Cerdyn Melyn

Yn syth ar ôl i James Davies gael ei ganmol, mae wedi ei anfon i'r gell gosb am wrthod gadael sgarmes.

Pedwerydd cerdyn melyn y gêm a Chymru lawr i 14 dyn gyda Fiji yn pwyso.

Dafydd Pritchard
Gohebydd chwaraeon yn Stadiwm Oita

Dyna pam fod James Davies yn y tîm. Gwaith gwych yn yr ardal y dacl i adennill y bêl i Gymru.

BBC Cymru Fyw

Dyma'r ystadegau o'r hanner cyntaf:

Cymru-Fiji

Meddiant: 45%-55%

Tiriogaeth: 52%-48%

Metrau enillwyd: 210-169

Amddiffynwyr gafodd eu curo: 8-12

Cyfleoedd gwirioneddol: 5-3

Ciciau cosb wedi'i hildio: 4-6

Colli meddiant: 8-6

Ffynhonnell y llun, Getty Images

BBC Cymru Fyw

I ffwrdd a ni yn yr ail hanner wrth i Gymru geisio cael dechreuad gwell i'w gymharu â'r hanner cyntaf.

S4C

Ar yr hanner mae cyn faswr Cymru, Nicky Robinson yn dadansoddi:

"Roedd pethau elfennol yn wael ar y dechrau i Gymru.

"Unigolion yn ceisio gwneud pethau yn hytrach na chwarae fel tîm.

"Fe wnaeth pethau wella ychydig wedyn," meddai.

Wedi dechrau sigledig, dau gais gan yr asgellwr Josh Adams yn rhoi’r fantais i Gymru ar yr hanner.

Ffynhonnell y llun, Getty Images

Dafydd Pritchard
Gohebydd chwaraeon yn Stadiwm Oita

Mae Ross Moriarty wedi bod yn ardderchog hyd yn hyn.

Roedd yr wythwr ar y fainc ar gyfer dwy gêm gynta Cymru yn Japan ond mae e wedi bod yn amlwg iawn o'r dechre heddiw, yn taclo'n ffyrnig ac yn cario'r bel yn bwerus.

Andrew Coombs
Cyn-glo Cymru

Wrth edrych ar yr hanner cyntaf mae Andrew Coombs yn credu bod amddiffyn Cymru "lot yn well wrth i'r gêm fynd yn ei flaen ar ôl dechreuad da gan Fiji"

BBC Cymru Fyw

Ail gais Cymru ac ail gais i Josh Adams wedi hanner awr.

Wedi chwarae amyneddgar yn agos at linell gais Fiji, dyma'r bêl yn cael ei lledu i'r gornel ac Adams oedd yno i dirio'n gyfforddus.

Unwaith eto mae Biggar wedi cicio'n berffaith ac mae Cymru ar y blaen.

Ffynhonnell y llun, Getty Images

Cerdyn Melyn

Semi Kunatani wedi'i anfon i'r gell gosb y tro hwn wedi 29 munud.

Dyma'r trydydd chwaraewr hyd yma i gael ei anfon i ffwrdd am ddeng munud.

Camsefyll parhaus yw'r drosedd y tro hwn.

Dafydd Pritchard
Gohebydd chwaraeon yn Stadiwm Oita

Dwi'n siwr byse well gan bawb gem unochrog a buddugoliaeth campus i Gymru ond, ma rhaid dweud, ma hon yn gem wych i wylio. Llawn cyffro.

BBC Cymru Fyw

Ar ôl edrych ar y cais am sawl munud, mae'r dyfarnwr wedi penderfynu fod troed Josh Adams wedi cyffwrdd y llinell ochr cyn iddo dirio.

Mor agos i Gymru.

BBC Cymru Fyw

Josh Adams unwaith eto'n croesi'r llinell yn y gornel, ond mae'r dyfarnwr fideo yn cael golwg cyn i Jerome Garcais wneud penderfyniad.

Mae oedi yn y gêm wrth i bawb ddisgwyl am benderfyniad.

Dafydd Pritchard
Gohebydd chwaraeon yn Stadiwm Oita

Am 18 munud, dyma oedd gêm anoddaf Josh Adams i Gymru.

Ar ôl methu tacl ar gyfer dau gais Fiji, gollwng y bêl a thaflu pas wael i Hadleigh Parkes, roedd yr asgellwr yn y man perffaith i gasglu cic Dan Biggar.

Rhyddhad.

BBC Cymru Fyw

Cais i Gymru, Josh Adams yn croesi yn dilyn cic uchel gan Dan Biggar.

Mae Cymru'n ôl yn y gêm. Mae Dan Biggar wedi cicio'n gywir ac mae'r bwlch nawr lawr i dri phwynt ar ôl 20 munud.

Ffynhonnell y llun, Getty Images

Cerdyn Melyn

Tevita Cevubati yn gweld y garden felen y tro hwn am ddefnyddio ei ysgwydd i daclo'n uchel.

Fe fydd Ken Owens yn dychweld i'r maes yn fuan i Gymru

Dafydd Pritchard
Gohebydd chwaraeon yn Stadiwm Oita

Os oedd rhywun yn edrych am elfen bositif i'r gêm, falle allech chi ddweud bod Ken Owens yn ffodus i osgoi cerdyn coch.

Am eiliad, rwy'n siŵr roedd nifer o gefnogwyr Cymru yn dechrau meddwl nôl i gerdyn coch Sam Warburton yn y rownd gynderfynol yn erbyn Ffrainc wyth mlynedd yn ôl.

Dafydd Pritchard
Gohebydd chwaraeon yn Stadiwm Oita

Ma' hwn yn ddechreuad hunllefus i Gymru.

Hunllefus.

BBC Cymru Fyw

Mae Cymru ar chwâl wrth Fiji wedi croesi unwaith eto gyda Kini Murimurivalu yn tirio yn y gornel.

Unwaith eto mae Fiji wedi methu gyda'r trosiad.

Cerdyn Melyn

Mae Ken Owens wedi'i anfon i ffwrdd am 10 munud am dacl hwyr beryglus.