BBC Cymru Fyw

A dyna ni am heddiw gan griw llif newyddion Cymru Fyw ar ddiwrnod lle cofnodwyd 10 marwolaeth arall o'r haint yng Nghymru.

Fydd hi'n fisoedd cyn i Brydain ddod nôl i normal, medd llywodraeth San Steffan a mae disgwyl rhagor o farwolaethau ar draws Prydain yn ystod y pythefnos nesaf.

Gydol y dydd mae eglwysi ar draws Cymru wedi darparu gwasanaethau ar y we ac mae perfformiadau Gŵyl Ynysu wedi dod â lliw i fywyd pobl.

Diolch am ddarllen - fe fyddwn y llif byw nôl bore fory.

Tan hynny bydd y straeon diweddaraf o Gymru ar wefan Cymru Fyw.

Llywodraeth Cymru

Mae cynghorau ar draws Cymru wedi cael nifer o wirfoddolwyr yn cynnig eu gwasanaeth - os ydych chi am fod yn ohonynt mae yna gyngor isod.

Mewn cynhadledd yn Llundain mae dirprwy swyddog iechyd meddygol Prydain wedi rhybuddio y gall hi fod yn chwe mis cyn i'r DU ddod yn ôl i fywyd normal ac efallai y bydd hi'n hwy na hynny.

Mae Dr Jenny Rees yn atgoffa mai dim ond wythnos o gyfyngiadau llym sydd wedi mynd heibio a bod y prif weinidog wedi dweud ddydd Llun diwethaf y bydd y mesurau yn cael eu hadolygu mewn tair wythnos.

Ychwanegodd y bydd y mesurau yn cael eu llacio'n raddol dros gyfnod o amser.

Dywedodd hefyd y bydd hi'n rai misoedd cyn i ni weld effaith y mesurau.

Yng nghynadledd y wasg Llywodraeth y DU, mae'r Ysgrifennydd Tai Robert Jenrick yn dweud nad yw coronafeirws yn "gwahaniaethu" rhwng pobl.

"Mae gennym ni gyd ein rhan," meddai, "drwy aros adref, amddiffyn y Gwasanaeth Iechyd ac arbed bywydau."

Mae 'na gais ar i'r 1.2 miliwn o bobl sydd wedi cael cyngor i aros adre am 12 wythnos ac sydd heb gefnogaeth leol i gofrestru ar wefan y llywodraeth.

Gall y GIG gludo meddyginiaethau ac mi all timau arbenigol gludo bwyd i'r rhai sy'n gwneud cais amdano.

Dywedodd y bydd 50,000 o becynnau bwyd yn cael eu hanfon yr wythnos hon.

Yn ôl un arbenigwr ar afiechydon heintus yn America, gallai rhwng 100,000 a 200,000 o Americanwyr farw o haint coronafeirws.

Mae Dr Anthon Fauci, sy'n aelod blaenllaw o dasglu Yr Arlywydd Trump, yn ofni y bydd miloedd mwy yn cael eu heintio ond ychwanegodd nad oedd am gamarwain pobl.

Twitter

Yn gynharach fe adroddon ni fod marchnad Llanybydder wedi'i chanslo.

Y prynhawn 'ma dywedodd cwmni arwerthu JJ Morris na fydd marchnadoedd Hendy-gwyn ar Daf na mart Crymych yn cael eu cynnal am dair wythnos.

Dyna'r penderfyniad mwyaf diogel i staff a chwsmeriaid, medd y cwmni arwerthwyr mewn datganiad.

Mae nifer o eglwysi eto heddiw wedi ffrydio gwasanaethau ar y we.

Heno bydd Cristnogion ledled gwledydd Prydain yn gweddïo am 7.

Mae 209 o farwolaethau pellach wedi bod yn y DU ddydd Sul - mae cyfanswm y marwolaethau bellach yn 1,228.

Wedi ystyried achosion newydd 29 Mawrth - dyma sut mae map o'r achosion fesul bwrdd iechyd yn edrych ar hyn o bryd.

Ffynhonnell y llun, bbc

Drwy gydol y dydd mae'r awdurdodau wedi bod yn rhybuddio pobl i lynu at y mesurau sydd wedi'u cyflwyno.

Mae'r fideo isod yn cynnwys y neges yn Gymraeg.

Mae Llywodraeth Cymru yn pwysleisio bod y cymorth sydd ar gael i ddioddefwyr a goroeswyr trais cam-drin domestig a thrais rhywiol yn parhau.

Mae geiriau un o ganeuon mwyaf poblogaidd Cymru wedi cael eu newid a hynny gan y canwr ei hun.

Mae meddyg teulu o Wynedd wedi dweud ei fod wedi gwneud popeth o fewn ei allu i baratoi ar gyfer trin cleifion sy'n cael eu taro'n wael gyda'r coronafeirws.

Wrth siarad â BBC Cymru Fyw, dywedodd Dr Gwilym Siôn Pritchard o Feddygfa'r Waunfawr eu bod nhw wedi prynu offer arbenigol ychwanegol ar gyfer trin symptomau'r feirws.

Fe bwysleisiodd Dr Pritchard hefyd ei bod yn bwysig fod pobl yn parhau i gymryd y camau priodol, drwy gadw pellter cymdeithasol a rhoi blaenoriaeth i hylendid personol: "Fedra i ddim pwysleisio digon pa mor bwysig ydy hi i bawb i barhau i olchi eu dwylo yn gyson."

Mae Iechyd Cyhoeddus Cymru wedi cyhoeddi bod 10 person arall wedi marw yng Nghymru o haint coronafeirws.

Mae nifer y marwolaethau bellach yn 48.

Mae 148 yn fwy o achosion wedi'u cadarnhau - mae'r nifer bellach yn 1241 ond mae'n debygol bod y nifer go iawn yn uwch, medd arbenigwyr.

Theatr Genedlaethol Cymru

Bydd Cyngor gan Theatr Genedlaethol Cymru fore Mawrth - angen cofrestru.

Mae nifer wedi troi at ddarllen neu'n darllen mwy yn ystod y cyfnod hwn - yn eu plith Wynne Melville Jones o Landre.

Iechyd Cyhoeddus Cymru

Mae Iechyd Cyhoeddus Cymru am ein hatgoffa yn barhaus na ddylem adael ein cartrefi oni bai bod ein siwrne yn hanfodol.

BBC Cymru Fyw

Yn ôl un o Weinidogion San Steffan, Michael Gove, gallai'r cyfyngiadau presennol fod yn para am "gryn amser" - yn enwedig os nad yw pobl yn glynu at y mesurau.

Heddlu Dyfed Powys

Mae pobl yn dal i anwybyddu cynghorion - dyma neges heddlu Aberystwyth fore Sul.

Cylchgrawn, Cymru Fyw

"Yr hyn sy'n bwysig yw ein bod yn gweddïo ac yn gofalu am ein gilydd," medd arweinyddion eglwysi wrth i nifer ddysgu technegau newydd i roi gwasnaethau ar y we.

Ffynhonnell y llun, Meithrin y Morfa