Jermaine Jenas, Samantha Johnson a Carli Lloyd, enillydd Cwpan y Byd y Merched gyda'r UDA ar ddau achlysur, sy'n cyflwyno'r seremoni erbyn hyn. Mae Idris Elba wedi gadael y llwyfan...
Cafu, Jay Jay Okocha, Lothar Matthäus, Tim Cahill ac Ali Daei fydd ymhlith y rhai fydd yn tynnu'r enwau allan o'r het.
Cewri'r gamp - a Jenas.
Llwybr Cymru i Qatar
Fe ddechreuodd ymgyrch ragbrofol Cymru i gyrraedd Qatar 'nôl ym mis Mawrth 2021, gyda cholled o 3-1 oddi cartref yng Ngwlad Belg.
Ond fe aeth tîm Rob Page drwy weddill y grŵp heb golli gêm, gan ennill pedair a chael tair gêm gyfartal i orffen yn ail yn y tabl o flaen y Weriniaeth Tsiec.
Ac fe wnaethon nhw'n fawr o'r fantais honno, gan drechu Awstria o 2-1 yn Stadiwm Dinas Caerdydd yr wythnos diwethaf diolch i goliau'r bytholwyrdd Gareth Bale.
Un cam sydd i fynd, felly, a honno hefyd gartref ym mis Mehefin yn erbyn Yr Alban neu Wcráin - gan obeithio y bydd modd chwarae'r gêm honno erbyn hynny, wrth gwrs.
Dyma ni...
Mae'r foment fawr wedi dod. Ychydig funudau tan y bydd Cymru yn cael gwybod pwy fydd eu gwrthwynebwyr (posib) yn Qatar!
Hanes i ailadrodd ei hun?
Mae'n 64 mlynedd ers unig ymddangosiad Cymru yng Nghwpan y Byd, a hynny 'nôl yn 1958 yn Sweden.
Bryd hynny bu'n rhaid cyrraedd y twrnament drwy'r gemau ail gyfle hefyd, gyda'r crysau cochion yn trechu Israel dros ddau gymal i gyrraedd yno.
Roedd Mecsico a Brasil ymhlith gwrthwynebwyr Cymru yn y gystadleuaeth derfynol - tybed a welwn ni nhw eto heddiw?
Grŵp anoddaf a hawsaf?
Yn ôl rhestr detholion FIFA, y grŵp anoddaf allai Cymru ei gael fyddai Brasil (1), Mecsico (9) a Senegal (20).
Ar y llaw arall, yr un hawsaf fyddai Qatar (51), Croatia (16) a Tunisia (35).
Tipyn o wahaniaeth yn fanno!
Y prif weithredwr yn ei sedd
Prif weithredwr Cymdeithas Bêl-droed Cymru, Noel Mooney sydd yn Doha i gynhyrchioli Cymru'r prynhawn yma, yn hytrach na'r rheolwr Rob Page.
Yr hyn sy'n bwysig ydy bod Cymru yn rhan o'r cyfan am y tro cyntaf ers 1958.
Oes, mae 'na un gêm anferth eto i'w chwarae, ond yn bersonol does fawr o wahaniaeth pwy fydd yn yr un grŵp â Chymru.
Yr hyn sy'n bwysig ydy bod Cymru yno ac yn chwarae ar y llwyfan uchaf un.
Osgoi Gwlad Belg a Lloegr, ond Moroco yn ddiddorol
Dylan Griffiths
Chwaraeon BBC Cymru
Yn y pedwerydd pot mae Cymru sef yr un isaf o ran detholion, felly mi fydd 'na her yn wynebu tîm Robert Page pwy bynnag y byddan nhw'n wynebu.
Yn ddelfrydol, Qatar fydda'r tîm i wynebu o bot rhif 1. Mi ydan ni wedi chwarae digon yn erbyn Gwlad Belg yn ddiweddar, felly mi fyddai'n braf eu hosgoi nhw a hefyd Lloegr.
Beth am Bortiwgal i gael dial am y rownd gyn derfynol yn Euro 2016?!
Mae Mecsico yn pot rhif 2 ac mae Cymru wedi eu curo nhw mewn gêm gyfeillgar y llynedd. Mae'r Swistir yno hefyd; mae angen osgoi’r Almaen os yn bosib a Denmarc wedi'r gweir gafon ni yn Euro 2020 yn yr 16 olaf.
I bot rhif 3 wedyn, mae Gwlad Pwyl a Robert Lewandowski am fod yn gryf ac mi fyddwn ni'n yr un grŵp â nhw yng Nghynghrair y Cenhedloedd eleni. Mi fyddai Moroco yn dîm diddorol, a chyfle hefyd i gael cyngor a gwybodaeth gan Osian Roberts fuodd yn gweithio gyda'r Gymdeithas Bêl-droed yno cyn ymuno â Crystal Palace.
