'Doedd 'na ddim lager pan ddechreues i yma'n 1963'
Mae'r stori yma'n dechrau yn y flwyddyn pan ryddhawyd albwm gyntaf y Beatles, y flwyddyn pan gafodd JFK ei lofruddio, protest gyntaf Cymdeithas yr Iaith ar bont Trefechan, a phan wnaeth Doctor Who ymddangos ar y teledu am y tro cyntaf.
Hefyd ym 1963, fe ddechreuodd John Williams dynnu peints.
60 mlynedd yn ddiweddarach mae'n dal wrthi, ac yn gwneud hynny tu ôl i'r un bar ym mhentref Carno ym Mhowys.