Hashtags ar TikTok 'yn galw athrawon yn paedophiles'

Mae rhai athrawon yn gadael y proffesiwn ar ôl cael eu sarhau ar ap cyfryngau cymdeithasol TikTok, yn ôl undeb addysg.

Mae hi wedi dod yn boblogaidd ymysg plant i rannu fideos o staff ysgol gyda disgrifiadau anweddus ar yr ap, gan gynnwys fideos pornograffig gydag wynebau staff wedi eu gosod arnynt.

Dywedodd ysgol yng Nghwmtawe eu bod wedi galw'r heddlu ar ôl i staff gael eu ffilmio heb wybod a'u galw'n bedoffeil ar yr ap.

Dywedodd TikTok nad yw'n goddef casineb, bwlio na cham-drin.