Ar ôl y traethu arferol sy'n digwydd ar ddechrau seremonïau fel hyn, fe fydd yr enwau'n dod allan o'r het (neu'r peli'n dod allan o'r potiau, i fod yn fanwl gywir).
Bydd pethau'n dechrau gyda Phot 1, ac yn gweithio'u ffordd i lawr i Bot 4, felly erbyn cyrraedd tro Cymru fe fyddwn ni'n gwybod sut siâp sydd ar y grwpiau eraill.
Mae hefyd yn golygu y byddwn ni'n gwybod pa grwpiau all Cymru DDIM fod ynddo - achos uchafswm o ddwy wlad Ewropeaidd sy'n cael bod yn yr un grŵp (a bydd sawl un eisoes efo hynny).
Gyda'r cyfandiroedd eraill, dim ond un sy'n cael bod ym mhob grŵp.
Mae'n golygu, er enghraifft, bod Cymru/Yr Alban/Wcráin eisoes yn sicr o wynebu o leiaf un o Qatar, Brasil, Ariannin, Mecsico, UDA neu Uruguay (gan fod gweddill Pot 1 a 2 yn llawn timau Ewropeaidd).
Getty ImagesCopyright: Getty Images
Y rhyfel a'r ansicrwydd
Dylan Griffiths
Chwaraeon BBC Cymru
Mae 'na 29 gwlad eisoes wedi sicrhau eu lle yn rowndiau terfynol Cwpan y Byd yn Qatar yn ddiweddarach eleni, gyda Chymru un gêm o fod yn rhan o'r gystadleuaeth hefyd.
32 o wledydd fydd i gyd, ac ar ôl i'r gemau ail gyfle gael eu cwblhau mi fydd yna 8 grŵp o 4. Mae Cymru, ar ôl curo Awstria'r wythnos diwethaf, yn aros i weld os byddan nhw'n wynebu un ai'r Alban neu Wcráin.
Ond ar hyn o bryd, oherwydd y rhyfel yn erbyn Rwsia, does dim dyddiad wedi ei gadarnhau ar gyfer y gêm hon nac ychwaith y ffeinal.
Sut mae'r timau wedi eu rhannu?
Mae'r 32 tîm fydd yng Nghwpan y Byd eisoes wedi cael eu rhannu i bedwar pot yn seiliedig ar restr detholion byd FIFA, gyda phob grŵp yn cynnwys un tîm o bob pot.
Gan fod enillydd llwybr gemau ail gyfle Cymru heb ei gadarnhau eto, maen nhw wedi cael eu rhoi ym Mhot 4 gydag enillwyr y ddau gem ail gyfle arall (Periw v Awstralia/UAE, a Costa Rica v Seland Newydd).
Fel mae'n digwydd, petai Cymru eisoes wedi cadarnhau eu lle yn y gystadleuaeth fe fyddan nhw ym Mhot 3, gan eu bod nhw'n 18fed yn y byd ar hyn o bryd.
Pot 1: Qatar, Brasil, Gwlad Belg, Ffrainc, Ariannin, Lloegr, Sbaen, Portiwgal
Pot 2: Mecsico, Iseldiroedd, Denmarc, Almaen, Uruguay, Y Swistir, UDA, Croatia
Pot 3: Senegal, Iran, Japan, Moroco, Serbia, Gwlad Pwyl, De Corea, Tunisia
Pot 4: Cameroon, Canada, Ecuador, Saudi Arabia, Ghana, 3 tîm o'r gemau ail gyfle
Prynhawn da!
Croeso i'r llif byw wrth i ni gael gwybod pwy fydd grŵp (posib!) Cymru ar gyfer Cwpan y Byd yn Qatar yn ddiweddarach eleni.
Mae 'na un gêm fawr i fynd cyn i'r lle hwnnw gael ei gadarnhau wrth gwrs - ffeinal y gemau ail gyfle ym mis Mehefin yn erbyn Yr Alban neu Wcráin.
Ond does dim byd o'i le efo dechrau cyffroi am y posibiliad, nag oes?!
Y diweddaraf yn fyw
Gan Iolo Cheung a Caio Iwan
Mae pob amser yn lleol i'r DU
Yr enwau mawr i gyd allan o'r het
Y gwledydd o Bot 2 fydd nesaf.
Mae Cymru ym Mhot 4 cofiwch.
Y grwpiau...
