Mae cwpl o'r Bala wedi bod yn gwneud eu gorau i godi calonnau a rhoi gwen ar wynebau pobl yn ystod argyfwng Covid-19.

Mae anturiaeth Wayne Evans a'i bartner Ceri Owen yn cynnwys ymweld â thai pobl mewn gwisg Batman er mwyn difyrru’r plant ieuengaf. Yn ogystal â chodi arian mae nhw hefyd wedi dechrau blog nosweithiol i helpu pobl "anghofio am eu pryderon".

Dywedodd Ceri Owen: "Mae o'n frawychus beth sydd yn digwydd i bawb a phawb yn sownd yn y tŷ a gofid i bawb.

"Dyma benderfynu rhoi blog i fyny... y fideo cynta i siarad am y lockdown ac os oes unrhyw un ishe siarad am y pryder, unrhyw beth gallwn ni neud i helpu o fewn ein gallu yna byddwn ni yna."

Ychwanegodd fod yr ymateb wedi bod yn anhgoel.

"Fe ddoth y Batman wedyn, a meddwl am y plant, mae'n anodd i'r plant dy' nhw ddim yn dallt beth sydd yn mynd ymlaen.

"Mae o'n neis ofnadwy y petha positif allan o hyn i gyd, stopio i siarad, a cardiau hyd yn oed yn dod i ni i ddiolch i ni am godi calonnau.

Ffynhonnell y llun, Wayne Evans a Ceri Owen

Heddlu Gogledd Cymru

BBC Radio Wales

Gallai cynnydd yn nifer staff y GIG sy'n profi'n bositif am coronafeirws fod yn heriol iawn i'r gwasanaeth.

Dyna meddai Dr Giri Shankar o Iechyd Cyhoeddus Cymru ar Radio Wales y bore 'ma, gan ychwanegu bod tua 40% o'r gweithwyr iechyd sy'n cael prawf yn profi'n bositif, gan gynnwys rhai heb symptomau neu symptomau bach iawn.

"Nid pawb sy'n cael yr haint fydd yn diodde' goblygiadau difrifol," meddai. "Ond yn amlwg os yw'r canran sy'n profi'n bositif yn mynd yn uwch ac yn uwch, fe fydd yn fwy heriol.

"Rhaid i ni gadw golwg fanwl i sicrhau nad yw'r gyfradd heintio'n codi."

Mae prawf cyflym ar gyfer Covid-19 wedi'i ddatblygu gan wyddonwyr ym Mhrifysgol De Cymru.

Gallai'r prawf newydd gael ei ddefnyddio mewn cartrefi gofal yn ardal bwrdd iechyd Cwm Taf Morgannwg o fewn yr wythnosau nesaf.

Ffynhonnell y llun, PA Media

Heddiw yw diwrnod agor Ysbyty Calon y Ddraig - yr ysbyty dros dro sydd wedi'i sefydlu yn Stadiwm Principality i ddelio gyda chleifion ychwanegol COVID-19 yn y brifddinas.

Mae Comisiynwyr Heddlu a Throsedd Cymru wedi bod yn trafod ymestyn y cyfyngiadau coronafeirws a gohirio dathliadau 75 mlynedd VE Day.

Mae Arfon Jones - Comisiynydd y Gogledd - yn galw am estyniad pellach o wythnos ar ben y tair wythnos presennol. Mae ef a chomisiynwyr eraill Cymru eisoes wedi trafod y mater gyda Llywodraeth Cymru ac fe fyddan nhw'n ceisio cael cefnogaeth Gweinidog Plismona'r DU, Kit Malthouse, mewn cyfarfod ddydd Iau.

Twitter

Mae arweinydd Cyngor Sir Ynys Môn wedi ysgrifennu at yr Ysgrifennydd Trafnidiaeth, Grant Shapps, ac Ysgrifennydd Cymru, Simon Hart, i fynegi ei phryder am ddyfodol porthladd Caergybi.

Yn ei llythyr dywedodd y Cynghorydd Llinos Medi bod coronafeirws yn cael effaith ddifrifol ar weithrediadau'r ddau gwmni fferi sydd yno - Stena Line ac Irish Ferries.

"Fel ail borthladd ro-ro mwyaf y DU - gyda mwy na miliwn o gerbydau y flwyddyn - ni ellir tan amcangyfrif pwysigrwydd Caergybi i Gymru a'r DU," meddai.

"Mae llywodraeth Iwerddon eisoes wedi darparu cefnogaeth dros dro ar gyfer cysylltiadau morol strategol."

Ffynhonnell y llun, LDRS

The Leader

Mae'r Wrexham Leader yn arwain gyda stori am gyn filwr o Abertawe sydd wedi gorfod hunan ynysu ar ynys.

Roedd Chris Lewis o Abertawe ar ganol taith gerdded o gwmpas Prydain pan ddaeth mesurau arbennig i rym, ac roedd wedi cyrraedd Shetland, Yr Alban.

Cafodd ganiatad i ddefnyddio bwthyn ar ynys gyfagos Hildasay i hunan ynysu, ac yno mae o fyth ers hynny.

BBC Radio Cymru

Twitter

Gydago leiaf dair wythnos arall o ddysgu adref ar y gorwel i rieni ar draws Prydain, mae BBC Cymru yn lansio arlwy addysg newydd ar gyfer plant ysgol 3-14 oed.

Nia Davies pennaeth cynhyrchiadau addysg BBC Cymru sydd wedi bod yn son am wasanaeth ac arlwy newydd Bitesize ar Post Cynta bore ma.

“Mae hi wedi bod yn glamp o dasg ond yn her sydd wedi bod yn werth chweil.

“'Da ni yn cefnogi disgyblion o’r cyfnod sylfaen reit fyny at flwyddyn 10. Bydd gwersi dyddiol ar ein gwefan Bitesize ni - gan ddechrau cyhoeddi nhw o 09:00 bore ma, a pynciau craidd yr wythnos hon a’r wythnos nesaf ymlaen fe fydd yna wersi ychwanegol - hanes, daearyddiaeth - yn cael eu hychwanegu a’r gwasaneth yn cynyddu wrth i ni fynd o un wythnos i’r llall.

“Bydd cynnwys yn ymddangos ar bbc iplayer hefyd yn Gymraeg."

Rhybudd bod gweithwyr rheng flaen o gefndiroedd ethnig "yn siŵr o farw" os na fydd newid.

BBC Cymru Fyw

Mae'n fore Llun, 20 Ebrill, a croeso i'n llif byw arbennig.

Rhwng nawr a 18:00 heno fe gewch chi'r newyddion diweddaraf am coronafeirws yng Nghymru a thu hwnt.

Bore da i chi.