Oriel: Hydref yn fy milltir sgwâr

Mae yna deimlad hydrefol yn yr awyr a dail crin o dan ein traed.

Yn Bontfaen ger Machynlleth mae'r ffotograffydd Elin Vaughan Crowley yn byw. Mae hi wedi bod yn crwydro tir ei fferm, Ty Gwyn, a'r ardal gyfagos i dynnu lluniau wrth i'r coed newid eu lliw.

Yr afon Dyfi drwy'r tarth o'r bont yn Llanwrin.

Rhaid cofio mynd i ddweud helo wrth Bea.

Golau'r bore dros y bryniau o fferm Ty Gwyn.

Ar hyn o bryd, mae'r teulu'n torri'r coed llarwydd ar y tir ac am ail-blannu coed caled - derw, onnen a ffawydden.

Haul braf, ond mae dal angen gwisgo'n gynnes er mwyn chwarae ar y siglen.

Dail orengoch Gregynog.

Lliwiau hydrefol yn gymysg â'r gwyrddni ym Mharc Dolerw.

Parcio'r car ger Gwesty Pen-y-bont a mynd am dro ar hyd y dŵr yn Nhal-y-llyn.

Machynlleth o fynydd y Wylfa.

Yr afon Hafren yn llifo drwy Barc Dolerw.

Yr haul yn torri drwy'r cymylau uwch Tregynnon.

Hefyd o ddiddordeb:

• Oriel fy milltir sgwâr: Pen Llŷn

• Oriel: Fy haf i dan glo

• Syniadau crefft i'w gwneud yn y tŷ