Cymru 'wedi dysgu lot' yn ymgyrch gyntaf Bellamy
Mae Ben Davies yn dweud fod Cymru wedi “dysgu lot am ein hunain” yn ystod Cynghrair y Cenhedloedd eleni - ymgyrch gyntaf Craig Bellamy fel rheolwr.
Dyw Cymru heb golli gêm ers i Bellamy gael ei benodi – maen nhw wedi ennill tair a chael dwy gêm gyfartal yn ei bum gêm wrth y llyw.
Bydd Cymru'n wynebu Gwlad yr Iâ yn Stadiwm Dinas Caerdydd nos Fawrth.
Maen nhw angen ennill os am unrhyw obaith o ennill y grŵp a sicrhau dyrchafiad awtomatig yn ôl i brif haen y gystadleuaeth, ond mae hynny'n ddibynnol hefyd ar ganlyniad Twrci yn erbyn Montenegro.