Canlyniad: Cymru 22- 9 Iwerddon
Cymru: cais: North (2), ciciau Halfpenny (2)
Iwerddon: ciciau Sexton (2), Jackson
Buddugoliaeth i Gymru!
Bydd Rob Howley ac aelodau'r tîm hyfforddi yn cysgu'n dawel heno gan edrych ymlaen at y gêm olaf yn erbyn Ffrainc ym Mharis wythnos i fory.
Diolch am ddilyn y gêm ar Cymru Fyw - ymunwch â ni eto yr wythnos nesaf.
Ffynhonnell y llun, Getty Images
Ffynhonnell y llun, Getty ImagesSylwebaeth gan Gareth Charles ar Camp Lawn ar S4C yn plesio'r bardd Aneirin Karadog.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Bethan Clement
Gohebydd Chwaraeon BBC Cymru
"Wel, joies i honna! Wy ddim yn siŵr y bydde'r nifer fwyaf o bobl 'di darogan buddugoliaeth - o'r sgôr yna hefyd - i'r crysau Cochion.
"Wy'n falch on i'n anghywir 'fyd! Hwb aruthrol i'r garfan sy'n cadw'u lle yn 8 ucha' detholion y byd. A fe fydd y momentwm 'da nhw hefyd i ddod â'u hymgyrch i ben 'da buddugoliaeth arall (gobeithio!) mas ym Mharis y Sadwrn nesaf.
" Ond ma'r canlyniad hefyd yn golygu bo' Lloegr yn ishte'n hapus ar frig tabl y 6 Gwlad.
" Ond am heno - rhyddhad. A dathlu! Gwych Cymru!!
Amddiffyn arwrol a Chymru yn sicrhau buddugoliaeth yng Nghaerdydd.
George North ar rediad cryf arall yn yr eiliadau olaf.
Bethan Clement
Gohebydd Chwaraeon BBC Cymru
"Arwrol gan Gymru!! Cymru yn wych yn cadw'u disgyblaeth! A'r hen ben Jamie Roberts yn taflu'i hunan dros y llinell!! Joio hon! "
Cic Halfpenny yn rhoi Cymru ymhellach ar y blaen.
Cais i Jamie Roberts. Ar ôl yr holl bwysau, Cymru'n torri'n rhydd.
Ffynhonnell y llun, Getty ImagesSgrym 5 i Iwerddon, Cymru yn parhau i amddiffyn ond am ba hyd?
Bethan Clement
Gohebydd Chwaraeon BBC Cymru
"Mowredd!! Ma' nerfau i'n rhacs a ma' dros 10 munud i fynd!
"Ma'n rhaid i Gymru geisio cadw'u nerfau nhw fan hyn - gobeitho y caiff yr eilyddion argraff gadarnhaol ar y gêm.
"Falch gweld Faletau 'mla'n. Welwn ni Sam Davies tybed?"
Gwaith amddiffynnol cryf gan Halfpenny yn atal y Gwyddelod eto. Ond Cymru yn methu â chlirio a'r pwysau yn parhau. Jamie Roberts yn cymryd lle Scott Williams yn y canol. Taulupe Faletau hefyd ar y cae.
Ffynhonnell y llun, Getty ImagesLuke Charteris yn cymryd lle Jake Ball yn yr ail reng.
I mewn i'r chwarter olaf, ac un sgôr sydd ynddi. Tacl bwysig gan Moriarty yn atal Sexton. Pwyso gan Iwerddon ond Cymru yn adennill y bêl ac yn cicio i fyny'r cae. Amser am seibiant.
Cic gosb i Iwerddon, a'r Gwyddelod yn ôl o fewn chwe phwynt.
Jonathan Sexton ôl ar y cae ar ôl ei gerdyn melyn. Iwerddon yn dechrau ymosod eto.
Ffynhonnell y llun, Getty ImagesBethan Clement
Gohebydd Chwaraeon BBC Cymru
"Y dechre perffaith i'r ail hanner! Amynedd, pwyso, manteisio ar Iwerddon lawr i 14 dyn - a George North yn ymateb i'w feirniadaeth yn y modd gorau posib!
"Ma' Cymru ar dân - a ma' nghwpan i'n hanner llawn tro 'ma! Gwych!
Leigh Halfpenny yn rhoi Cymru naw pwynt ar y blaen.
Ffynhonnell y llun, Getty ImagesAil gais i North ac i Gymru. Cymru yn torri'n rhydd ar ôl bod yn amddiffyn. Cwrsio da gan Halfpenny yn sicrhau safle a llinell fanteisiol i Gymru.
Ffynhonnell y llun, Getty ImagesGeorge North a Rhys Webb yn dathlu ail gais
Y gêm yna i'r ddau dîm ei hennill. Iwerddon yn dechrau’r ail hanner.
Bethan Clement
Gohebydd Chwaraeon BBC Cymru
"Diwedd cyffrous i'r hanner cyntaf, a Chymru a'u trwynau ar y bla'n.
"Ry' ni 'di gweld digon o ymdrech gan Gymru yn ymosodol ac amddiffynnol yn y 40 munud agoriadol, mewn gêm gystadleuol a chyffrous.
"Edrych 'mlaen at yr ail hanner!"