Yr enwau mawr i gyd allan o'r hetwedi ei gyhoeddi 17:54 Amser Safonol Greenwich+1 1 Ebrill 2022
Y gwledydd o Bot 2 fydd nesaf.
Mae Cymru ym Mhot 4 cofiwch.
Ffynhonnell y llun, Getty ImagesCrynodeb
Grŵp B: Lloegr, Iran, UDA, CYMRU/ALBAN/WCRÁIN
Yr enwau wedi'u tynnu o'r het mewn seremoni yn Doha ar gyfer Cwpan y Byd Fifa Qatar 2022
Bydd Cymru yn wynebu'r Alban neu Wcráin - fwy na thebyg ym mis Mehefin - am le yn Qatar
Bydd y gystadleuaeth yn cael ei chynnal o 21 Tachwedd tan 18 Rhagfyr
Yr enwau mawr i gyd allan o'r hetwedi ei gyhoeddi 17:54 Amser Safonol Greenwich+1 1 Ebrill 2022
Ffynhonnell y llun, Getty ImagesY grwpiau...wedi ei gyhoeddi 17:48 Amser Safonol Greenwich+1 1 Ebrill 2022
Grŵp A: Qatar
Grŵp B: Lloegr
Grŵp C: Yr Ariannin
Grŵp D: Ffrainc
Grŵp E: Sbaen
Grŵp F: Gwlad Belg
Grŵp G: Brasil
Grŵp H: Portiwgal
Enwau mawr ar y llwyfanwedi ei gyhoeddi 17:42 Amser Safonol Greenwich+1 1 Ebrill 2022
Jermaine Jenas, Samantha Johnson a Carli Lloyd, enillydd Cwpan y Byd y Merched gyda'r UDA ar ddau achlysur, sy'n cyflwyno'r seremoni erbyn hyn. Mae Idris Elba wedi gadael y llwyfan...
Cafu, Jay Jay Okocha, Lothar Matthäus, Tim Cahill ac Ali Daei fydd ymhlith y rhai fydd yn tynnu'r enwau allan o'r het.
Cewri'r gamp - a Jenas.
Llwybr Cymru i Qatarwedi ei gyhoeddi 17:34 Amser Safonol Greenwich+1 1 Ebrill 2022
Fe ddechreuodd ymgyrch ragbrofol Cymru i gyrraedd Qatar 'nôl ym mis Mawrth 2021, gyda cholled o 3-1 oddi cartref yng Ngwlad Belg.
Ond fe aeth tîm Rob Page drwy weddill y grŵp heb golli gêm, gan ennill pedair a chael tair gêm gyfartal i orffen yn ail yn y tabl o flaen y Weriniaeth Tsiec.
Fe wnaeth canlyniad cyfartal adref yn erbyn y Belgiaid yn yr ornest olaf sicrhau y byddai'r crysau cochion adref yn rownd gynderfynol y gemau ail gyfle.
Ac fe wnaethon nhw'n fawr o'r fantais honno, gan drechu Awstria o 2-1 yn Stadiwm Dinas Caerdydd yr wythnos diwethaf diolch i goliau'r bytholwyrdd Gareth Bale.
Un cam sydd i fynd, felly, a honno hefyd gartref ym mis Mehefin yn erbyn Yr Alban neu Wcráin - gan obeithio y bydd modd chwarae'r gêm honno erbyn hynny, wrth gwrs.
Ffynhonnell y llun, CBDCDisgrifiad o’r llun, Mae gan Gareth Bale bellach 38 o goliau mewn 102 cap dros Gymru
Dyma ni...wedi ei gyhoeddi 17:31 Amser Safonol Greenwich+1 1 Ebrill 2022
Mae'r foment fawr wedi dod. Ychydig funudau tan y bydd Cymru yn cael gwybod pwy fydd eu gwrthwynebwyr (posib) yn Qatar!
Hanes i ailadrodd ei hun?wedi ei gyhoeddi 17:29 Amser Safonol Greenwich+1 1 Ebrill 2022
Mae'n 64 mlynedd ers unig ymddangosiad Cymru yng Nghwpan y Byd, a hynny 'nôl yn 1958 yn Sweden.
Bryd hynny bu'n rhaid cyrraedd y twrnament drwy'r gemau ail gyfle hefyd, gyda'r crysau cochion yn trechu Israel dros ddau gymal i gyrraedd yno.
Roedd Mecsico a Brasil ymhlith gwrthwynebwyr Cymru yn y gystadleuaeth derfynol - tybed a welwn ni nhw eto heddiw?
