Dyw hi ddim yn ymddangos bod gan brifysgolion elitaidd ddiddordeb yn y Bac Cymreig, medd arweinydd UKIP Neil Hamilton, gan ei alw'n ymyriad oddi wrth gwell defnydd o amser mewn ysgolion.

Mae'r prif weinidog yn dweud nad yw hi'n gywir i ddweud nad yw'r Bac yn cael ei gydnabod gan y prifysgolion gorau.

Mae'n ychwanegu bod ei fab yn astudio'r Bac a'i fod e a'i fab yn credu ei fod yn ddefnyddiol.

Mae Carwyn Jones yn dweud nad yw'n derbyn bod ad-drefnu yn "bryder mawr" ynghylch beth ddigwyddodd gyda ward dementia Tawel Fan.

Ond mae'n ychwanegu : "Mae hwnna yn ffactor, yn rhywbeth i'w ystyried".

Mae'n ychwanegu y bydd Bwrdd Iechyd Prifysgol Betsi Cadwaladr yn parhau mewn mesurau arebnnig "am gyhyd â sydd angen".

Mae arweinydd y Ceidwadwyr Andrew RT Davies yn dechrau gyda Tawel Fan, gan ddarllen cyfres o feirniadaethau o Fwrdd Iechyd Betsi Cadwaladr yn yr adroddiad diweddar am y ward.

Ydy'r prif weinidog yn difaru sut y cafodd ad-drefnu'r GIG ei gynnal wnaeth arwain at sefydlu'r bwrdd, gofynna.

Mae'r prif weinidog yn dweud ei bod hi'n eglur bod yna gasgliadau sydd angen eu gweithredu.

"Mae'n bell o fod yn wyngalch", meddai ar yr adroddiad am Tawel Fan.

Mae'r aelod Ceidwadol Mohammad Asghar yn dweud bod busnesau yn bryderus ynghylch sylwadau'r Gweinidog Cyllid Mark Drakeford ar ffordd liniaru'r M4 yr wythnos ddiwethaf yn awgrymu y byddai'n cefnogi dewis rhatach.

Mae Carwyn Jones yn dweud mai'r cyd-destun oedd bod y gweinidog cyllid yn tanlinellu bod "y gost yn amlwg yn broblem".

Ffynhonnell y llun, Llywodraeth Cymru

Mae Adam Price Plaid Cymru yn gofyn a yw Llywodraeth Cymru yn nodi wrth ymgeiswyr y bydd hi'n ofynnol i drenau ar y Metro fod â thai bach ar eu bwrdd sy'n cydfyna gyda'r rheolau newydd..

Mae yna heclo gan ACau y gwrthbleidiau pan fo'r prif weinidog yn dweud eu bod nhw'n ystyried "nifer o opsiynau", gan gynnwys darparu tai bach mewn gorsafoedd os nad ar fwrdd trenau.

Mae'r cwestiwn cyntaf a gyflwynwyd, dolen allanol gan Gareth Bennett.

A wnaiff y Prif Weinidog ddatganiad am hygyrchedd trenau ar gyfer personau â lefel symudedd is ?

Mae'n mynegi pryder ynghylch y ffaith y bydd tai bach ar drenau wedu eu cloi o dan y rhyddfraint rheilffordd newydd.

Mae'r prif weinidog yn dweud na fydd e'n caniatáu hynny o dan unrhyw amgylchiadau.

Mae gan Carwyn Jones 10 sesiwn o Gwestiynau'r Prif Weinidog cyn toriad yr Haf.

Os y bydd e'n rhoi'r gorau iddi ar Ragfyr y 9fed wedi naw mlynedd wrth y llyw, fe fydd ganddo 11 sesiwn arall wedi toriad yr Haf.

Croeso i Senedd Fyw sy'n darlledu'r Cyfarfod Llawn y prynhawn yma.

Mae'r sesiwn fel arfer yn dechrau gyda chwestiynau i'r Prif Weinidog, Carwyn Jones.