Twitter

Bethan Lewis
Gohebydd Gwleidyddol BBC Cymru

John Davies
Cynghorydd Annibynnol

John Davies yw cynrychiolydd yr ymgeiswyr annibynnol ar ein llif byw heno. Yn gyn-arweinydd Cyngor Sir Penfro, mae eisoes wedi ei ethol yn ddiwrthwynebiad yn ward Cilgerran.

"Wel dyna ni, diwedd y dechrau. Gyda naw o’r siroedd yn cyfri yfory, anodd fydd cael darlun cyn cinio dydd Gwener. Un peth sy'n sicr, bydd newid ar draws y 22 o gynghorau yng Nghymru.

"Mae’n edrych yn debygol y bydd 'na lai o gynghorau yn cael eu harwain gan Lafur am iddi wneud yn dda yn 2012. Yn y gorllewin, credaf y bydd Plaid Cymru yn cryfhau ei gafael ar Sir Gaerfyrddin a Cheredigion - digon o bosib yng Ngheredigion i lywodraethu heb glymblaid, gan gofio fod y blaid wedi rhoi rhestr faith o ymgeiswyr ymlaen yn y sir.

"Mae’n bosib y bydd Sir Benfro am y tro cyntaf yn cael ei llywodraethu gan glymblaid wrth i'r grŵp annibynnol, o bosib, golli gafael ar yr awdurdod."

Twitter

Etholiadau Lleol 2017

Mae canlyniad cynta'r noson wedi ein cyrraedd, ond cofiwch mae rhai o'r cynghorau yn cyhoeddi canlyniadau fesul ward.

Yn Sir y Fflint mae David Wisinger, Llafur, wedi cadw'i sedd yn Queensferry, ac mae Les Sharps

Sioned Williams
Ymgeisydd Plaid Cymru

Mae aelodau o'r pleidiau yn cyfrannu at ein llif byw heno, a Sioned Williams yw cynrychiolydd Plaid Cymru. Yn ymgeisydd am y tro cyntaf, mae hi'n sefyll yn ward Alltwen yng Nghastell-nedd Port Talbot, a dyma oedd ganddi i'w ddweud wrth i'r gorsafoedd pleidleisio gau.

"Yn ganolog i ymgyrch ymgeiswyr Plaid Cymru yng Nghastell-nedd Port Talbot roedd gwrthwynebu’r toriadau i wasanaethau gan y Cyngor Llafur - yn eu plith toriadau niweidiol ac annoeth i addysg a gofal.

"Rydym wedi mynnu buddsoddiad a datblygiad canol ein trefi, yn enwedig Castell-nedd, a chefnogaeth well ar gyfer ein strydoedd mawr a siopau lleol. Mae ymgeiswyr Plaid Cymru hefyd am weld buddsoddiad dros yr holl gymoedd yn y sir.

"Yng Nghwm Tawe rydym wedi gwrthwynebu toriadau sy’n bygwth dyfodol Canolfan y Celfyddydau, ac yng Nghwm Nedd bu ymgyrch i atal y cyngor rhag cau Cartref Gofal Trem y Glyn."

Twitter

Yr Athro Roger Scully
Cyfarwyddwr Canolfan Llywodraethiant Cymru

Argraffiadau cynnar ein sylwebydd ar gyfer y llif byw heno, yr Athro Roger Scully.

Twitter

Aled Davies
Ymgeisydd y Ceidwadwyr

Aled Davies yw cynrychiolydd y Ceidwadwyr ar ein llif byw heno. Mae arweinydd grŵp y Ceidwadwyr yng Nghymru yn sefyll yn ward Llanrhaeadr-ym-Mochnant/Llansilin ym Mhowys, a dyma oedd ganddo i'w ddweud.

"Mae wedi bod yn ymgyrch rhyfedd yn fy ward, sydd yn ward un aelod, 17 milltir o hyd, yn wledig iawn gyda 1,800 o bleidleiswyr cofrestredig. Fy unig wrthwynebydd yw ymgeisydd Gwyrdd sydd ddim wedi ymgyrchu o gwbl, mae rhai yn gofyn a oes etholiad?

"Gyda llai na 40 diwrnod tan yr Etholiad Cyffredinol i ychwanegu mwy o ddryswch, beth fydd y nifer o bleidleiswyr fydd yn troi allan?

"Bu newid mawr mewn gwleidyddiaeth leol ym Mhowys, lle mae traddodiad o gynghorwyr annibynnol - traddodiad sydd wedi gwasanaethu'r sir yn dda ond nawr gyda dull cabinet o lywodraethu, mae angen newid. Ar draws Sir Drefaldwyn mae gennym ni, y Ceidwadwyr Cymreig fwy o ymgeiswyr nag erioed - 26 o ymgeiswyr rhagorol."

Twitter

Twitter

Calum Davies
Ymgeisydd y Democratiaid Rhyddfrydol

Mae aelodau o'r pleidiau yn cyfannu at ein llif byw heno, a Calum Davies yw cynrychiolydd y Democratiaid Rhyddfrydol. Mae'r gŵr 23 oed o Fethesda yn sefyll yn ward Ogwen ar gyfer Cyngor Gwynedd, a dyma oedd ganddo i'w ddweud wrth i'r gorsafoedd pleidleisio gau:

"Mae'n bwysig i fi ac i bobl Gwynedd ein bod yn teimlo'n ddiogel, ac ar y funud dydi pobl ddim yn teimlo ei fod yn ddigon diogel i gerdded trwy eu pentrefi eu hunan.

"Mae gennym ni broblemau gyda chyffuriau ym Methesda, ble mae pobl yn cwffio yn y strydoedd bron iawn pob diwrnod, ac mewn pentref bychan fel Bethesda mae pobl yn dechrau poeni am eu diogelwch. I fi, dyw hyn ddim yn iawn - dylai pobl deimlo yn gyfforddus yn eu pentref a'u cartrefi eu hunan.

"Mae hyn angen newid yng Ngwynedd. Bydd yn rhaid i Gyngor Gwynedd ddechrau gweithio yn fwy agos gyda Heddlu Gogledd Cymru i wneud yn siŵr bod pobl yn teimlo yn hapus a diogel."

Etholiadau Lleol 2017

Fe fydd cynghorwyr yn cael eu hethol ym mhob un o'r 1,254 sedd yn 22 awdurdod lleol Cymru rhwng nawr a nos yfory, sy'n wahanol i 2012 pan nad oedd etholiad lleol ar Ynys Môn.

Mae ein canllaw i'r etholiadau lleol yn rhoi mwy o gefndir i chi am sefyllfa'r pleidiau ar hyn o bryd a beth allwch chi ddisgwyl i newid dros nos.

Twitter

Twitter

Bethan Lewis
Gohebydd Gwleidyddol BBC Cymru

Mae Gohebydd Gwleidyddol BBC Cymru, Bethan Lewis wedi paratoi cyfres o fideos gyda mwy o wybodaeth am lywodraeth leol yng Nghymru. Dyma'r un cyntaf....

Twitter

Etholiadau Lleol 2017

Gohebydd Gwleidyddol BBC Cymru, Aled ap Dafydd, sy'n edrych yn ôl ar ganlyniadau yr etholiadau lleol yn 2012 (a 2013 yn Ynys Môn), ac yn edrych ymlaen yng nghwmni ambell sylwebydd at ganlyniadau posib 2017.

Twitter