Twitter

Twitter

Cyfoeth Naturiol Cymru

Mae Cyfoeth Naturiol Cymru wedi cyhoeddi rhybudd i baratoi ar gyfer llifogydd ger:

• Afon Ddawan
• Llynfi ac Ogwr
• Nant-y-fendrod a Nant Bran, Abertawe
• Ewenni a gorllewin Bro Morgannwg
• Gwendraeth Fawr a Gwendraeth Fach
• Afon Tregatwg

Am y wybodaeth ddiweddaraf, ewch i'w gwefan, dolen allanol.

Ffynhonnell y llun, CNC

Twitter

Mae Iestyn Hughes wedi trydar y llun yma yn cyfleu ei siom bod yr eira yn dechrau dadmer yn Y Borth, Ceredigion. Ond nid felly mewn ardaloedd eraill yng Nghymru lle mae'r eira'n dal i ddod lawr.

BBC Cymru Fyw

Nid eira'n unig sy'n effeithio ar Gymru heddiw - mae adroddiadau o lifogydd yn y de hefyd.

Mae Gwasanaeth Tân ac Achub De Cymru wedi cael gwybod am lifogydd yn ardaloedd Caerdydd, Abertawe, ac ymhellach yn y gorllewin yng Nghwm Gwendraeth ac ym Mhencader.

Yn ôl INRIX, mae llifogydd ar y ffyrdd hefyd:

• A465 yng Nglyn-nedd, Castell-nedd Port Talbot;
• A48 yn Nhresimwn, Bro Morgannwg;
• A48 yn Abertawe rhwng Llangyfelach a Llansamlet.

BBC Cymru Fyw

Mae'r eira wedi glynu hefyd yn nhref Abergele, ar arfordir y gogledd.

Fe dynnodd Sion Jones y llun yma am 09:15 bore 'ma.

Ffynhonnell y llun, Sion Jones

BBC Radio Cymru

Mae nifer ohonoch wedi cysylltu â Rhaglen Dewi Llwyd ar BBC Radio Cymru i sôn am y digwyddiadau sydd wedi'u canslo neu eu gohirio. Dyma rai ohonyn nhw:

• Cyfarfod carolau yng Nghapel Peniel, Deganwy wedi ei ohirio tan 17 Rhagfyr am 19:00;
• Capel Lôn Swan, Dinbych - gwasanaeth y bore wedi ei ohirio;
• Capel Horeb, Bae Colwyn - gwasanaeth y bore wedi ei ohirio;
• Eglwys Preswylfa, Cyffordd Llandudno - gwasanaeth heno wedi ei ohirio;
• Dim gwasanaeth bore yng Nghapel Bethel, Yr Wyddgrug, na gwasanaeth hwyr yng Nghapel Bethesda yn yr un dref;
• Capel Mynydd Seion, Abergele, wedi cau drwy'r dydd;
• Capel y Groes, Wrecsam - gwasanaethau heddiw weu eu canslo;
• Dim oedfa bore yng Nghapel Maen Gwyn, Machynlleth;
• Capeli'r Tabernacl a Bethania, Rhuthun - dim gwasanaethau heddiw;
• Eglwys Crist, Llandinorwig - dim gwasanaeth am 15:00;
• Dim oedfa yng Nghapel y Morfa, Aberystwyth;
• Gwasanaeth Nadolig Capel Bwlchllan am 04:00 wedi ei ohirio;
• Gwasanaeth Nadolig Merched y Wawr Bro Ddyfi - oedd i fod yn yr eglwys yn Machynlleth - wedi ei ohirio;
• Dim oedfa yng Nghapel y Porth, Porthmadog;
• Dim gwasanaethau yn Nhonyfelin, Caerffili heddiw.

Cofiwch gysylltu â ni gyda'r botwm 'Cyfrannu' uchod i'n hysbysu am ddigwyddiadau eraill sydd wedi eu canslo.

BBC Cymru Fyw

Mae Sir Benfro hefyd wedi ei effeithio gan yr eira bore 'ma. I weld y rhagolygon tywydd ar gyfer eich ardal chi, ewch i wefan dywydd y BBC.

BBC Cymru Fyw

Dyma'r diweddaraf ar y ffyrdd:

• A470 ar gau i'r ddau gyfeiriad yn Aberhonddu Powys rhwng cylchfan Tarrell a'r A4059 yn Nant Ddu;
• A4233 rhwng Maerdy ac Aberdâr, Rhondda Cynon Taf, ar gau i'r ddau gyfeiriad;
• Dim ond cerbydau 4x4 sy'n medru mynd ar yr A470 rhwng Blaenau Ffestiniog a Dolwyddelan yn y gogledd;
• Eira'n amharu ar yr A465 ym Mrynmawr, Blaenau Gwent;
• Amodau anodd ar yr A55 i'r ddau gyfeiriad rhwng C26 yn Llanelwy a C34 yn Ewlo;
• Traffig araf oherwydd yr eira ar yr A4060 ym Merthyr Tudful.

Fe ddeffrodd pentref Derwen-gam ger Aberaeron i flanced o eira bore, fel nifer o ardaloedd ar draws Cymru.

BBC Cymru Fyw

Yn ôl cwmni Western Power, mae dros 3,000 o gartrefi heb drydan mewn nifer o siroedd:

• Blaenau Gwent - 30
• Sir Gâr - 429
• Ceredigion - 138
• Merthyr Tudful- 648
• Sir Fynwy - 1098
• Powys - 607
• Rhondda Cynon Taf - 850
• Abertawe - 56
• Torfaen - 34

Twitter

BBC Cymru Fyw

Mae'r eira wedi effeithio ardal eang o Gymru heddiw - yn bennaf rhannau o Bowys, Sir Fynwy, cymoedd y de a rhannau o Sir Gâr, yn ogystal â Sir Ddinbych, Sir y Fflint a Wrecsam.

Mae'r rhybudd tywydd oren - sydd mewn grym ers 04:00 - yn weithredol tan 18:00.

Traffig Cymru

Mae'r briff ffordd rhwng y de a'r gogledd - yr A470 - ar gau i'r ddau gyfeiriad oherwydd yr eira yn Storey Arms ger Aberhonddu.

Yn ôl Traffig Cymru, mae dargyfeiriadau yn eu lle.

BBC Cymru Fyw

Mae rhannau o Gymru wedi deffro gyda dros at 20cm o eira y bore 'ma.

Arhoswch gyda ni am y diweddara'.