Osian Roberts yn trafod ei her newydd yn Yr Eidal
Mi oedd Osian Roberts wedi cymryd cam yn ôl o hyfforddi am naw mis, ond mae o wedi cael ei ddenu'n ôl i'r byd pêl-droed gan hen ffrind.
Fis diwetha' mi gafodd Osian ei benodi'n rheolwr dros dro ar Como 1907 yn Yr Eidal tan ddiwedd y tymor, diolch yn bennaf i un o'r chwaraewyr gorau yn hanes Uwch Gynghrair Lloegr.
"Mae Thierry Henry yn un o berchnogion y clwb a fo mewn gwirionedd roddodd y gair cyntaf i mewn," meddai Osian.
"Trafod wedyn gyda pherchnogion y clwb, ond diolch i Thierry am roi fy enw ymlaen."
Bu Osian Roberts yn trafod ei her newydd gyda gohebydd chwaraeon BBC Cymru, Owain Llyr.