Ben Davies: 'Mae profiad gyda ni o gemau pwysig'

Mae amddiffynnwr Cymru, Ben Davies yn gobeithio y bydd y profiad o gyrraedd Cwpan Y Byd 2022 drwy'r gemau ail-gyfle o gymorth iddyn nhw cyn wynebu'r Ffindir nos Iau.

Mae Cymru angen trechu'r Ffindir, ac un ai Gwlad Pwyl neu Estonia yn rownd derfynol y gemau ail gyfle nos Fawrth nesaf er mwyn cyrraedd Euro 2024.

Yn ystod y ddeng mlynedd ddiwethaf mae Cymru wedi cyrraedd Euro 2016, Euro 2020 a Chwpan y Byd 2022, gyda Davies yn disgrifio'r wefr o chwarae mewn cystadleuaeth ryngwladol fel "un o'r teimladau gorau".