Grŵp A: Qatar
Grŵp B: Lloegr
Grŵp C: Yr Ariannin
Grŵp D: Ffrainc
Grŵp E: Sbaen
Grŵp F: Gwlad Belg
Grŵp G: Brasil
Grŵp H: Portiwgal
Enwau mawr ar y llwyfan
Jermaine Jenas, Samantha Johnson a Carli Lloyd, enillydd Cwpan y Byd y Merched gyda'r UDA ar ddau achlysur, sy'n cyflwyno'r seremoni erbyn hyn. Mae Idris Elba wedi gadael y llwyfan...
Cafu, Jay Jay Okocha, Lothar Matthäus, Tim Cahill ac Ali Daei fydd ymhlith y rhai fydd yn tynnu'r enwau allan o'r het.
Cewri'r gamp - a Jenas.
Llwybr Cymru i Qatar
Fe ddechreuodd ymgyrch ragbrofol Cymru i gyrraedd Qatar 'nôl ym mis Mawrth 2021, gyda cholled o 3-1 oddi cartref yng Ngwlad Belg.
Ond fe aeth tîm Rob Page drwy weddill y grŵp heb golli gêm, gan ennill pedair a chael tair gêm gyfartal i orffen yn ail yn y tabl o flaen y Weriniaeth Tsiec.
Fe wnaeth canlyniad cyfartal adref yn erbyn y Belgiaid yn yr ornest olaf sicrhau y byddai'r crysau cochion adref yn rownd gynderfynol y gemau ail gyfle.
Ac fe wnaethon nhw'n fawr o'r fantais honno, gan drechu Awstria o 2-1 yn Stadiwm Dinas Caerdydd yr wythnos diwethaf diolch i goliau'r bytholwyrdd Gareth Bale.
Un cam sydd i fynd, felly, a honno hefyd gartref ym mis Mehefin yn erbyn Yr Alban neu Wcráin - gan obeithio y bydd modd chwarae'r gêm honno erbyn hynny, wrth gwrs.
Dyma ni...
Mae'r foment fawr wedi dod. Ychydig funudau tan y bydd Cymru yn cael gwybod pwy fydd eu gwrthwynebwyr (posib) yn Qatar!
Hanes i ailadrodd ei hun?
Mae'n 64 mlynedd ers unig ymddangosiad Cymru yng Nghwpan y Byd, a hynny 'nôl yn 1958 yn Sweden.
Bryd hynny bu'n rhaid cyrraedd y twrnament drwy'r gemau ail gyfle hefyd, gyda'r crysau cochion yn trechu Israel dros ddau gymal i gyrraedd yno.
Roedd Mecsico a Brasil ymhlith gwrthwynebwyr Cymru yn y gystadleuaeth derfynol - tybed a welwn ni nhw eto heddiw?
Grŵp anoddaf a hawsaf?
Yn ôl rhestr detholion FIFA, y grŵp anoddaf allai Cymru ei gael fyddai Brasil (1), Mecsico (9) a Senegal (20).
Ar y llaw arall, yr un hawsaf fyddai Qatar (51), Croatia (16) a Tunisia (35).
Tipyn o wahaniaeth yn fanno!
Y prif weithredwr yn ei sedd
Prif weithredwr Cymdeithas Bêl-droed Cymru, Noel Mooney sydd yn Doha i gynhyrchioli Cymru'r prynhawn yma, yn hytrach na'r rheolwr Rob Page.
A fydd o'n hapus ymhen rhyw hanner awr?
Y peth pwysicaf un...
Dylan Griffiths
Chwaraeon BBC Cymru
Yr hyn sy'n bwysig ydy bod Cymru yn rhan o'r cyfan am y tro cyntaf ers 1958.
Oes, mae 'na un gêm anferth eto i'w chwarae, ond yn bersonol does fawr o wahaniaeth pwy fydd yn yr un grŵp â Chymru.
Yr hyn sy'n bwysig ydy bod Cymru yno ac yn chwarae ar y llwyfan uchaf un.
Osgoi Gwlad Belg a Lloegr, ond Moroco yn ddiddorol
Dylan Griffiths
Chwaraeon BBC Cymru
Yn y pedwerydd pot mae Cymru sef yr un isaf o ran detholion, felly mi fydd 'na her yn wynebu tîm Robert Page pwy bynnag y byddan nhw'n wynebu.
Yn ddelfrydol, Qatar fydda'r tîm i wynebu o bot rhif 1. Mi ydan ni wedi chwarae digon yn erbyn Gwlad Belg yn ddiweddar, felly mi fyddai'n braf eu hosgoi nhw a hefyd Lloegr.
Beth am Bortiwgal i gael dial am y rownd gyn derfynol yn Euro 2016?!
Mae Mecsico yn pot rhif 2 ac mae Cymru wedi eu curo nhw mewn gêm gyfeillgar y llynedd. Mae'r Swistir yno hefyd; mae angen osgoi’r Almaen os yn bosib a Denmarc wedi'r gweir gafon ni yn Euro 2020 yn yr 16 olaf.
