Gêm agoriadol Cymru yng Nghwpan y Byd Qatar 2022
Tim Weah yn sgorio unig gôl yr hanner cyntaf i UDA
Gareth Bale yn sgorio o'r smotyn gyda 10 munud yn weddill
Bydd Cymru'n herio Iran ddydd Gwener, ac yna Lloegr nos Fawrth nesaf
Iolo Cheung
Gohebydd BBC Cymru Fyw yn Qatar
Mae ‘na rai cefnogwyr wedi bod yn cael trafferthion gyda’r ap tocynnau, sydd ddim yn dangos eu tocyn ar gyfer y gêm.
Fe fethodd rhai o gefnogwyr Lloegr ddechrau eu gornest nhw oherwydd yr un broblem.
Felly mae cyngor i’r rheiny sydd wedi'u heffeithio fynd i’r stadiwm cyn gynted â phosib, ble mae canolfannau i ddatrys y broblem.
BBC Radio Cymru
Mae rhagor o drafod y gêm hollbwysig heno ar Post Prynhawn ar BBC Radio Cymru nawr.
Fe allwch chi wrando heb orfod gadael ein llif byw, trwy glicio ar yr eicon uchod.
Cymro ac Americanwr yn trafod y gêm ar y Metro draw i’r stadiwm - tybed pa un fydd yn gwenu fwyaf erbyn y chwiban olaf!
Roedd yna cryn gyffro yn ysgolion Cymru heddiw - yn dymuno'n dda i'r garfan oedd disgyblion Ysgol Pendalar, Ysgol Gynradd Creunant ac Ysgol Gyfun Ystalyfera.
Pob lwc Cymru!
Mae parti wedi bod yn cael ei gynnal i gefnogwyr Cymru yng ngwesty'r Intercontinental cyn y gêm nos Lun.
Roedd y Wal Goch wedi gadael ei marc o fewn dim, gan gymryd dau lawr o'r gwesty drosodd!
Roedd yna dipyn o gynnwrf wrth i aelodau'r Wal Goch gyrraedd
P'nawn da, a chroeso i'n llif byw arbennig o'r gêm rhwng Cymru a'r Unol Daleithiau yng Nghwpan y Byd Qatar 2022.
Hir yw pob ymaros, medden nhw, a dyma gêm gyntaf Cymru yn y gystadleuaeth ers 64 o flynyddoedd!
Mae 'na genhedlaeth o Gymry sydd erioed wedi gweld y tîm cenedlaethol yn chwarae yng Nghwpan y Byd, ond mae'r foment wedi cyrraedd o'r diwedd.
Arhoswch gyda ni am y cyfan, gan ein gohebwyr ledled Cymru ac allan yn Doha.
C'MON CYMRU!
Ffynhonnell y llun, Getty Images