Mae’n ddiwrnod hanesyddol wrth i Senedd Cymru gyfarfod am y tro cyntaf.

Mae'r newid yn digwydd ar ôl i ddeddf newydd ddod yn gyfraith fis Ionawr eleni.

Fel Aelodau'r Senedd (ASau) fydd Aelodau Cynulliad nawr yn cael eu hadnabod.

Yn y cyfarfod llawn rhithwir a fydd yn dechrau am 13:30 bydd datganiadau ar Coronafeirws gan y Prif Weinidog, Gweinidog yr Economi, Trafnidiaeth a Gogledd Cymru, Gweinidog y Gymraeg a Chysylltiadau Rhyngwladol a'r Cwnsler Cyffredinol.

Mae modd dilyn y cyfarfod drwy glicio'r fideo ar frig y dudalen yma.

Y bardd Grug Muse sy'n dewis pump cerdd i gyfleu'r cyfnod ansicr yma

Llywodraeth Cymru

Wrth drafod y cyfyngiadau presennol dywedodd Ms Evans "fod ystyriaeth ofalus a phwyllog" wedi ei roi i godi'r gwaharddiadau.

Daeth ei sylwadau wedi cyhoeddiad Boris Johnson y byddai'n amlinellu ei gynlluniau ef o ran codi rhai gwaharddiadau dydd Sul.

Dywedodd Ms Evans fod gweinidogion Cymru y "edrych i weld a ydym ni yn gallu estyn ein cefnogaeth i hynny".

"Rydym yn awyddus i weithio mor agos â phosib gyda Lloegr ar hyn o bryd oherwydd mae gymaint o Gymry yn byw ar y ffin ac mae'n bwysig i symud yn yr un cyfeiriad.

"Beth rwy'n disgwyl clywed gan y prif weinidog (DU) y penwythnos yw ystyriaeth ofalus a phwyllog i godi y gwaharddiadau."

Mae prif weinidog y DU wedi dweud y bydd cyhoeddiad am lacio cyfyngiadau'n cael ei wneud ddydd Sul.

Does dim cadarnhad a fydd Cymru yn dilyn y drefn ar draws y DU - fel y mae Mark Drakeford wedi dweud y byddai'n dymuno gwneud - neu a fydd penderfyniad a chyhoeddiad gwahanol yma.

Llywodraeth Cymru

Dywedodd Ms Evans fod Llywodraeth Cymru wedi cyhoeddi pecyn cymorth £26m ar gyfer elusennau.

Dywedodd hefyd y byddai grant cymorth o £10,000 ar gael i elusennau er mwyn helpu iddynt gwrdd â heriau ariannol Covid-19.

Llywodraeth Cymru

Mae Rebecca Evans AS, y Gweinidog Cyllid, wedi bod yn amlinellu'r gefnogaeth ariannol sydd ar gael i fusnesau ac elusennau yng Nghymru yn ystod cynhadledd ddyddiol y wasg gan Lywodraeth Cymru

Llywodraeth Cymru

Mae Boris Johnson wedi bod yn cymryd rhan yn sesiwn holi'r prif weinidog yn Nhŷ’r Cyffredin.

Dyma'r tro cyntaf iddo wneud hyn ers iddo wella o coronafeirws.

Ffynhonnell y llun, Tŷ’r Cyffredin

Wrth i Amgueddfa Cymru lansio Prosiect Arsylwi Torfol Digidol, maen nhw'n gofyn i'r cyhoedd - chi - am eich help.

Y nod yw llunio cofnod digidol o'r cyfnod rhyfeddaf yng Nghymru ers blynyddoedd lawer.