Diwrnod cyntaf Eisteddfod yr Urdd Brycheiniog a Maesyfed 2018
Penodi swyddog Urdd newydd ym Mhowys
Y pwyllgor gwaith wedi cyrraedd y nod ariannol o £100,000
Math Roberts yn cipio'r Fedal Gyfansoddi
Gwrandewch ar y cystadlu trwy'r dydd ar Radio Cymru
BBC Cymru Fyw
Dyna ni am heddiw.
Llongyfarchiadau mawr i Math Roberts.
Fe fyddwn ni yn ôl eto bore fory gyda'r newyddion a'r bwrlwm o'r maes yn Llanelwedd.
Y brif seremoni fory yw Medal y Dysgwyr. Hwyl am y tro!
Eisteddfod yr Urdd
Mae Math yn wyneb cyfarwydd i eisteddfotwyr Cymru gan iddo ennill droeon mewn amrywiol gystadlaethau cerdd.
Mae'n gyn-ddisgybl yn Ysgol Gynradd Llanrug ac yna Ysgol Uwchradd Brynrefail.
Erbyn hyn, mae ar ei flwyddyn gyntaf yn astudio cerddoriaeth ym Mhrifysgol Rhydychen.
Mae'n canu'r piano a'r delyn ers yn 3 a 4 oed ac yn canu'r corned.
Fe enillodd Y Rhuban Glas Offerynnol dan 19oed yn Eisteddfod Genedlaethol Maldwyn a'r Gororau yn 16 oed.
Eisteddfod yr Urdd
Math Roberts o Gwn-y-Glo ger Llanrug, Gwynedd yw enillydd Y Fedal Gyfansoddi - prif seremoni cyntaf Eisteddfod Genedlaethol yr Urdd 2018.
Eisteddfod yr Urdd
Meirion Wynn Jones oedd yn beirniadu.
Saith wnaeth gystadlu ac roedd y safon yn amrywiol meddai.
Roedd hi rhwng Oren a Huwcyn.
Ond Huwcyn sy'n mynd a hi. Darn coffa yw hwn er cof am ei daid. Dywedodd bod y barau olaf yn "wirioneddol hardd".
Cwsg oedd enw'r darn ac mae'n "haeddu cael ei lwyfannu" meddai'r beirniad.
Eisteddfod yr Urdd
Aled Hopton yw meistr y ddefod. Y dasg eleni oedd cyfansoddi darn ac roedd y cystadleuwyr yn medru dewis o bedwar darn o gerddoriaeth.
Eisteddfod yr Urdd
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod yr Urdd
Y brif seremoni heddiw yw'r fedal gyfansoddi. Mae'r seremoni ar fin dechrau.
Eisteddfod yr Urdd
Felly, chi wedi llwyddo i orchfygu'r nerfau, perfformio ar y llwyfan a beth sydd yn eich disgwyl chi pen arall?
Llu o gamerâu teledu a'r wasg yn crefu am luniau a chyfweliadau. 'Sdim heddwch i gael!
Eisteddfod yr Urdd
Chi'n gwybod fod pob dim yn iawn mewn Eisteddfod pan fo'r ciw hufen ia mor hir. Erbyn hyn mae'r haul yn disgleirio ar y Maes a phethau'n dechrau twymo...
Eisteddfod yr Urdd
Falle bod angen edrych eto ar yr arwydd yma ar faes y 'steddfod!
Eisteddfod yr Urdd
Llywydd y dydd sy'n hel atgofion o'r Urdd.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod yr Urdd
Mae ffotograffwyr Cymru Fyw wedi bod yn brysur yn crwydro'r maes ar y diwrnod cyntaf!
Dyma ddetholiad bach - mwy ar ein gwefan.
Ffynhonnell y llun, bbc
Ffynhonnell y llun, bbc
Cymdeithas yr Iaith Gymraeg
Mae Cymdeithas yr Iaith wedi bod yn protestio ar stondin Llywodraeth Cymru ar y maes prynhawn yma, gan eu cyhuddo o gynlluniau i wanhau deddfwriaeth iaith.
Fe wnaeth yr ymgyrchwyr iaith ddweud y byddai diddymu swydd Comisiynydd y Gymraeg yn "'troi'r cloc yn ôl i'r 90au".
