Edrych yn ôl ar ail ddiwrnod Eisteddfod Yr Urdd 2022

Yn ogystal â Medal y Dysgwyr fe fydd Medal Bobi Jones yn cael ei chyflwyno heddiw hefyd.

Mae Medal Bobi Jones yn fedal gymharol newydd ac mae'n cael ei rhoi i ddysgwyr ifanc yn Eisteddfod yr Urdd.

Cafodd ei rhoi gyntaf yn 2019.

Mae’r fedal yma yn cael ei dyfarnu i bobl ifanc rhwng blwyddyn 10 a dan 19 oed sy’n gallu dangos sut mae ef neu hi yn defnyddio’r iaith o ddydd i ddydd yn yr ysgol, coleg, neu’r gwaith ac yn gymdeithasol.

Noddir y seremoni a Medal Bobi Jones gan Brifysgol Caerdydd.

Mae'r fedal yn cael ei rhoi er cof am y diweddar Athro Bobi Jones - cyn Athro'r Gymraeg ym Mhrifysgol Aberystwyth ac un a wnaeth gymaint i hybu dysgwyr.

BBCCopyright: BBC

Mae'r stondinau bwyd yn prysuro, er, dydy hi ddim mor brysur â ddoe.

Ydy pawb wedi dychryn o weld ciwiau dydd Llun, tybed?

BBCCopyright: BBC

Awen o Ysgol Glanrafon oedd y llefarydd buddugol i flynyddoedd 5 a 6.

Roedd Siân-Elin o Ysgol Rhys Prichard yn ail ac yn drydydd yr oedd Taliesin o Ysgol Gynradd Llannon, Llanelli.

Cafodd Sion Elis, 2 oed o Sir Fôn 'Steddfod gyntaf i'w chofio.

Fe gododd Mistar Urdd ei law arno, ac fe gododd Sion bach ei fawd yn ôl!

BBCCopyright: BBC

Mae'r llwyfan canlyniadau yn fan poblogaidd ac yn llawn tensiwn... - ond mae 'na gryn ddathlu wedi i'r canlyniad gael ei gyhoeddi.

BBCCopyright: BBC

BBCCopyright: BBC

Yn gynharach ym mis Mai fe wnaeth triban mawr ymddangos ar ochr bryn sy'n edrych dros dref Dinbych i dynnu sylw at yr ŵyl.

Mi gafodd y triongl sy'n mesur 160 metr o hyd a 60 metr o led ei adeiladu gan dîm o wirfoddolwyr, dan arweiniad Bryan Jones a Cledwyn Jones.

Mae'r triban wedi ennyn sylw ar y cyfryngau cymdeithasol, gyda rhai yn holi lle mae'r lliw coch.

"Mae yna goch yna," meddai Bryan Jones, un o’r rhai sy’n gyfrifol amdano "ond efallai nad ydi o mor glir â hynny o bellter."

BBCCopyright: BBC

Wrth siarad yng Nghynadledd y Wasg, fe wnaeth y Gweinidog Iechyd, Eluned Morgan, ddiolch i'r Urdd am roi cyfleoedd "unigryw" i blant a phobl ifanc dros y ganrif ddiwethaf.

Fe gyfeiriodd hefyd at ddatblygiad Prosiect Lles yr Urdd gafodd ei gyhoeddi yn gynharach ddydd Mawrth, sef pecyn o adnoddau i ysgolion uwchradd sy’n canolbwyntio ar iechyd a lles, hiliaeth, anabledd, ffitrwydd, gwirfoddoli a bwyta’n iach.

"Beth y'n ni'n gwybod yw o ran iechyd meddwl, mae'n bwysig ein bod ni'n cael cyfle i ymgysylltu â'n gilydd," dywedodd.

"O'dd lot fawr o bobl wedi cael cyfnodau heriol gyda'u hiechyd meddwl yn ystod y pandemig ac mae plant ifanc hefyd gyda lot o bwysau arnyn nhw.

"Mae'n bwysig ein bod ni felly yn rhoi cyfleoedd iddyn nhw."

BBCCopyright: BBC

Parti Cwmafan a gipiodd y wobr gyntaf yn y gystadleuaeth i Barti Unsain Bl.6 ac iau (Dysgwyr) ac roedden nhw wrth eu bodd.

Wrth gyhoeddi canlyniad cystadleuaeth Cyflwyniad Dramatig Bl. 6 ac iau dywedodd Mari Lovgreen bod y beirniaid wedi'u plesio'n fawr.