Ffynhonnell y llun, Getty ImagesDisgrifiad o’r llun, Daeth rhediad Cymru yng Nghwpan y Byd 1958 i ben yn rownd yr wyth olaf, gyda bachgen ifanc o'r enw Pele yn sgorio wrth i Frasil ennill 1-0
Grŵp anoddaf a hawsaf?wedi ei gyhoeddi 17:26 Amser Safonol Greenwich+1 1 Ebrill 2022
Yn ôl rhestr detholion FIFA, y grŵp anoddaf allai Cymru ei gael fyddai Brasil (1), Mecsico (9) a Senegal (20).
Ar y llaw arall, yr un hawsaf fyddai Qatar (51), Croatia (16) a Tunisia (35).
Tipyn o wahaniaeth yn fanno!
Ffynhonnell y llun, Huw Evans Picture AgencyDisgrifiad o’r llun, Fe wnaeth Cymru drechu Mecsico 1-0 mewn gêm gyfeillgar llynedd, ar achlysur 100fed cap Chris Gunter
Y prif weithredwr yn ei seddwedi ei gyhoeddi 17:22 Amser Safonol Greenwich+1 1 Ebrill 2022
Prif weithredwr Cymdeithas Bêl-droed Cymru, Noel Mooney sydd yn Doha i gynhyrchioli Cymru'r prynhawn yma, yn hytrach na'r rheolwr Rob Page.
A fydd o'n hapus ymhen rhyw hanner awr?
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.Nid yw'r BBC yn gyfrifol am gynnwys safleoedd allanolI osgoi neges twitterNid yw'r BBC yn gyfrifol am gynnwys safleoedd allanolCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges twitterY peth pwysicaf un...wedi ei gyhoeddi 17:20 Amser Safonol Greenwich+1 1 Ebrill 2022
Dylan Griffiths
Chwaraeon BBC CymruYr hyn sy'n bwysig ydy bod Cymru yn rhan o'r cyfan am y tro cyntaf ers 1958.
Oes, mae 'na un gêm anferth eto i'w chwarae, ond yn bersonol does fawr o wahaniaeth pwy fydd yn yr un grŵp â Chymru.
Yr hyn sy'n bwysig ydy bod Cymru yno ac yn chwarae ar y llwyfan uchaf un.
Osgoi Gwlad Belg a Lloegr, ond Moroco yn ddiddorolwedi ei gyhoeddi 17:18 Amser Safonol Greenwich+1 1 Ebrill 2022
Dylan Griffiths
Chwaraeon BBC CymruYn y pedwerydd pot mae Cymru sef yr un isaf o ran detholion, felly mi fydd 'na her yn wynebu tîm Robert Page pwy bynnag y byddan nhw'n wynebu.
Yn ddelfrydol, Qatar fydda'r tîm i wynebu o bot rhif 1. Mi ydan ni wedi chwarae digon yn erbyn Gwlad Belg yn ddiweddar, felly mi fyddai'n braf eu hosgoi nhw a hefyd Lloegr.
Beth am Bortiwgal i gael dial am y rownd gyn derfynol yn Euro 2016?!
Ffynhonnell y llun, Getty ImagesDisgrifiad o’r llun, A fydd gan y gŵr yma rôl i chwarae petai Cymru'n wynebu Moroco?
Mae Mecsico yn pot rhif 2 ac mae Cymru wedi eu curo nhw mewn gêm gyfeillgar y llynedd. Mae'r Swistir yno hefyd; mae angen osgoi’r Almaen os yn bosib a Denmarc wedi'r gweir gafon ni yn Euro 2020 yn yr 16 olaf.
I bot rhif 3 wedyn, mae Gwlad Pwyl a Robert Lewandowski am fod yn gryf ac mi fyddwn ni'n yr un grŵp â nhw yng Nghynghrair y Cenhedloedd eleni. Mi fyddai Moroco yn dîm diddorol, a chyfle hefyd i gael cyngor a gwybodaeth gan Osian Roberts fuodd yn gweithio gyda'r Gymdeithas Bêl-droed yno cyn ymuno â Crystal Palace.
Dal dy ddŵr, Meilyr!wedi ei gyhoeddi 17:14 Amser Safonol Greenwich+1 1 Ebrill 2022
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.Nid yw'r BBC yn gyfrifol am gynnwys safleoedd allanolI osgoi neges twitterNid yw'r BBC yn gyfrifol am gynnwys safleoedd allanolCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges twitterBeth fydd yn digwydd y prynhawn yma felly?wedi ei gyhoeddi 17:11 Amser Safonol Greenwich+1 1 Ebrill 2022
Ar ôl y traethu arferol sy'n digwydd ar ddechrau seremonïau fel hyn, fe fydd yr enwau'n dod allan o'r het (neu'r peli'n dod allan o'r potiau, i fod yn fanwl gywir).
