Gwion Hallam o'r Felinheli yn ennill Coron yr Eisteddfod
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd, fe allant gynnwys iaith gref a themâu dadleuol
BBC Cymru Fyw
A dyna'r oll gan griw'r llif byw am heddiw.
Ymunwch â ni 'fory am fwy o'r diweddara' o'r Eisteddfod a thu hwnt.
Yn y cyfamser, wrth gwrs, fe fedrwch chi gadw golwg ar ein tudalen Eisteddfod arbennig am y straeon diweddara' o'r maes, gan gynnwys y trefniadau parcio ar gyfer dydd Mawrth.
Hwyl fawr i chi - a llongyfarchiadau i enillydd y Goron, Gwion Hallam.
Eisteddfod Genedlaethol Cymru
Esboniodd Gwion Hallam hefyd ar S4C mai pedwar o'r pobl fuodd e'n gweithio gyda nhw mewn cartref sydd tu ôl i'r llysenw: elwyn/annie/janet/jiws.
Roedd un ohonyn nhw - Elwyn - yn cofio barddoniaeth, er na fyddai'n aml yn medru cofio beth ddigwyddodd yn fwy diweddar.
"Mae 'na rhwybeth am eiriau sydd, falle, yn arhosol", meddai Gwion.
Eisteddfod Genedlaethol Cymru
Ar S4C, mae Gwion Hallam wedi bod yn esbonio ychydig o'r cefndir i'w bryddest.
"Fues i mewn dau gartref dros y flwyddyn ddiwetha' yn gweithio gyda phobl sydd â dementia, ac yn sgwennu barddoniaeth gyda nhw," meddai.
"O'dd e'n her enfawr. O'n i'n teimlo allan o 'nyfnder, ond ro'n i mor freintiedig i gael gweithio gyda nhw... Ac fe wnaeth e'n sbarduno i sgwennu."
Eisteddfod Genedlaethol Cymru
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Twitter
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod Genedlaethol Cymru
Mae'r seremoni yn dirwyn i ben yn y dull traddodiadol. Mae pawb yn canu'r anthem genedlaethol, Hen Wlad Fy Nhadau.
Ar ei diwedd mae'r Osgordd yn gadael y llwyfan.
Eisteddfod Genedlaethol Cymru
Mae'r ddawns flodau yn un o uchafbwyntiau prif ddefodau'r Eisteddfod.
Mared Wyn Hughes sy'n cyflwyno'r Corn Hirlas. Macwyaid y Llys ydy Bradley Richard Jones a Rhodri Morris Williams.
Mae'r Flodeugerdd yn cael ei chyflwyno gan Eurgain Sara Lloyd. Gyda hi wrth ei hochr mae Morynion y Llys - Elliw Mair Huws a Greta Fflur Keen.
Daw merched y Ddawns Flodau eleni o Ysgolion Cynradd lleol - Bodedern, Bryngwran, Llanfairpwll, Llanfechell, Llannerch-y-medd, Morswyn, Goronwy Owen, Y Borth, Y Graig a Santes Gwenfaen.
Cafodd y dawnswyr eu hyfforddi gan Mair Jones, Mary Evans, Lowri Angharad, Fiona Bridle ac Olwen Green.
Ffynhonnell y llun, bbcEisteddfod Genedlaethol Cymru
"I ti Gwion, agorodd pob drws", meddai'r Prifardd Cen wrth gyfeirio at ymateb y bardd i'r testun "Trwy Ddrych".
Ffynhonnell y llun, bbcEisteddfod Genedlaethol Cymru
Huw Alun sy'n cyfarch y bardd buddugol efo Cân y Coroni. Cafodd y geiriau eu cyfansoddi gan y diweddar Brifardd Gerallt Lloyd Owen, brawd yr Archdderwydd.
Mae'r Prifardd Cen hefyd yn annerch y bardd. Enillodd y Goron yn Eisteddfod y Bala yn 1997.
Ffynhonnell y llun, bbcEisteddfod Genedlaethol Cymru
Nawr mae ganddon ni Brifardd yn swyddogol!
Eisteddfod Genedlaethol Cymru
Mae'r Archdderwydd yn dweud bod Gwion Hallam heb farddoni rhyw lawer dros y blynyddoedd dwytha', er iddo ddod yn agos i'r brig yn Eisteddfod Maldwyn 2003.
Yn ddiweddar, bu’n gweithio ar brosiect llenyddiaeth yn y gymuned ar ran Llenyddiaeth Cymru, gan ymweld â chartrefi a gweithio gyda phobl â dementia.
Mae'r Archdderwydd yn dweud hefyd bod y bardd yn awyddus i ddiolch i Gwen Lasarus am ei berswadio i wneud y gwaith yn y cartrefi ac ailgynnau’r awydd i farddoni ynddo.
Caiff y gwaith ei gyflwyno i'w wraig, Leri.
Ffynhonnell y llun, bbcEisteddfod Genedlaethol Cymru
Felly pwy'n union yw'r bardd buddugol?
Yn wreiddiol o Rydaman, mae Gwion Hallam yn byw yn Y Felinheli gyda’i wraig Eleri a’u plant, Noa, Moi, Twm a Nedw.
Mae’n gweithio i gwmni teledu Darlun, ac wedi bod yn ffilmio yng Nghonwy, Llambed a De Corea dros y misoedd diwethaf.
Ffynhonnell y llun, bbcEisteddfod Genedlaethol Cymru
A dyma'r cyhoeddiad swyddogol: Gwion Hallam yw enillydd Coron Eisteddfod Genedlaethol Ynys Môn 2017.
Eisteddfod Genedlaethol Cymru
Mae'r bardd yn cael ei arwain tua'r llwyfan i gymeradwyaeth y pafiliwn...
Ffynhonnell y llun, bbcEisteddfod Genedlaethol Cymru
Wedi caniad y cyrn gwlad, mae'r bardd buddugol ar ei draed...
Ffynhonnell y llun, bbcEisteddfod Genedlaethol Cymru
"Cymaint o bryddestau rhagorol, ond dim ond un a all gipio'r goron", meddai'r beirniad.
"O drwch aden gwybedyn fe fydde Glenys wedi hoffi medru coroni Coppi.
"Ond mae'n barod iawn serch hynny i gydsynio â Gwynne a finne fod elwyn/annie/janet/jiws wedi ymdrin yn gynnil o feistrolgar a sensitif ag un o felltithion duaf ein dydd.
"Ac felly fe ryn ni'n tri yn unfryd o'r farn mai drych elwyn/annie/janet/jiws 'ddylai adlewyrchu wyneb haul a llygad goleuni yma eleni ym Modedern."
Eisteddfod Genedlaethol Cymru
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod Genedlaethol Cymru
Ond mae'n dweud bod wyth cerdd yn haeddu lle yn y dosbarth cyntaf.
Mae "safon gyffredinol cystadleuaeth y goron eleni yn rhagori ar yr hyn a gafwyd yn y gystadleuaeth hyd yn hyn", tybiai.
Ffynhonnell y llun, bbcEisteddfod Genedlaethol Cymru
Mae'r beirniad yn dweud bod gormod o "ddoethinebu" a "phregethu" yn rhai o'r cerddi.
Ffynhonnell y llun, bbcEisteddfod Genedlaethol Cymru
"Mae'r tri ohonon ni'n llawen o gytûn inni gael eleni nid un gerdd, ond nifer anarferol o gerddi, a lwyddodd i gyrraedd safon aruchel", meddai'r beirniad.
Ffynhonnell y llun, bbcY gynulleidfa yn y Pafiliwn yn gwrando'n astud ar feirniadaeth M Wynn Thomas