Theatr Genedlaethol Cymru

Ar ôl noson o saib neithiwr, bydd drama 'X' yn cael ei llwyfannu ar y Maes unwaith eto heno, a phob noson nes ddydd Gwener.

Wedi'i sgwennu gan Rhydian Gwyn Lewis, a'i chyfarwyddo gan Ffion Dafis, mae wedi'i selio yn y flwyddyn 2039, gyda'r Alban yn annibynnol ac Iwerddon wedi uno.

Dewis arall sy'n wynebu Cymru - refferendwm i benderfynu a ydyn nhw am ddiddymu ei llywodraeth ac uno gyda Lloegr.

Os ydach chi awydd, mi fydd y ddrama i'w gweld ar Theatr y Maes am 18:00.

BBC Cymru Fyw

Mae canlyniad cynta'r dydd wedi cael ei gyhoeddi.

Anni a Begw oedd yn fuddugol yng nghystadleuaeth y deialog.

Holl ganlyniadau dydd Mawrth a chlipiau o'r cystadlaethau a phrif seremoni'r dydd ar gael ar Cymru Fyw.

Twitter

Eisteddfod Genedlaethol Cymru

Hysbys teithio i chi - mae'r Eisteddfod wedi cyhoeddi y bydd Trafnidiaeth Cymru yn rhedeg bws ychwanegol ar ddiwedd y nos i gyfeiriad Blaenau Ffestiniog o heno ymlaen.

Fe fydd y bws olaf yn gadael Gorsaf Drenau Llanrwst am 23:00, felly bydd yn rhaid dal bws gwennol o'r Maes i'r dref erbyn hynny.

BBC Cymru Fyw

Lansio corff newydd i gynorthwyo pobl sydd â phroblemau iechyd meddwl oherwydd dibyniaeth ar sylweddau.

Bydd @AdferiadRecover, dolen allanol yn gyfuniad o waith @Hafal_, dolen allanol , Cais a WCADA.

“Pwrpas yw I helpu pobl I fyw yn well ac yn iach,” meddai Prif Weithredwr Cais, Clive Wolfendale.

BBC Cymru Fyw

Mae cynghorydd ac academydd blaenllaw wedi rhybuddio y gallai Brexit gynyddu'r argyfwng ail gartrefi yn rhai o ardaloedd Cymru.

Yn ôl Dr Seimon Brooks fe allai gwanhau'r cysylltiadau ag Ewrop arwain at fwy o bobl ym Mhrydain i "feddwl am y cyrion Celtaidd... fel llefydd egsotig ond cyfarwydd" i fynd ar wyliau neu ymddeol.

Dywedodd y gallai hynny yn ei dro arwain at waethygu'r sefyllfa mewn llawer o ardaloedd yng ngogledd a gorllewin Cymru ble mae canrannau uchel o dai eisoes yn ail gartrefi.

Darllenwch y stori yn llawn ar Cymru Fyw.

BBC Cymru Fyw

Wedi methu allan ar y cystadlu dydd Llun?

Ewch draw i dudalen arbennig Cymru Fyw er mwyn gweld yr holl ganlyniadau a chlipiau o'r cystadlaethau a phrif seremoni'r dydd.

Ffynhonnell y llun, bbc

BBC Cymru Fyw

Faint ydych chi'n ei wybod am ardal Llanrwst?

Rhowch gynnig ar gwis Cymru Fyw

Ffynhonnell y llun, Paul Ellis

Twitter

Twitter

Twitter

BBC Cymru Fyw

Mae'r cystadlu wedi dechrau ar lwyfan y Pafiliwn.

Cofiwch fod modd i chi wylio'r cyfan ar frig y dudalen hon.

Tywydd

BBC Cymru Fyw

Guto Dafydd yw enillydd Coron Eisteddfod Genedlaethol Sir Conwy 2019.

Daeth y bardd ifanc o Bwllheli i'r brig mewn cystadleuaeth a ddenodd 29 o geisiadau.

Cyflwynwyd y Goron am ddilyniant o gerddi heb fod mewn cynghanedd, ac heb fod dros 250 o linellau, ar y pwnc Cilfachau.

Mewn cystadleuaeth hynod gref, dywedodd Ceri Wyn Jones wrth draddodi'r feirniadaeth fod 'Saer nef' wedi ennill "o drwch y blewyn teneua' yn hanes blew tene eriôd"

Ffynhonnell y llun, Ffotonant

BBC Cymru Fyw

• Gan nad ydi’r tywydd yn rhy ffafriol, beth am fynd i syllu ar y sêr yn sesiynau planetariwm y pentref gwyddoniaeth bob yn ail â’u sioeau gwyddoniaeth byw.
• Dyma eich cyfle i ddysgu clocsio – mae gweithdy arbennig yn y Babell Ddawns am 14:00 fydd hefyd yn help i gynhesu os ydych chi wedi cael eich dal yn y glaw.
• Beth am fod ymysg y rhai cyntaf i weld y sioe gerdd eisteddfodol “cwiar, ffyrnig, gwefreiddiol, llawen a dirdynnol” sy’n dal i gael ei datblygu gan Seiriol Davies ac eraill - Corn Gwlad am 21:00 yng Nghwt Cabaret y Babell Lên.

BAFTA Cymru

BBC Cymru Fyw

Mae sawl aduniad ar y maes yn ystod wythnos yr Eisteddfod, ac wele Beryl, Meryl a Cheryl yn cael un 10 mlynedd ers iddyn nhw ‘serennu’ yn eu ffilm eu hunain.

Twitter

Cylchgrawn, Cymru Fyw

Tywydd

Mae cawodydd wedi cyrraedd y Steddfod bore ‘ma. Mae'r cae yn wlyb dan draed felly cofiwch gôt law a sgidiau addas.

Dydi hi ddim yn argoeli’n fawr gwell ar gyfer gweddill y dydd chwaith, yn ôl y wefan dywydd.