'Ry'n ni'n canolbwyntio'n llwyr ar y gêm am 90 munud'

Wcráin fydd gwrthwynebwyr Cymru yn ffeinal y gemau ail gyfle i gyrraedd Cwpan y Byd Qatar 2022 wedi iddyn nhw drechu'r Alban nos Iau.

Dywedodd amddiffynnwr Cymru a Tottenham Hotspur, Ben Davies, ei bod yn "galed i bawb glywed be' sy'n digwydd pob dydd yna", ond fod yn rhaid i Gymru ganolbwyntio ar bêl-droed yn unig yn ystod y gêm.

Ychwanegodd y bydd "lot o barch" am yr hyn mae tîm Wcráin wedi'i wneud i gyrraedd ffeinal y gemau ail gyfle, ond fod Cymru hefyd yn ysu i gyrraedd Cwpan y Byd.

"Mae pawb yn gwybod beth mae'n mynd i feddwl os ni yn cyrraedd 'na," meddai.