Dywedodd Heledd Gwyndaf, cadeirydd Cymdeithas yr Iaith y byddai'r cynlluniau'n "gwanhau ein hawliau i gwyno a chael cyfiawnder".
"Dyw pobl Cymru ddim eisiau hawliau iaith gwannach, maen nhw am symud ymlaen, nid camu'n ôl i hen ddeddfwriaeth wnaeth fethu," meddai.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod yr Urdd
Er gwaethaf y ffaith na fydd cyhoeddiad swyddogol am beth yw nifer yr ymwelwyr yr wythnos yma, mae'n amlwg bod torf heddiw yn un sylweddol iawn.
Mae'r maes yn un eithaf mawr a gwasgar, ond mae pobl ym mhobman!
Comisiynydd y Gymraeg
Ar faes Eisteddfod yr Urdd dros y dyddiau nesa mi fydd yna gyfle i eisteddfodwyr gynnig sylwadau ar restr newydd o enwau lleoedd yng Nghymru.
Fe fyddan nhw'n cael eu cyhoeddi gan Gomisiynydd y Gymraeg ddiwedd fis nesa.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod yr Urdd
Mae Lloyd Macey, wnaeth gystadlu ar raglen deledu'r X factor, yn dweud na fyddai wedi gallu cymryd rhan yn y rhaglen oni bai ei fod wedi cael profiad ar lwyfan Eisteddfod yr Urdd, dolen allanol.
Roedd y dyn 23 oed o'r Rhondda ymhlith y rhai wnaeth gymryd rhan yn y cyngerdd agoriadol neithiwr.
Dywedodd fod cystadlu ar hyd y blynyddoedd yn golygu fod ganddo fantais am ei fod wedi arfer cael adborth wrth berfformio.
Eisteddfod yr Urdd
Hyd yma dyma'r cystadleuydd sydd wedi teithio bellaf i gystadlu yn yr Eisteddfod...ni'n credu!
Enillodd Suji o Ysgol Borth, Porthaethwy'r Eisteddfod Gylch yn gynt yn y flwyddyn, ond wedyn roedd yn rhaid i'w theulu symud yn ôl i Gorea i fyw.
Ond mae hi a'i theulu wedi hedfan nôl yn arbennig i gystadlu yn yr Urdd ac wedi llwyddo i gael llwyfan yn y Llefaru ar gyfer blwyddyn 3 a 4.
Dyma hi'n cyrraedd cefn y llwyfan gyda'i hathrawes Eleri sydd wedi bod yn ei hyfforddi dros Skype pob wythnos.
Taro'r Post
BBC Radio Cymru
Mae un o Lywyddion Anrhydeddus yr Eisteddfod, John Meurig Edwards, yn dweud bod angen gweld mwy o addysg uwchradd Gymraeg yn y sir.
"Mae eisiau mwy o wthio ar yr ochr uwchradd," meddai wrth raglen Taro'r Post.
Yn ôl y cynghorydd Myfanwy Alexander mae'r diddordeb yn yr iaith wedi "cynyddu ym mhob cornel o'r sir, sy'n mynd ar y cyd gyda'r polisi sydd gennon ni fel cyngor sir i ddarparu addysg Gymraeg yn ehangach ac ehangach."
Ychwanegodd bydd y cyngor yn gwneud cyhoeddiad cyn bo hir ynglŷn ag ehangu'r ddarpariaeth yng "nghanol y sir." Mae'n holl bwysig cael y ddarpariaeth ymhobman meddai, ac nid dim ond yn y cadarnleoedd.
Eisteddfod yr Urdd
Efallai bod rhai ohonoch yn poeni am fynychu'r Eisteddfod eleni oherwydd maint y Maes.
Peidiwch poeni mwy!
Mae Mistar Urdd wedi darparu trên bach arbennig i gludo ei ffrindiau o un pen o'r Maes i'r llall...felly fedrwch chi gyrraedd y donuts hyd yn oed yn gynt!
Eisteddfod yr Urdd
Chwaraewyr Cymru'n dymuno'r gorau i'r Urdd yr wythnos yma a hynny o LA!
Bydd Cymru'n chwarae Mecsico fory mewn gêm gyfeillgar.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.