Lluniau Steddfod: Dydd Sul

4 Awst 2019

Lluniau dydd Sul yn yr Eisteddfod Genedlaethol yn Llanrwst.

Gallwch weld y newyddion, canlyniadau, uchafbwyntiau a fideo byw o'r Pafiliwn yn ein hadran arbennig ar Cymru Fyw.

Dwy ferch â phaent wyneb — Disgrifiad o’r llun,
Mae Ffion a Rhian o Bethel ger Caernarfon yn yr Eisteddfod i gystadlu gyda'u grŵp dawns

Katie a Rhian yn mwynhau paned ym mhabell Merched y Wawr — Disgrifiad o’r llun,
"Fan hyn mae'r baned orau," meddai Katie a Rhian sy'n dewis cyfarfod ym mhabell Merched y Wawr oherwydd safon y te a'r cacennau

Ceri a Gruffudd o Riwlas — Disgrifiad o’r llun,
Ceri o Rhiwlas ger Bangor yn gwneud yn siwr nad ydy ei mab Gruffudd yn llosgi yn yr haul rhwng y cawodydd

Hywel Gwynfryn — Disgrifiad o’r llun,
Y darlledwr bytholwyrdd Hywel Gwynfryn heb feicroffon am unwaith wrth iddo grwydro'r Maes

Perfformwyr yn y Lle Hanes — Disgrifiad o’r llun,
Perfformiad wedi ei ysbrydoli gan hanes y chwareli gan gast ifanc Cwmni Frân Wen yn y Lle Hanes

Tim Hamson yn edrych drwy danau'r delyn deires — Disgrifiad o’r llun,
Mae Tim Hampson yn dod o Ddyfnaint ac yn un o'r ychydig bobl sy'n gwneud telynau teires - maent i'w gweld ar stondin Cymdeithas y Delyn Deires sydd newydd gael ei sefydlu

edrych ar y map — Disgrifiad o’r llun,
Ar goll? Diolch byth am y mapiau mawr sydd o gwmpas y Maes

Lleucu — Disgrifiad o’r llun,
Lleucu'n arddangos popeth sydd ei angen mewn Steddfod: dillad cyfforddus, welis, bag i ddal pres gwario, bag cefn i ddal yr holl bethau eraill, ac, yn bwysicaf oll, os ydych dan 10, balŵn

Lleucu — Disgrifiad o’r llun,
...a digon o le i roi'r holl sticeri!

teulu mewn gogls — Disgrifiad o’r llun,
Nid ail-greu'r glaniad cyntaf ar y lleuad yn 1969 ond y teulu Canty o Brestatyn yn trïo gogls adran seicoleg Prifysgol Bangor yn y Pentref Gwyddoniaeth

Arrfon Williams a Chôr Dyffryn Dyfi yn ymarfer ar y Maes cyn cystadlu — Disgrifiad o’r llun,
Arweinydd Côr Dyffryn Dyfi, Arfon Williams, yn mynd i ysbryd y darn wrth i'r côr ymarfer mewn pabell ar y Maes cyn mynd ar y llwyfan

criw cyw — Disgrifiad o’r llun,
Ahoy! i gyflwynwyr Cyw

ciw mewn ffram — Disgrifiad o’r llun,
O Cyw i'r ciw - roedd rhesi hir o bobl yn aros i fynd i weld cystadleuaeth boblogaidd y rhaglen o adloniant gan gorau heb fod yn llai nag 20 mewn nifer

Y pentref plant — Disgrifiad o’r llun,
Hafan i rieni â phlant bach - y Pentref Plant (mae'r bar rownd y gornel)

Elis ar space Hopper — Disgrifiad o’r llun,
Elis o Fangor yn joio ar 'Space Hopper'

Hefyd o ddiddordeb: