Y golwr tawel gyda 'dwylo saff a thraed balerina'

Trwy sicrhau gwell gwahaniaeth goliau na'r Swistir y llwyddodd Cymru i orffen yn ail yn eu grŵp ym mhencampwriaeth Euro 2020 a bachu lle yn rownd yr 16 olaf.

Mae'n amlwg felly erbyn hyn pa mor dyngedfennol oedd rhai o arbedion campus y gôl-geidwad Danny Ward yn ystod y gemau grŵp.

Wrth i Gymru wynebu Denmarc yn Amsterdam brynhawn Sadwrn fe fydd yn gobeithio cael y gorau ar Kasper Schmeichel - ei gyd-golwr yn Leicester City a dewis cyntaf y clwb rhwng y pyst.

Mae diddordeb arbennig yng ngyrfa'r golwr o Wrecsam ymhlith staff a disgyblion ei hen ysgol, sef Ysgol Uwchradd Penarlâg.

Osian Jones oedd ei gyn-athro daearyddiaeth.