Bore poeth iawn. Bu helynt enbyd heddiw ynghylch torri gwallt y merched ifanc.

[Un diwrnod clywodd y capten fod yr ymfudwyr yn fudr - yn enwedig y merched ifanc. Gorchmynnodd i un o'r morwyr ddod i gneifio pennau'r genethod hyd eu croen, a'u golchi'n lân â dŵr a sebon,

Anelodd at Jane Huws ac atseiniodd ei bloedd frawychus dros y llong i gyd, gan achosi cynnwrf eithriadol. Safodd y morwyr yn stond, heb wybod sut i ymateb.

Rhuthrodd nifer o rieni'r plant i'r bwrdd uchaf at y capten i ofyn am eglurhad, a chamodd yntau o'i gaban gan weiddi ar bawb i droi'n ôl. Nid oedd neb i ddringo ato byth eto, beth bynnag yr amgylchiadau, ac os teimlai yntau mai da o berth oedd torri gwallt pob merch ar y Mimosa, torri'u gwallt a wneid.

Ond gwrthodai'r rhieni symud nes iddo ddiddymu'r gorchymyn. Unodd holl ferched ifainc y fintai yn un côr i gyd-lefain yn 'gynhyrfus eithafol', a cheisiodd Cadfan, arweinydd y fintai ddynesu i ymresmu.

Mewn braw am ei fywyd, anelodd hwnnw ei lawddryll at fynwes Cadfan ond, ar yr eiliad olaf, dargyfeiriodd ei ergyd i'r môr.

Bodlonodd Pepperrell i beidio â thorri gwallt y merched pe cytunai'r teithwyr iddo ef Thomas Greene archwilio pob pen - nid pennau'r merched yn unig - a chtunwyd. Afriad dweud na chanfuwyd un pen bydr.

A dyna ddiwedd y mutiny ar y Mimosa - Elvey Macdonald]

Bore poeth iawn eto. Gwelwyd y 'Canary Islands' o bell a'r 'Peak of Tenerife.'

Diwrnod poeth iawn. Hwylio yn araf, araf

Fe welsom y Madeira Islands tua 12 o'r gloch. Dywedwyd fod yr ynys o'n blaenau yn cyrraedd rhyw 130 o filldiroedd o hyd.

Roeddem ni yn dod o fewn rhyw 4 neu 5 milldir iddi. Roeddem yn gweld rhyw bentref, ynghyd a thai yma ac acw. Yr oedd y tai yn ymddangos yn wynion.

Bum yn syllu arni gyda chwyddwydr... Tybiwn fy mod yn gweld rhai caeau gwyrddion ar ei llethrau. Fe gollom ni olwg ar y tir tua 8 o'r gloch pan ddechreuodd hi nosi.

Hwylio yn gyflym

Claddu James Jenkins am 8 o'r gloch y bore yn yr un dull ag o'r blaen.

Pregeth am 5.

Claddu Catherine Jane Thomas am 10 o'r gloch y bore, drwy ei thaflu i'r môr mewn bocs a wnaed i'r pwrpas gyda cherrig ynddo - er mwyn ei suddo o'r golwg.

Am 10 o'r gloch yn yr hwyr bu farw plentyn arall - James Jenkins - plentyn i Aaron Jenkins a'i briod, o Mountain Ash. Yr oedd ef oddeutu'r un oedran.

[Ni ddaeth yr enw Aberpennar yn gyfredol am rai blynyddoedd wedi hynny - Elvey Macdonald.]

Diwrnod teg. Hwylio yn araf iawn.

Yn hwyr heddiw bu farw Catherine Jane Thomas - merch 2 flwydd oed Robert Thomas a'i wraig, o Fangor.

Diwrnod teg. Hwylio yn araf. Cyfeillach (society) am 2.

Cwrdd Gweddi.

Hwylio yn araf. Diwrnod cynnes iawn. Pregeth yn hwyr.

Diwrnod cynnes iawn. Hwylio yn gyflym. Cwrdd Gweddio

Diwrnod cynnes iawn. Hwylio dim.

Cwrdd Gweddi.

Aeth pedwar allan mewn cwch i ymdrochi ac o'r man hwnnw roedd y cwch yn edrych braidd fel chwiaden.

Hyfryd iawn. Y môr yn hollol lyfn. Heddiw yn ymddangos yn debyg iawn i ddoe.

Pan yr oedd hi'n gyfreithlon i forio heddiw, roedd y dydd fel petai'n dweud wrth yr elfennau "Heddwch! Gostegwch! Rhowch seibiant heddiw; am fod y dydd hwn wedi'i neillduo i gofio Atgyfodiad Tywysog y bywyd."

Yn y bore, darllenodd y Cadben Wasanaeth Eglwys Loegr.

Ysgol am 2.

Pregeth am 6 gan R. Williams.

[Y Parchedig Robert Meirion Williams, gweinidog gydag enwad y Bedyddwyr. Abraham Mathews a Lewis Humphreys (Annibynwyr) oedd y ddau weinidog arall ar y daith. - Elvey Macdonald]

Diwrnod hyfryd iawn. Hwylio yn araf deg

Tipyn yn lawiog heddiw.

Fe anfonais lythyr at fy mrodyr yn y Scilly Islands, Cornwall (talu 3c).

Roeddwn wedi gwella yn lled dda erbyn hyn er nad yn holliach. Dywedais yn y llythyr, drwy gamddealltwriaeth, mai i Iwerddon yr oeddwn yn anfon fy llythyr, yn lle I Cornwall; a fy mod yn talu 8c am ei gludo.

Diwrnod fine. Hwyliad chwim.

Diwrnod hyfryd - hwylio'n gampus.

Roedd wedi tawelu yn fawr, ac yn bur hyfryd allan. Ond roeddwn yn dal yn lled sâl o hyd. Chodais i ddim tan tua 2 o'r gloch y prynhawn - yn parhau yn wan.

'Roedd hi'n hynod stormus tua 4 o'r gloch y bore ac fe barhaodd yn stormus gan lawio yn ddwys tan rywbryd cyn fore ddydd Mawrth.

'Roeddwn yn bur sâl drwy'r dydd, chodais i ddim, ac ni chododd fawr neb arall.

Mi roeddwn i'n bur sâl ar ôl dechrau ar y daith tua 4 o'r gloch y bore 'ma. Wedi i ni ddod o'r afon, cawsom wynt croes.

Mi roedd hi'n stormus drwy'r dydd a nos. Fe wrthododd y Capten George Pepperrell dderbyn cymorth y bad achub a anfonwyd i'n cynorthwyo.