Mae rhybudd oren am wyntoedd cryfion wedi bod mewn grym ar gyfer Cymru gyfan dros nos
Daeth y rhybudd hwnnw, a rhybudd melyn am law ar gyfer y mwyafrif o Gymru, i ben am 06:00
Mae rhybudd melyn arall am wynt mewn grym ar gyfer y DU gyfan tan 12:00 ddydd Llun
Mae ffordd Blaenau'r Cymoedd bellach wedi ailagor.
Yn gynharach roedd hi ar gau ger Cefncoedycymer wedi i goeden ddisgyn - mae'r goeden bellach wedi'i symud.
Mae rhybudd melyn am wyntoedd cryfion mewn grym ar gyfer y DU gyfan tan 12:00 heddiw.
Fe ddaeth y rhybudd oren am wyntoedd cryfion a'r rhybudd melyn am law trwm i ben am 06:00 fore Llun.
Ar y cyfryngau cymdeithasol mae rhai wedi bod yn rhoi adroddiadau am y ffyrdd o'u cwmpas.
Mae'r ffordd rhwng Bala a Llandderfel wedi cau yn sgil y tywydd garw, fel y noda Sioned Webb.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cyfoeth Naturiol Cymru
Mae Rhybudd Llifogydd yn golygu bod disgwyl llifogydd a bod angen gweithredu.
Fore Llun am 07:30 dywed Cyfoeth Naturiol Cymru bod yna dros 30 rhybudd arall mewn grym - rhai sy'n llai difrifol.
Yn gynharach roedd yna rybudd i bobl sy'n cerdded ar lwybrau i fod yn ofalus "gan y gallai gwyntoedd cryfion achosi i goed a changhennau ddisgyn".
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cyfoeth Naturiol Cymru
Dywed Cyfoeth Naturiol Cymru fod pedwar rhybudd llifogydd mewn grym fore Llun sef ar
Cafodd hediadau o Amsterdam a Chaeredin oedd i fod i lanio ym Maes Awyr Caerdydd nos Sul eu canslo wrth i'r tywydd waethygu.
Ar y cyfryngau cymdeithasol dywedodd un o gyflwynwyr y BBC - Jennifer Jones - na fydd hi'n cyflwyno ddydd Llun gan ei bod yng Nghaeredin yn lle Bryste!
Cafodd yr awyren yr oedd hi'n teithio ynddi ei dargyfeirio ond ychwanegodd ei bod hi a'i ffrindiau yn ddiogel.
Mae ffordd Blaenau'r Cymoedd wedi ei rhwystro i'r ddau gyfeiriad yng Nghefncoedycymer ger Merthyr am fod coeden wedi cwympo.
Y cyngor yw i osgoi'r ardal.
Dywed Traffig Cymru bod Pont Britannia bellach wedi ailagor i draffig ac eithrio beiciau, beiciau modur a charafanau.
Mae cyfyngiad cyflymder 30mya yn parhau i'r holl draffig.
Nos Sul bu'n rhaid cau'r bont rhwng Gwynedd a Môn rhwng 16:00 a hanner nos oherwydd y pryderon am wyntoedd cryfion.
Yn ôl gwefannau'r National Grid a Scottish Power, roedd nifer o gartrefi ledled Cymru heb bŵer nos Sul.
Ar un adeg roedd hyd at 3,000 o gartrefi heb drydan.
Fore Llun mae'n ymddangos mai rhyw 200 eiddo sydd heb drydan yn y de - a hynny yn ardaloedd Abertawe, cymoedd de Cymru ac o gwmpas Castellnewydd Emlyn.
Storm Isha yw'r ddiweddaraf i daro Cymru a'r DU.
Dros nos roedd yna wyntoedd cryfion a chawodydd trymion ar draws Cymru gyda nifer heb drydan.
Y diweddaraf a'r ymateb i'r storm ar ein llif byw - croeso aton ni.
Ffynhonnell y llun, Swyddfa Dywydd