Heddiw yw diwrnod cyntaf Eisteddfod Genedlaethol Sir Fynwy a'r Cyffiniau 2016
Ymhlith y cystadlaethau mae'r bandiau pres, dawnsio disgo, hip hop neu stryd a chystadleuaeth Gorawl Eisteddfodau Cymru
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd fe allant gynnwys iaith gref a/neu themâu sydd ddim yn addas i blant
BBC Cymru Fyw
A dyna ni! Y llif byw wedi dod i ben ar ddiwrnod cynta' Eisteddfod Genedlaethol 2016.
Ymunwch efo ni yfory am 10:00 am y diweddara' o holl ddigwyddiadau'r Maes.
Diolch am ddilyn - hwyl!
Eisteddfod Genedlaethol Cymru
Mewn ymgais i osgoi problemau'r dyddiau diwetha' efallai, mae 'na ddarpariaeth dysgu plant i chwarae pêl-droed ar y Maes eleni. Ymlaen at Gwpan y Byd!
Eisteddfod Genedlaethol Cymru
Eisteddfod Genedlaethol Cymru
Mae llwyfan y Maes wedi bod yn brysur yn barod yn y Fenni, gydag Olion Byw ymhlith y rhai sydd wedi bod yn diddanu gyda'u set gwerin.
Eisteddfod Genedlaethol Cymru
Mae llwyfan y pafiliwn yn llenwi gyda lliw ar y dydd Sadwrn cyntaf wrth i'r grwpiau dawns gystadlu. Un o'r grwpiau oedd wrthi heddiw oedd y Rhyfelwyr Llwythol, sy'n rhan o grŵp Byd Dawns Môn.
Eurgain, Haf a Catrin o'r Rhyfelwyr Llwythol
Eisteddfod Genedlaethol Cymru
Yn y Babell Lên prynhawn 'ma roedd cydweithwyr a chyfeillion Gwyn Thomas wedi dod ynghyd i gofio amdano.
Y newyddiadurwr, Dylan Iorwerth, oedd yn cadeirio gyda Karen Owen, Jason Walford Davies, Gerwyn Wiliams a Gruffydd Aled Williams yn cyfrannu.
Cafodd y sesiwn ei recordio ar gyfer rhaglen ‘Dan yr Wyneb’ Radio Cymru gyda rhai yn cofio amdano ar dap.
Dywedodd Gruffydd Aled Williams ei fod yn “fardd dwys yn y bôn”.
Ffynhonnell y llun, bbcEisteddfod Genedlaethol Cymru
I weld rai o uchafbwyntiau diwrnod cyntaf Eisteddfod Genedlaethol Sir Fynwy a'r Cyffiniau, ewch i oriel luniau y dydd ar Cymru Fyw.
Mae Banjo'r labradoodle wedi dod i'r Maes gyda'i berchennog Kerry Jones i lon-gyfarth y buddugwyr
Eisteddfod Genedlaethol Cymru
I weld holl ganlyniadau dydd Sadwrn 30 Gorffennaf a chlipiau o'r cystadlaethau o'r Steddfod, cliciwch yma.
BBC Cymru Fyw
Mae'r Maes eleni yn edrych yn dra gwahanol i'r blynyddoedd diwethaf, wrth i bafiliwn newydd gymryd lle y Pafiliwn Pinc.
Bydd y profiad a geir yn y pafiliwn 'Evolution', sy'n cael ei ddarparu gan gwmni Neptunus, yn gwbl wahanol i'r hyn a gafwyd yn y babell fawr binc dros y blynyddoedd diwethaf meddai trefnwyr yr Eisteddfod.
Golygfa gyfarwydd i eisteddfodwyr dros y ddegawd ddiwethaf
Eisteddfod Genedlaethol Cymru
Mae golygydd celfyddydol y BBC, Will Gompertz, yn cyflwyno rhaglen deledu yn Saesneg am yr Eisteddfod eleni. Mae'n siŵr bod ganddo gant o mil o gwestiynau ar gyfer Huw Edwards ar y maes heddiw!
Eisteddfod Genedlaethol Cymru
Roedd y cerddor Jaffro yn perfformio wrth fws #PechauBychain ar faes y Steddfod. #PethauBychain yw ymgyrch Llywodraeth Cymru i rannu a hyrwyddo syniadau syml i gynyddu'r defnydd o'r Gymraeg yn ein bywydau bob dydd.
Gwyliwch yn fyw ar dudalen Facebook Radio Cymru yma., dolen allanol
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
BBC Cymru Fyw
Mae Frank Olding wedi bod yn siarad â Cymru Fyw am yr heriau sydd ynghlwm â bod yn gadeirydd pwyllgor gwaith yr Eisteddfod eleni.
Dyw'r Eisteddfod Genedlaethol heb fod yn Sir Fynwy ers 1913, ac roedd Mr Olding yn cydnabod nad oedd y gwaith yn hawdd ond ei fod wedi dod â mwynhad aruthrol iddo.
Frank Olding
Eisteddfod Genedlaethol Cymru
Mae un o'r darnau o waith celf sy'n addurno maes y Steddfod eleni yn cyfeirio at un o ganeuon mwya' poblogaidd ffans pêl-droed Cymru yn ystod Euro 2016 - 'Ain't nobody like Joe Ledley, makes me happy, makes me feel this way'!
Mae 'na ddigon o ddewis o fwyd i eisteddfodwyr llwglyd ar y maes
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod Genedlaethol Cymru
Yn y Babell Lên ar hyn o bryd mae rownd derfynol Y Talwrn yn cael ei recordio rhwng tîm Aberhafren a thîm Ffoaduriaid Caerdydd.
Os na fedrwch chi fod yna, mae'r rhaglen yn cael ei darlledu'n fyw ar dudalen Facebook BBC Radio Cymru., dolen allanol
Y Meuryn, Ceri Wyn Jones (ail o'r chwith), yn trafod gyda'r Ffoaduriaid cyn recordio'r rhaglen
Ac i gadw'r ddisgyl yn wastad, mae hefyd yn trafod gyda thîm Aberhafren
Eisteddfod Genedlaethol Cymru
Ar ddiwrnod y corau a'r bandiau pres, allwch chi ddim symud o gwmpas Maes yr Eisteddfod heddiw heb weld rhywun yn ymarfer.
Dyma gôr Bro Meirion yn ymarfer ym mhabell y Principality.
Cylchgrawn, Cymru Fyw
Oeddech chi'n arfer treulio wythnos gyntaf mis Awst yn cystadlu efo'ch ffrindiau am y gorau i gasglu'r celc mwyaf o fathodynnau, sticeri, beiros a hetiau papur o faes yr Eisteddfod Genedlaethol?
Mae Cymru Fyw wedi bod yn tyrchu yn yr atig am rai o'r eitemau y gallai plentyn ei gasglu yn ei fag-plastig-am-ddim o bebyll gwahanol sefydliadau yn y Steddfod ers talwm. Ydyn nhw'n procio'r cof?
Cysylltwch os oes gennych chi ychwanegiad i'r casgliad: cymrufyw@bbc.co.uk
Pwy sy'n cofio'r het bapur yma?
Eisteddfod Genedlaethol Cymru
Y gerddorfa werin yn ymarfer yn galed yn y Tŷ Gwerin bore 'ma yn barod i berfformio'n hwyrach yn y dydd.
Eisteddfod Genedlaethol Cymru
Yn anffodus, na.
Dim ond ychydig o waith paratoi munud olaf ar y Maes bore 'ma.
