'Da ni'n gweld lot o ddifrod' yn Chwarel Dinorwig

Mae 'na alw ar ymwelwyr a phobl leol i ddangos mwy o barch at rai o olion y diwydiant llechi yn sgil pryderon dros ddifrod cynyddol.

Dywedodd un ddynes o Wynedd ei bod wedi ei "thristáu" ar ôl gweld graffiti a sbwriel helaeth mewn caban a oedd unwaith yn noddfa i weithwyr Chwarel Dinorwig, gyda rhai o eitemau hefyd wedi eu cymryd oddi yno.

Yn ôl elusen sy'n gwarchod a cheisio gwella harddwch a rhinweddau arbennig Eryri, mae angen i'r cyhoedd fod yn fwy ystyriol o hanes cyfoethog y diwydiant oedd, ar un adeg, yn gyfrifol am roi to ar y byd.

Ychwanegodd Cymdeithas Eryri fod mwy o bobl yn ymweld ag ardaloedd oedd unwaith yn ddiarffordd a bod gwefannau cymdeithasol yn denu mwy o ymwelwyr.

Darllenwch y stori'n llawn yma.