Cyffro ar draws Cymru wrth i'r tîm cenedlaethol drechu Wcráin yn Stadiwm Dinas Caerdydd
Bydd Cymru yn yr un grŵp â Lloegr, UDA ac Iran
Mae trechu Wcráin yn golygu "mwy i Gymru 'na dim ond pêl-droed"
Cic rydd gan Bale a pheniad i'w rwyd ei hun gan Yarmolenko yn rhoi Cymru ar y blaen
100 tocyn am ddim i ffoaduriaid Wcráin
BBC Cymru Fyw
Mae Wcráin wedi dod â phedwar chwaraewr newydd i'r maes ac mae Yarmalenko newydd benio'r bêl i'r rhwyd ochr yn dilyn amddiffyn arwrol unwaith eto gan Ben Davies yn y cefn i Gymru!
Ei gyffyrddiad cyntaf o'r gêm ac mae Brennan Johnson yn taro’r postyn o wyth llath, yn syth wedyn arbediad gwych gan golwr Wcráin o ergyd Gareth Bale.
Dau gyfle gwych i Gymru i sicrhau'r fuddugoliaeth gyda llai 'na chwarter awr i fynd!
Twitter
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Croeswch bopeth...
Cymru 1-0 Wcràin
Eilyddio
70 munud
Brennan Johnson, sydd wedi llwyddo i ennill dyrchafiad i Uwch Gynghrair Lloegr gyda Nottingham Forest sydd yn camu ymlaen i'r maes yn lle Dan James
Ffynhonnell y llun, Getty Images
Iwan Roberts
Cyn-ymosodwr Cymru
Quote MessageMae rhaid i Robert Page 'neud penderfyniad, gallwn ni ddim cario chwaraewyr beth bynnag mae nhw wedi gwneud yn eu gyrfa. Mae ganddon ni ddau chwaraewr ar y funud sydd ddim yn perfformio.
BBC Cymru Wales
Dyma dîm BBC Cymru sy'n dod a'r cyfan yn fyw i chi o Stadiwm Dinas Caerdydd ar y tonfeddi radio.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cymru 1-0 Wcràin
Nic Parry
Sylwebydd S4C
“Mae bron yn dwyn dagrau gweld pobl o wlad dan warchae yn mwynhau eu hunain fel yma.”
Mae Nic Parry yn llawn canmoliaeth i gefnogwyr Wcráin sy'n chwarae eu rhan heno, gyda’u canu i’w glywed yn amlwg. Mae hanner awr enfawr o’n blaen…
Ffynhonnell y llun, Getty ImagesCymru 1-0 Wcràin
Iwan Roberts
Cyn-ymosodwr Cymru
Gwaith amddiffynol gwych gan Neco Williams. Cymru yn colli'r meddiant ac Wcràin yn ceisio gwrth ymosod yn gyflym.
Pwy oedd yno i garlamu'n ôl i daclo Yarmolenko ond Neco Williams gan ysgogi Iwan Roberts i'w ddisgrifio fel "injan Rolls Royce".
Cymru 1-0 Wcràin
BBC Cymru Fyw
Awr wedi mynd ac mae 'na ychydig o nerfusrwydd ymysg cefnogwyr Cymru.
Mae Wcràin newydd wastraffu eu cic gornel gyntaf o'r ail hanner ac ochr arall y cae Dan James gydag hanner foli yn gorfodi golwr Wcràin i bwnio'r bêl dros y bar am gic gornel i Gymru
Cymru 1-0 Wcráin
Unwaith eto, Hennessey gydag arbediad gwych o chwe llath.
Chwarae campus gan Wcràin wrth iddyn nhw groesi'n beryglus i'r cwrt, Tsygankov yn llithro i fewn ond Hennessey unwaith eto yn arbed gyda'i goes y tro hwn.
Dihangfa arall i Gymru!
Ffynhonnell y llun, Getty ImagesCymru 1-0 Wcráin
Mae Neco Williams yn chwarae'n dda. Eiliadau ar ôl creu'r symudiad ymosodol roedd yn taclo'n gadarn yn y cefn.
Mae Cymru angen eu holl chwaraewyr ar eu gorau am weddill yr ail hanner.
Ffynhonnell y llun, Getty ImagesCymru 1-0 Wcráin
BBC Cymru Fyw
Tri munud fewn i'r ail hanner a fe ddylai Cymru fod ymhellach ar y blaen!
Ramsey yn methu cyfle gwych i Gymru o wyth llath,
Pas wych ar draws y cwrt gan Moore a'r cyfan oedd angen i Ramsey ei wneud oedd cyfeirio'r bêl tuag at y gôl ond fe darodd y bêl heibio'r postyn.
Iwan Roberts
Cyn-ymosodwr Cymru
Quote MessageMae eisiau 'chydig bach mwy o gyrff lawr y ddwy asgell, dwi meddwl bod ni just eisiau ychydig bach mwy gan ambell chwaraewr. Nai enwi Aaron Ramsey, mae'n edrych fel be' ydio ar ar y funud, fel rhywun sydd heb chwarae lot o gemau yn ddiweddar... Angen cymryd mwy o bwyll a peidio panicio.
BBC Cymru Fyw
I ffwrdd a ni gyda'r ail hanner. Dan James i gymryd y gic gyntaf!
Iwan Roberts
Cyn-ymosodwr Cymru
Mae Iwan Roberts yn feirniadol o berfformiad Aaron Ramsey hyd yma.
Dywedodd ar BBC Radio Cymru
"Mae angen iddo wneud penderfyniadau gwell yn yr ail hanner".
Ffynhonnell y llun, Getty Images
Kath Morgan
Cyn-chwaraewr rhyngwladol a sylwebydd
Quote MessageNi ddim wedi bod ar ein gorau - yn amddiffynnol ni'n fregus, ni'n colli'r meddiant lawer rhy hawdd yng nghanol y cae... Mae Wcráin yn haeddu bod ar y blaen ond diolch byth am Wayne Hennessey.
BBC Cymru Fyw
Hanner blêr ond mae Cymru ar y blaen.
Wayne Hennessey yw'r arwr heb os yn ystod yr hanner cyntaf gyda sawl arbediad i rwystro Wcráin.
Daeth y gôl wedi 32 munud, cic rydd Gareth Bale yn cael ei phenio i'w rwyd ei hun gan gapten Wcráin, Yarmalenko.
45 munud i fynd, os yw pethau'n aros fel hyn, yna mae Cymru yng Nghwpan y Byd!
Ffynhonnell y llun, Getty ImagesAi ergydio neu groesi oedd Bale?
Oddi ar ben Yarmolenko ddaeth y cyffyrddiad olaf felly bydd dadlau am enw pwy fydd yn erbyn y gôl. Ond go brin y bydd cefnogwyr Cymru yn poeni llawer am hynny.
Mae Cymru 45 munud i ffwrdd o Gwpan y Byd!
Ffynhonnell y llun, Getty Images
Hanner Amser
