Heddiw yw diwrnod cyntaf Eisteddfod Genedlaethol Sir Fynwy a'r Cyffiniau 2016
Ymhlith y cystadlaethau mae'r bandiau pres, dawnsio disgo, hip hop neu stryd a chystadleuaeth Gorawl Eisteddfodau Cymru
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd fe allant gynnwys iaith gref a/neu themâu sydd ddim yn addas i blant
Eisteddfod Genedlaethol Cymru
Yn ystod y gynhadledd i'r wasg bore 'ma hefyd roedd sôn am y ddrama, Rhith Gân, fydd yn cael ei pherfformio ar y maes wythnos nesaf.
Wyn Mason yw awdur y ddrama ac mae wedi ei seilio ar albwm Gareth Bonello, 'Y Bardd Anfarwol'.
Wrth drafod y ddrama dywedodd Gareth: "Mae e (Wyn Mason) wedi plethu'r caneuon mewn i'r ddrama i ddweud stori newydd."
Eisteddfod Genedlaethol Cymru
Mae teyrnged i'r bardd Gwyn Thomas yn y Babell Lên ar hyn o bryd gyda'r cadeirydd Dylan Iorwerth yn olrhain hanes y bardd oedd yn caru'r Gogynfeirdd ac Elvis Presley.
Hefyd yn cymryd rhan yn y deyrnged fydd Gerwyn Williams, Karen Owen, Jason Walford Davies a Gruffydd Aled Williams.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
I nodi canmlynedd ers geni yr awdur Roald Dahl eleni, mae 'na eirinen fawr oren ar faes y Steddfod. Pwy sy'n cofio 'James a'r Eirinen Wlanog Enfawr' (James and the Giant Peach)?
Mae rhai aelodau o Gôr Caerdydd - oedd ar eu ffordd i’r Fenni ar y trên bore ‘ma yn barod i gystadlu - wedi bod yn dysgu ‘chydig o Gymraeg i'r dyn casglu tocynnau, oedd yn dod o Crewe.
Mae o bellach yn gallu dweud ‘Bore da’, ‘Diolch’ ac ‘Eisteddfod’...!
Ffynhonnell y llun, Ceri MearsAelodau o Gôr Caerdydd ar y trên i'r Fenni
Eisteddfod Genedlaethol Cymru
Yn y gynhadledd i’r wasg bore 'ma dywedodd arweinydd Cyngor Mynwy, Peter Fox, bod yr Eisteddfod yn dod â chyfleoedd economaidd’ i’r ardal.
Mae'r sir wedi aros yn hir i'r Brifwyl ddod i'r ardal eto, meddai, gan ychwanegu: “Dw i’n gobeithio byddwn ni ddim yn gorfod aros am 100 mlynedd arall cyn i’r Eisteddfod ddod yma eto.”
Dywedodd Garry Nicholas, Llywydd Llys yr Eisteddfod, ei fod wedi cyfarfod â rhai o’r sir neithiwr: “Mae’n braf eu bod nhw’n ymfalchïo bod yr Eisteddfod wedi dod i’w sir nhw.”
Eisteddfod Genedlaethol Cymru
Mae Prif Weithredwr yr Eisteddfod, Elfed Roberts, wedi dweud bod "croeso mawr i bawb" yn Nolydd y Castell.
"Mae'r ddwy flynedd ddiwethaf wedi bod yn gyfnod hapus a chynhyrchiol iawn i ni fel Eisteddfod wrth weithio gyda gwirfoddolwyr lleol a Chyngor Sir Fynwy," meddai.
"Mae'r gefnogaeth wedi bod yn ardderchog ac wrth i'r Maes agor ei giatiau'r bore 'ma, mae'n bleser diolch o waelod calon a thalu teyrnged i bawb a fu ynghlwm efo'r gwaith.
"Eisteddfod pobl Sir Fynwy a'r Cyffiniau yw hon, ac mae'r trigolion wedi disgwyl yn ddigon hir i ni ymweld â'r ardal - dros gan mlynedd! Mae'r giatiau ar agor a'r croeso yn gynnes, felly dewch draw i'n gweld yn Nolydd y Castell."
Ffynhonnell y llun, bbcEisteddfod Genedlaethol Cymru
Mae'n dechrau edrych fel bod angen cymwysterau arbennig arnoch chi dim ond i gerdded o gwmpas y Maes y dyddiau 'ma!
Rwy'n gwylio'r cystadlu yn fyw o Sydney, Awstralia, ac wrth fy modd o fedru cael y Steddfod yma pan ar fy ngwyliau.
Diolch yn fawr.
Julia Rogers (o Gaernarfon yn enedigol)
Eisteddfod Genedlaethol Cymru
Braf gweld fod yr Eisteddfod eleni'n gweithredu polisi dwyieithog lawn, gyda chyfartaledd rhwng y de a'r gogledd.
Eisteddfod Genedlaethol Cymru
Mae'n ddiwrnod y bandiau pres a'r corau yn y Steddfod yn Y Fenni. Cofiwch y gallwch wylio'r holl gystadlu yn fyw, bob dydd, ar Cymru Fyw, gyda'r opsiwn i wrando ar sylwebaeth Saesneg.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
BBC Sport Wales
Yn ôl adran chwaraeon BBC Cymru, mae rheolwr Cymru, Chris Coleman, yn un o'r ffefrynnau ar gyfer swydd prif hyfforddwr Hull City.
Mae'n debyg fod trafodaethau wedi digwydd rhwng y clwb a Coleman, a wnaeth arwyddo cytundeb newydd gyda Chymdeithas Bêl-droed Cymru ym mis Mai.
Fe wnaeth Coleman arwain ei wlad i rownd gyn-derfynol Euro 2016, a dywedodd yn ddiweddar y byddai'n parhau yn y swydd hyd at ddiwedd ymgyrch Cwpan y Byd 2018.
Ffynhonnell y llun, Getty ImagesYw Chris Coleman ar ei ffordd i Hull City?
Eisteddfod Genedlaethol Cymru
Does neb yn meddwl am y bobl sy'n gorfod cario'r holl gwpanau a thariannau i gefn y llwyfan yn y Pafiliwn, felly dyma deyrnged Cymru Fyw i'r bobl weithgar hynny sydd ddim yn cael sylw fel arfer.
Eisteddfod Genedlaethol Cymru
Chi'n cofio hen gystadleuthau 'Spot the Ball' yn y papurau newydd?
Wel eleni mae Cymru Fyw yn rhedeg cystadleuaeth debyg, sef 'Spot the Pafiliwn'.
Rhowch groes lle chi'n credu mae e...
Eisteddfod Genedlaethol Cymru
Croeso i Eisteddfod Genedlaethol Sir Fynwy a'r Cyffiniau yn Y Fenni. Arhoswch gyda ni ar Cymru Fyw drwy'r wythnos i gael y canlyniadau, uchafbwyntiau, y straeon newyddion, lluniau ac i wylio'r holl gystadlu yn fyw o'r Pafiliwn.
