Uchafbwyntiau: Cymru 1-2 Gwlad yr Iâ

Bydd merched Cymru yn disgyn o haen uchaf Cynghrair y Cenhedloedd ar ôl colli i Wlad yr Iâ yng Nghaerdydd.

Hildur Antonsdottir a Dilja Zomers gafodd y goliau i'r ymwelwyr, cyn i Elise Hughes sgorio yn y munudau olaf i'w gwneud hi'n 1-2.

Roedd yn rhaid i Gymru ennill nos Wener er mwyn cael unrhyw obaith o aros yn Adran A Cynghrair y Cenhedloedd.

Bydd Cymru'n herio'r Almaen yn eu gêm olaf yn y grŵp yn Abertawe nos Fawrth.