Gêm agoriadol Cymru yng Nghwpan y Byd Qatar 2022
Tim Weah yn sgorio unig gôl yr hanner cyntaf i UDA
Gareth Bale yn sgorio o'r smotyn gyda 10 munud yn weddill
Bydd Cymru'n herio Iran ddydd Gwener, ac yna Lloegr nos Fawrth nesaf
Dylan Griffiths
Sylwebydd BBC Radio Cymru yn Qatar
Mae Cymru'n cael gwell hwyl arni, ond mae Dylan Griffiths yn dal i gwestiynu a yw hi'n bryd dod â Brennan Johnson ymlaen?
"Dwi'n teimlo gôl yn dod..."
Mae cyfleoedd da fel bysus...
Cic rydd mewn safle da i Gymru. Harry Wilson yn croesi, ac wedi ychydig o ddryswch yn y cwrt cosbi mae Ben Davies yn llwyddo i gael peniad cryf, ond arbediad da gan Matt Turner.
O'r gic gornel roedd cyfle da arall - y tro hwn, Kieffer Moore yn penio dros y trawst. Fe allai fod wedi gwneud yn well gyda honno yn bendant.
Ffynhonnell y llun, Getty ImagesEr bod Cymru'n mwynhau llawer mwy o'r bêl yn yr ail hanner, maen nhw eto i greu unrhyw gyfleoedd da.
Digon o bwyso, ond y bas olaf wastad yn mynd o chwith.
Ond gobeithio mai mater o amser ydy hi nes y bydd hynny'n newid...
Iolo Cheung
Gohebydd BBC Cymru Fyw yn Qatar
Mae presenoldeb Kieffer Moore eisoes yn gwneud gwahaniaeth ar ac oddi ar y cae - cefnogwyr Cymru wedi canfod eu llais eto!
Ffynhonnell y llun, Getty Images
Nic Parry
Sylwebydd Sgorio ar S4C
Mae Cymru’n edrych fel tîm gwahanol.
Mae hyn gymaint gwell gan Gymru - yr Unol Daleithiau sydd yn amddiffyn nawr.
Dyma oedd yr ymateb gan gefnogwyr Cymru yn Neuadd Ogwen yn ystod yr egwyl.
Saff dweud, doedd neb yn rhy hapus!
Ymateb hanner amser ym Methesda
Kath Morgan
Cyn-gapten Cymru ar BBC Radio Cymru
Mae'n rhaid i ni ymosod, mae'n rhaid i ni sgorio gôl - o leiaf un!
Mae'n rhaid edrych ar chwaraewyr ymosodol.
Mae Ramsey'n cyfrannu ychydig bach, ond ydy e'n ddigon? Sai'n siŵr.
Ffynhonnell y llun, Getty ImagesMae Aaron Ramsey yn bendant yn chwarae'n uwch i fyny'r cae i Gymru yn yr ail hanner.
Ydy Rob Page wedi rhoi rhwydd hynt iddo gefnu ar ei gyfrifoldebau amddiffynnol a chanolbwyntio ar ymosod?
Dechrau llawer gwell gan Gymru i'r ail hanner!
Dy'ch chi'n cael yr argraff fod presenoldeb Moore eisoes yn hwb i Gymru.
Cic gornel i Gymru, ond unwaith eto dyw hi'n dod i ddim oherwydd trosedd ar y golwr Matt Turner.
Eiliadau'n ddiweddarach cafodd yr amddiffynnwr Tim Ream gerdyn melyn i UDA - eu trydydd o'r gêm.
Ffynhonnell y llun, Reuters
Iwan Roberts
Cyn-ymosodwr Cymru ar BBC Radio Cymru
'Sa Rob Page wedi gallu 'neud newidiadau ar ôl hanner awr a dweud y gwir
Dwi'n meddwl bod rhaid iddo fo ymateb rŵan neu fydd o'n rhy hwyr.
Dyna ni'r cadarnhad, yn sefyll ar ochr y cae wrth i'r chwaraewyr ddod yn ôl i'r maes oedd Kieffer Moore!
Dan James sy'n cael ei dynnu i ffwrdd. Ai dyma'r newid sydd ei angen ar Gymru?
Mae'r chwarae wrthi'n ailddechrau - 45 munud enfawr i Gymru.
Ffynhonnell y llun, FIFAMae Cymru angen tipyn o ysgogiad yn ystod yr egwyl.
Ond os oes na ddyn perffaith ar gyfer y dasg honno...
Ffynhonnell y llun, Getty Images
Ffynhonnell y llun, PA MediaEr gwaethaf beirniadaeth o sawl cyfeiriad oherwydd natur ddadleuol y twrnament yn Qatar, mae'r Prif Weinidog Mark Drakeford yn y stadiwm yn gwylio'r gêm.
Dywedodd Mr Drakeford ei fod wedi trefnu nifer o gyfarfodydd gyda "phwysigion yn y diwydiant busnes" ac y bydd yn meithrin "perthynas ddiwylliannol o bwys" yn ystod ei ymweliad.
Owain Tudur Jones
Cyn-chwaraewr Cymru ar S4C
Dwi’n teimlo bod nerfau wedi chwarae rhan fawr. Dydyn nhw heb ymdopi efo’r cyffro sydd wedi arwain at heddiw.
Dwi’n teimlo fod yr achlysur wedi cael y gorau ohonyn nhw. Un camgymeriad ar ôl y llall yn anffodus.
Iolo Cheung
Gohebydd BBC Cymru Fyw yn Qatar
Mae’r awyrgylch yn y stadiwm yn eitha’ fflat ers gôl UDA.
Ond prin ydy’r cefnogwyr Cymru sy’n gwadu nad ydyn nhw’n haeddu bod ar ei hôl hi.
Roedd ‘na groeso mawr pan welwyd Kieffer Moore yn cynhesu i fyny - pryd fydd o ‘mlaen?
BBC Radio Cymru
Cofiwch ymuno gyda Dylan Jones a'r criw am ragor o ymateb am 21:00.
Gan obeithio y bydd pethau ychydig yn fwy positif erbyn hynny!
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Dyw'r awyrgylch ddim mor danllyd mewn neuaddau a thafarndai ar draws Cymru erbyn hyn...
Neuadd Y Felinheli
Depot, Caerdydd
Dylan Griffiths
Sylwebydd BBC Radio Cymru yn Qatar
Mae Cymru'n gwneud i'r UDA edych fel un o dimau gorau'r byd ar hyn o bryd.
Yr unig gysur o'r hanner cyntaf yw ei fod drosodd, ychwanegodd Iwan Roberts.
Gwennan Harries
Cyn-ymosodwr Cymru ar S4C
Bydde fe’n ddiddorol gweld Kieffer Moore yn dod 'mlaen.
Licen i weld Ramsey mewn safle mwy ymosodol hefyd. Mae angen newid yn y strwythur.
Hanner cyntaf siomedig i Gymru!
Os unrhywbeth, mae'r tîm yn ffodus i fod un gôl yn unig ar ei hôl hi.
Fydd Rob Page yn gallu ysbrydoli'r chwaraewyr yn ystod yr egwyl? Croesi bysedd!
Ffynhonnell y llun, Getty Images