Bydd pethau'n dechrau gyda Phot 1, ac yn gweithio'u ffordd i lawr i Bot 4, felly erbyn cyrraedd tro Cymru fe fyddwn ni'n gwybod sut siâp sydd ar y grwpiau eraill.
Mae hefyd yn golygu y byddwn ni'n gwybod pa grwpiau all Cymru DDIM fod ynddo - achos uchafswm o ddwy wlad Ewropeaidd sy'n cael bod yn yr un grŵp (a bydd sawl un eisoes efo hynny).
Gyda'r cyfandiroedd eraill, dim ond un sy'n cael bod ym mhob grŵp.
Mae'n golygu, er enghraifft, bod Cymru/Yr Alban/Wcráin eisoes yn sicr o wynebu o leiaf un o Qatar, Brasil, Ariannin, Mecsico, UDA neu Uruguay (gan fod gweddill Pot 1 a 2 yn llawn timau Ewropeaidd).
Ffynhonnell y llun, Getty ImagesY rhyfel a'r ansicrwyddwedi ei gyhoeddi 17:04 Amser Safonol Greenwich+1 1 Ebrill 2022
Dylan Griffiths
Chwaraeon BBC CymruMae 'na 29 gwlad eisoes wedi sicrhau eu lle yn rowndiau terfynol Cwpan y Byd yn Qatar yn ddiweddarach eleni, gyda Chymru un gêm o fod yn rhan o'r gystadleuaeth hefyd.
32 o wledydd fydd i gyd, ac ar ôl i'r gemau ail gyfle gael eu cwblhau mi fydd yna 8 grŵp o 4. Mae Cymru, ar ôl curo Awstria'r wythnos diwethaf, yn aros i weld os byddan nhw'n wynebu un ai'r Alban neu Wcráin.
Ond ar hyn o bryd, oherwydd y rhyfel yn erbyn Rwsia, does dim dyddiad wedi ei gadarnhau ar gyfer y gêm hon nac ychwaith y ffeinal.
Sut mae'r timau wedi eu rhannu?wedi ei gyhoeddi 17:03 Amser Safonol Greenwich+1 1 Ebrill 2022
Mae'r 32 tîm fydd yng Nghwpan y Byd eisoes wedi cael eu rhannu i bedwar pot yn seiliedig ar restr detholion byd FIFA, gyda phob grŵp yn cynnwys un tîm o bob pot.
Gan fod enillydd llwybr gemau ail gyfle Cymru heb ei gadarnhau eto, maen nhw wedi cael eu rhoi ym Mhot 4 gydag enillwyr y ddau gem ail gyfle arall (Periw v Awstralia/UAE, a Costa Rica v Seland Newydd).
Fel mae'n digwydd, petai Cymru eisoes wedi cadarnhau eu lle yn y gystadleuaeth fe fyddan nhw ym Mhot 3, gan eu bod nhw'n 18fed yn y byd ar hyn o bryd.
Pot 1: Qatar, Brasil, Gwlad Belg, Ffrainc, Ariannin, Lloegr, Sbaen, Portiwgal
Pot 2: Mecsico, Iseldiroedd, Denmarc, Almaen, Uruguay, Y Swistir, UDA, Croatia
Pot 3: Senegal, Iran, Japan, Moroco, Serbia, Gwlad Pwyl, De Corea, Tunisia
Pot 4: Cameroon, Canada, Ecuador, Saudi Arabia, Ghana, 3 tîm o'r gemau ail gyfle
Ffynhonnell y llun, Getty ImagesDisgrifiad o’r llun, Qatar sy'n cynnal y gystadleuaeth ac felly'n cael lle awtomatig ym Mhot 1
Prynhawn da!wedi ei gyhoeddi 17:01 Amser Safonol Greenwich+1 1 Ebrill 2022
Croeso i'r llif byw wrth i ni gael gwybod pwy fydd grŵp (posib!) Cymru ar gyfer Cwpan y Byd yn Qatar yn ddiweddarach eleni.
Mae 'na un gêm fawr i fynd cyn i'r lle hwnnw gael ei gadarnhau wrth gwrs - ffeinal y gemau ail gyfle ym mis Mehefin yn erbyn Yr Alban neu Wcráin.
Ond does dim byd o'i le efo dechrau cyffroi am y posibiliad, nag oes?!
Ffynhonnell y llun, Getty Images