Wedi'r newyddion am y cynnydd mawr o 29 o farwolaeth Covid-19 yng Nghymru, mae Sky News yn datgeu bod cyfanswm y DU yn syfrdanol hefyd gyda 563 o farwolaethau yn y 24 awr diwethaf.

Tra bod y gwefannau cymdeithasol yn llawn straeon o rieni yn gwneud bob math o bethau difyr i addysgu eu plant tra bod yr ysgolion ar gau, mae'r realiti yn dra gwahanol yn ôl Catrin Lliar Jones, sy'n byw ger Rhosgadfan, Caernarfon, ac yn fam i ddau o blant.

Darllenwch ei stori yma.

Ffynhonnell y llun, Llun cyfrannwr

Mae Llywodraeth Cymru am ddiolch i bawb sydd wedi gwirfoddoli i gynorthwyo hyd yma, ond yn pwysleisio hefyd bod yr angen am fwy o wirfoddolwyr cymaint ag erioed.

Mae Iechyd Cyhoeddus Cymru wedi cadarnhau 274 achos newydd o Covid-19, gyda'r cyfanswm achosion yma bellach yn 1,837.

Roedd 29 yn rhagor o farwolaethau hefyd, gyda chyfanswm y meirw yng Nghymru bellach yn 98.

Twitter

Twitter

Cyngor Sir y Fflint

Mae Safonau Masnach Cyngor Sir y Fflint yn rhybuddio pobl am sgam newydd yn ymwneud â’r coronafeirws.

Mae llawer o bobl wedi bod yn derbyn galwadau digroeso gan unigolion sy’n honni eu bod yn gweithio i’r Cyngor.

Mae’r twyllwyr wedi bod yn dweud bod yn rhaid i bobl dalu am gael gwagio eu biniau du, ac wedi bod yn gofyn am fanylion cardiau banc.

Does dim rhaid i chi dalu er mwyn i ni wagio’ch bin du, sgam ydi hwn.

Yr un adeg a'r gynhadledd fe wnaeth y Gweinidog Materion Gwledig, Lesley Griffiths, gyhoeddiad am fesurau argyfwng i gefnogi ffermwyr yn ystod y pandemig coronafeirws.

Cadarnhaodd y bydd gan ffermwyr fis yn ychwanegol i gwblhau Ffurflen y Cais Sengl gyda'r dyddiad cau yn ymestyn nes 15 Mehefin.

Mewn ymateb i bryderon ynghylch y gofyniad i dyfu amrywiaeth o gnydau, yn dilyn y llifogydd diweddar a’r pwysau ychwanegol a’r ansicrwydd oherwydd yr argyfwng COVID-19, mae Llywodraeth Cymru wedi cadarnhau ei bod yn tynnu’r gofyniad yn gyfan gwbl ar gyfer BPS 2020.

Mae £5.5 miliwn ychwanegol wedi cael ei neilltuo i’r BPS a chynllun cymorth Glastir 2019. Bydd y cynlluniau hyn yn ailagor heddiw i roi cymorth i’r ffermwyr hynny nad ydyn nhw wedi derbyn eu taliadau’r BPS a/neu Glastir hyd yn hyn. Bydd ffermwyr yn gallu gwneud cais am gymorth drwy’r cynllun i liniaru unrhyw broblemau llif arian.

Mae'r Gweinidog Addysg Kirsty Williams wedi dweud y bydd rhai ysgolion yn aros ar agor dros wyliau'r Pasg ar gyfer plant bregus a phlant gweithwyr allweddol.

Yng nghynhadledd newyddion ddyddiol Llywodraeth Cymru, ychwanegodd y byddai plant sy'n derbyn cinio am ddim yn parhau i dderbyn bwyd dros y gwyliau.

Dywedodd Ms Williams ei bod yn falch o staff addysg a gwasanaethau cyhoeddus eraill sydd wedi ateb yr her o gadw ysgolion ar agor.

Mae modd gwylio hyn yn fyw ar y BBC ac S4C...

Cyfle i ysgrifenwyr sydd wedi colli rhywfaint o incwm o ganlyniad i'r mesurau llym presennol:

Heddlu Gogledd Cymru

Llywodraeth Cymru

Mae'r Gweinidog Addysg, Kirsty Williams wedi cyhoeddi dogfen newydd i gynnig cyngor i athrawon llenwi.

Gyda holl ysgolion Cymru ar gau, mae'n gyfnod ansicr i athrawon llenwi.

Dyw'r bwrdd iechyd sy'n gyfrifol am ganolbarth a gorllewin Cymru ddim yn disgwyl i'r feirws gyrraedd uchafbwynt am wyth wythnos arall, medd Lee Waters AC.

Ychwanegodd y byddai dechrau Mehefin "yn gyfnod anodd iawn, iawn".

Ar Radio Wales y bore 'ma, dywedodd y Gweinidog Iechyd, Vaughan Gething y gallai'r uchafbwynt ddod yn gynt i Gymru gyfan.

"Ry'n ni'n dal i ddisgwyl y bydd cyfnod anodd am wythnosau lawer gyda'r brig o Ebrill i mewn i fis Mai neu falle'n hwyrach," meddai.

Mae cwpl o Sir y Fflint yn benderfynol o beidio gadael i argyfwng coronafeirws ddifetha'u dathliadau ddydd Mercher, wrth iddyn nhw ddathlu 70 mlynedd o briodas.

Fe wnaeth Ernest ac Eileen Roberts o bentref Cadole briodi yn eglwys Sant Berres yn Llanferres, Sir Ddinbych ar 1 Ebrill 1950 cyn mynd ar eu mis mêl am wythnos i'r Rhyl.

Bydd Ernest ac Eileen, y ddau yn 95 oed, yn treulio'u pen-blwydd priodas yn eu cartref ers dros 50 mlynedd yng Nghadole, ger Yr Wyddgrug.

Ffynhonnell y llun, Llun teulu