Lluniau Dydd Llun: Eisteddfod Genedlaethol Ceredigion
- Cyhoeddwyd
Mae'n ddydd Llun yn yr Eisteddfod Genedlaethol ac mae'r Orsedd i'w gweld am y tro cyntaf wedi i ambell aelod newydd aros yn amyneddgar i gael eu anrhydeddu.
Dyma 'chydig o'r hyn oedd i'w weld ar y Maes Ddydd Llun.
Ynyr o Lannon yn cael gwell golygfa o Sioe Cyw ar Lwyfan y Maes o 'sgwyddau Taid
Finn (yn gwisgo'r het) a'i frawd Jonah yn eistedd yng nghefn car heddlu, a'u cefnder o North Carolina, Wynn, yn barod wrth y llyw
Esyllt Maelor, enillydd Coron Eisteddfod Genedlaethol Ceredigion 2022.
Huw Stephens yn siarad gyda rhai o aelodau newydd yr Orsedd.
Yr Orsedd yn croesawu aelodau newydd i'w plith ar y Maes
Y cyrn hollbwysig dan ofal Dewi Griffiths a Gwyn Anwyl
'A oes heddwch?' Robin McBryde, Ceidwad y Cledd
Gwenno a'i chyfnither, Nanw, yn gwneud 'chydig o arlunio ar y Maes
Dyfan Maredudd, enillydd Coron Eisteddfod AmGen 2021 ymysg y rhai oedd yn cael eu hanrhydeddu
Un sydd â stondin ar y Maes yw'r awdures Clare Mackintosh. Mae ei gwaith wedi ei gyhoeddi mewn 35 iaith ar draws y byd
Grŵp dawnsio disgo/hip-hop/stryd - Genod Anti Karen o Gaernarfon yn mwynhau ar y Maes cyn i'r cystadlu ddechrau
Owain Tudur Jones a Malcolm Allen yn ateb cwestiynau'r gynulleidfa wrth recordio pennod o'u podlediad Y Coridor Ansicrwydd ar faes yr Eisteddfod
Noah o Hwlffordd yn rhoi cynnig ar chwarae 'Connect 4'
Roedd digon o gyffro i'w weld yn y Pentref Drama yn ystod y prynhawn.
Osian, sy'n chwe blwydd oed ac yn dod o Gaerfyrddin, yn canolbwyntio tra'n defnyddio'r bwa a saeth
