Mae Paul Davies yn parhau drwy ymosod ar y prif weinidog am golledion Maes Awyr Caerdydd o £19m.

Mae Mark Drakeford yn ateb gan ddweud ei fod yn gobeithio y bydd David Davies, y gweinidog newydd yn Swyddfa Cymru, yn argyhoeddi llywodraeth y DU i ddatganoli toll teithwyr awyr. Yn y gorffennol mae Mr Davies wedi galw am hynny.

Mae arweinydd y Ceidwadwyr, Paul Davies, yn honni nad yw Trafnidiaeth Cymru yn cyflawni anghenion teithwyr.

Mae'r prif weinidog yn gwadu hynny ac yn dweud bod yna newid ar droed gyda mwy o le ar drenau a phrisiau yn gostwng.

Mae Mr Davies yn rhestru diffygion eraill gan gynnwys methu â darparu trenau.

Ffynhonnell y llun, Trafnidiaeth Cymru

Mae Mr Drakeford yn dweud bydd Brexit "ymhell o fod drosodd wedi 31 Ionawr gan bod angen cytuno ar gytundebau masnach.

"Bydd unrhyw un sy'n credu ar y 1af o Chwefror bod sicrwydd wedi dod yn lle ansicrwydd yn cael cryn sioc," meddai'r prif weinidog.

Mae'r Llywydd Elin Jones yn cynnal balot i benderfynu pa Aelodau a gaiff gyflwyno cwestiynau i’r Prif Weinidog ac i Weinidogion Cymru.

Yn gyntaf mae Gareth Bennett, AC annibynnol, yn gofyn pa gamau y mae Llywodraeth Cymru yn eu cymryd i gefnogi busnesau yng Nghanol De Cymru?

Mae Mark Drakeford yn cyfeirio at Busnes Cymru a Banc Datblygu Cymru.

Dywed Mr Bennett er bod Llafur wedi cael crasfa yn yr ethliad cyffredinol, bod Llywodraeth Lafur Cymru yn parhau i wrthwynebu Mesur Llywodraeth y DU i ymadael â'r UE.

Prynhawn da.

Mae cyfarfod llawn cyntaf 2020 yn dechrau am 1.30pm gyda Chwestiynau i'r Prif Weinidog.