Ac fel hyn aeth hi:

1. Ysgol Gymraeg Sant Baruc
2. Adran Bro Taf
3. Ysgol Gymraeg y Trallwng

Llongyfarchiadau mawr!

Roedd Gwennan o Ysgol Bro Teifi yn hapus iawn mai hi enillodd cystadleuaeth yr unawd Bl. 5 a 6 - fe gafodd hi lwyddiant ddoe hefyd yn canu'r delyn.

Cian o Ysgol Gymraeg Melin Gruffydd oedd yn ail a Beatrice o Ysgol Twm o'r Nant yn drydydd.

Mae Prifysgolion Bangor ac Aberystwyth ymhlith y rhai sy'n cynnig gwasanaeth piano ar y maes ac yn gynharach bu Ysgol Llanbrynmair yn manteisio ar y gwasanaeth ym mhafiliwn Prifysgol Aberystwyth.

Twitter @Prifysgol_AberCopyright: Twitter @Prifysgol_Aber

Wel yn 2006 ac enillydd y gadair oedd Eurig Salisbury.

Fe eleni a Peredur Lynch yw beirniaid cystadleuaeth y gadair.

Yn 2004 roedd Eurig yn ail am y gadair ac un o'i ddisgyblion cynganeddol a enillodd - Hywel Griffiths.

BBCCopyright: BBC

Francesca Sciarillo o'r Wyddgrug oedd enillydd Medal y Dysgwyr, Eisteddfod yr Urdd 2019.

Wrth siarad ar Dros Frecwast ddydd Mawrth, dywedodd bod y wobr wedi "newid ei bywyd".

"I fi, yn tyfu i fyny, ro'n i wastad yn gweld yr Eisteddfod yn mynd ymlaen ac ro'n i isio cymryd rhan, ac ro'n i'n teimlo am mai dysgwr ydw i mai'r peth mwyaf Cymraeg mewn ffordd ydi cystadlu yn yr Eisteddfod.

"Byddaf yn gallu ystyried fy hun fel siaradwr Cymraeg yn lle dysgwr Cymraeg os ydw i'n mynd i'r Eisteddfod ac ymgolli fy hun yn y profiad.

"Mi wnaeth o newid fy mywyd a dwi mor ddiolchgar amdano."

Bydd enillydd y fedal eleni yn cael ei ddatgelu yn ddiweddarach ddydd Mawrth, wrth i'r cystadleuwyr barhau i gael eu hasesu yn ystod y dydd.

BBCCopyright: BBC

Mae Lleucu o Ruthun yn barod i ymuno â’r syrcas ar ôl cael tro ar wahanol driciau yn Nhipi Comisiynydd Plant Cymru.

BBCCopyright: BBC

Mae'r ateb gan y Llyfrgell Genedlaethol!

Enillwyr y Parti Unsain i Flwyddyn 6 ac iau (Dysgwyr) oedd Parti Cwmafan, roedd Parti Padarn yn ail a Pharti Unsain Penygloddfa yn drydydd.

Roedd yna gryn ddathlu ymhlith aelodau Adran Bro Alaw, Ynys Môn hefyd - nhw enillodd y gystadleuaeth i'r Grŵp Cerddoriaeth Greadigol Bl. 6 ac iau, roedd Grŵp Ysgol Llanfair Dyffryn Clwyd yn ail a Grŵp Ysgol Santes Helen, Caernarfon yn drydydd.

Yn dilyn trafferthion ddydd Llun gyda seddi'r tri phafiliwn, mae 'na ddigon o le yno heddiw.

Mae'r Pafiliwn Gwyn yn prysur lenwi wrth i gystadlaethau'r Ddawns Greadigol Bl.6 ac Iau a'r unawd llinynnol ddenu'r dorf.

Mae 'na ambell sedd sbâr hefyd!

BBCCopyright: BBC

Bydd 'na blant gwyllt ar y maes heddiw... mae'r candi-fflos wedi cyrraedd.

Byddwch yn barod, rieni!

BBCCopyright: BBC

Wedi'r cystadlu ddydd Llun rhanbarthau Eryri ac Ynys Môn sydd ar y blaen o ran y medalau - ond fe all y sefyllfa newid heddiw.

Mae canlyniadau'r dydd i'w gweld ar ap yr Eisteddfod.