Bwrdd Iechyd Prifysgol Caerdydd a'r Fro

Mae 'na apêl am weithwyr iechyd sydd ar gael i weithio yn ystod y prynhawn yn Ysbyty Athrofaol Caerdydd neu yn yr ysbyty yn Llandochau.

Mae'r bwrdd iechyd lleol hefyd yn gofyn i bobl geisio helpu'r aelodau hynny o staff sy'n sownd yn eu cartrefi oherwydd yr eira.

BBC Cymru Fyw

Mae'n amlwg bod yr eira'n ddwfn ym Mhontrhydfendigaid, Ceredigion - ond mae'r ci bach yn joio!

Ffynhonnell y llun, Carys Ann

Ffynhonnell y llun, Carys Ann

Facebook

Er hynny, mae tudalen Facebook Dinas Powys Pictures wedi postio lluniau o ddŵr yn gorlifo ar y stryd.

Cyfoeth Naturiol Cymru

Mae Cyfoeth Naturiol Cymru wedi newid eu rhybuddion i baratoi ar gyfer llifogydd ychydig. Mae rhai'n weithredol bellach ar gyfer:

• Afon Ddawan
• Afonydd de Sir Benfro
• Ewenni a gorllewin Bro Morgannwg
• Afon Tregatwg

Fel arfer, am y wybodaeth ddiweddaraf, ewch i'w gwefan, dolen allanol.

Cyngor Sir Fynwy

BBC Cymru Fyw

Mae pobl Rhuthun yn gwybod sut mae joio'r eira...

BBC Cymru Fyw

Mae siop ddillad yn Aberystwyth wedi manteisio ar yr eira i arallgyfeirio... am ddiwrnod beth bynnag!

Gweilch

Cyngor Powys

Mae'n ymddangos bydd nifer o ysgolion ar gau fory.

Y sir gyntaf i gyhoeddi yw Powys, ble fydd Ysgol Rhiw Bechan, dolen allanol ac Ysgol yr Eglwys yng Nghymru yn Ffordun , dolen allanolar gau.

Mae'r cyngor yn disgwyl i fwy o ysgolion fod ar gau, a'r cyngor yw i edrych ar eu gwefan, dolen allanol am y diweddaraf.

BBC Cymru Fyw

Mae'r heddlu wedi bod yn delio gyda char sydd wedi troi ar allt Penglais, yr A487, wrth adael Aberystwyth.

S4C

Tywydd, BBC Cymru

1,600 o gartrefi sydd bellach heb drydan yn yr ardaloedd mae Western Power yn eu gwasanaethu yn y de a'r gorllewin.

Mwy o wybodaeth ar eu gwefan, dolen allanol.

Twitter

Mae criw ambiwlans Sant Ioan wrthi yn y de yn helpu Ambiwlans Cymru.

Teithio BBC Cymru

Y diweddaraf ar y ffyrdd:

• A487 ar gau i'r ddau gyfeiriad rhwng Aberaeron a Llanrhystud, Ceredigion, achos rhwystr ar y ffordd;
• A470 ar gau i'r ddau gyfeiriad yn Storey Arms ger Aberhonddu, Powys;
• A470 ar gau i'r ddau gyfeiriad rhwng Blaenau Ffestiniog a Betws y Coed;
• A4233 ar gau rhwng Maerdy ac Aberdâr, Rhondda Cynon Taf.

Cyngor Sir Ddinbych

BBC Cymru Fyw

Mae Llanuwchllyn ger Y Bala yn wyn dan eira bore 'ma

BBC Radio Cymru

Mae mwy ohonoch wedi cysylltu â Radio Cymru i sôn am yr oedfaon sydd wedi'u canslo:

• Dim gwasanaethau yng Nghapel y Tabernacl, Dolgellau nac yng Nghapel Coffa Llanelltyd;
• Oedfaon wedi eu canslo yng Nghapel Tegid, Y Bala;
• Perfformiad o Gair yn Gnawd yn Capel Coch, Llanberis heno wedi ei ohirio tan 17 Rhagfyr am 19:00;
• Capel Bronant - dim gwasanaeth Nadolig p'nawn 'ma;
• Dim gwasanaeth yn Eglwys Mynydd Seion, Casnewydd;
• Oedfa 17:30 yng Nghapel y Fro, Trawsfynydd wedi ei ohirio.

Twitter

Mae Pont Senni ymhell ar y blaen o ran trwch yr eira sydd wedi disgyn - 13cm sydd dros y ffin yn Henffordd.

Trenau Arriva Cymru

Mae Trenau Arriva Cymru yn rhybuddio bod gwasanaethau wedi eu canslo:

• I'r gogledd o Fargoed ar y linell rhwng Caerdydd a Rhymni achos coeden ar y cledrau;
• I'r gogledd o Drecelyn ar y linell rhwng Caerdydd a Glyn Ebwy achos coed ar y cledrau.

Does dim gwasanaethau bws i gymryd lle'r trenau yma.

Hefyd, mae'r rheilffordd rhwng Casnewydd a Henffordd ar gau, a'r cyngor yw i gwsmeriaid beidio teithio.

BBC Cymru Fyw

Rydym wedi derbyn y fideo yma o'r eira yn Ninas Mawddwy, Gwynedd bore 'ma.