Harding: 'Teimlad arbennig' i ennill gêm gyntaf yr ymgyrch

Mae Natasha Harding yn dweud bod "teimlad arbennig o dda" o fewn carfan Cymru wedi iddyn nhw ennill eu gornest gyntaf yng ngrŵp rhagbrofol Cwpan y Byd FIFA Merched 2023.

Roedd y crysau cochion yn fuddugol o 6-0 yn erbyn Kazakhstan ar Barc y Scarlets nos Wener, gyda Harding ymhlith y rheiny wnaeth sgorio.

Bydd y tîm nawr yn teithio i Estonia ar gyfer eu hail gêm yn y grŵp nos Fawrth, gan obeithio am fuddugoliaeth arall i barhau eu dechreuad cryf i'r ymgyrch.