I bot rhif 3 wedyn, mae Gwlad Pwyl a Robert Lewandowski am fod yn gryf ac mi fyddwn ni'n yr un grŵp â nhw yng Nghynghrair y Cenhedloedd eleni. Mi fyddai Moroco yn dîm diddorol, a chyfle hefyd i gael cyngor a gwybodaeth gan Osian Roberts fuodd yn gweithio gyda'r Gymdeithas Bêl-droed yno cyn ymuno â Crystal Palace.
Dal dy ddŵr, Meilyr!
Beth fydd yn digwydd y prynhawn yma felly?
Ar ôl y traethu arferol sy'n digwydd ar ddechrau seremonïau fel hyn, fe fydd yr enwau'n dod allan o'r het (neu'r peli'n dod allan o'r potiau, i fod yn fanwl gywir).
Bydd pethau'n dechrau gyda Phot 1, ac yn gweithio'u ffordd i lawr i Bot 4, felly erbyn cyrraedd tro Cymru fe fyddwn ni'n gwybod sut siâp sydd ar y grwpiau eraill.
Mae hefyd yn golygu y byddwn ni'n gwybod pa grwpiau all Cymru DDIM fod ynddo - achos uchafswm o ddwy wlad Ewropeaidd sy'n cael bod yn yr un grŵp (a bydd sawl un eisoes efo hynny).
Gyda'r cyfandiroedd eraill, dim ond un sy'n cael bod ym mhob grŵp.
Mae'n golygu, er enghraifft, bod Cymru/Yr Alban/Wcráin eisoes yn sicr o wynebu o leiaf un o Qatar, Brasil, Ariannin, Mecsico, UDA neu Uruguay (gan fod gweddill Pot 1 a 2 yn llawn timau Ewropeaidd).
Y rhyfel a'r ansicrwydd
Dylan Griffiths
Chwaraeon BBC Cymru
Mae 'na 29 gwlad eisoes wedi sicrhau eu lle yn rowndiau terfynol Cwpan y Byd yn Qatar yn ddiweddarach eleni, gyda Chymru un gêm o fod yn rhan o'r gystadleuaeth hefyd.
32 o wledydd fydd i gyd, ac ar ôl i'r gemau ail gyfle gael eu cwblhau mi fydd yna 8 grŵp o 4. Mae Cymru, ar ôl curo Awstria'r wythnos diwethaf, yn aros i weld os byddan nhw'n wynebu un ai'r Alban neu Wcráin.
Ond ar hyn o bryd, oherwydd y rhyfel yn erbyn Rwsia, does dim dyddiad wedi ei gadarnhau ar gyfer y gêm hon nac ychwaith y ffeinal.
Sut mae'r timau wedi eu rhannu?
Mae'r 32 tîm fydd yng Nghwpan y Byd eisoes wedi cael eu rhannu i bedwar pot yn seiliedig ar restr detholion byd FIFA, gyda phob grŵp yn cynnwys un tîm o bob pot.
Gan fod enillydd llwybr gemau ail gyfle Cymru heb ei gadarnhau eto, maen nhw wedi cael eu rhoi ym Mhot 4 gydag enillwyr y ddau gem ail gyfle arall (Periw v Awstralia/UAE, a Costa Rica v Seland Newydd).
Fel mae'n digwydd, petai Cymru eisoes wedi cadarnhau eu lle yn y gystadleuaeth fe fyddan nhw ym Mhot 3, gan eu bod nhw'n 18fed yn y byd ar hyn o bryd.
Pot 1: Qatar, Brasil, Gwlad Belg, Ffrainc, Ariannin, Lloegr, Sbaen, Portiwgal
Pot 2: Mecsico, Iseldiroedd, Denmarc, Almaen, Uruguay, Y Swistir, UDA, Croatia
Pot 3: Senegal, Iran, Japan, Moroco, Serbia, Gwlad Pwyl, De Corea, Tunisia
Pot 4: Cameroon, Canada, Ecuador, Saudi Arabia, Ghana, 3 tîm o'r gemau ail gyfle
Prynhawn da!
Croeso i'r llif byw wrth i ni gael gwybod pwy fydd grŵp (posib!) Cymru ar gyfer Cwpan y Byd yn Qatar yn ddiweddarach eleni.
Mae 'na un gêm fawr i fynd cyn i'r lle hwnnw gael ei gadarnhau wrth gwrs - ffeinal y gemau ail gyfle ym mis Mehefin yn erbyn Yr Alban neu Wcráin.
Ond does dim byd o'i le efo dechrau cyffroi am y posibiliad, nag oes?!