Y Coridor Ansicrwydd: Dan James yn ôl yn dathlu

Ar y bennod ddiweddaraf o'r Coridor Ansicrwydd mae Malcolm Allen ac Owain Tudur Jones yn trafod sut mae chwaraewyr Cymru wedi symud ymlaen ers colli yn erbyn Gwlad Pwyl yn rownd derfynol gemau ail-gyfle Euro 2024.

Dyw hi heb fod yn gyfnod hawdd i Dan James ers iddo fethu'r gic o'r smotyn dyngedfennol yn y gêm honno.

Ond fe lwyddodd i roi'r siom yna tu ôl iddo, wrth sgorio o bellter i Leeds United yn erbyn Hull nos Fawrth i fynd â nhw gam yn nes at ddyrchafiad i Uwch Gynghrair Lloegr.