Mae Llywodraeth Cymru am glywed barn y cyhoedd am y ffordd orau ymlaen pan fydd yr argyfwng coronafeirws drosodd yng Nghymru.

Dilynwch y cyfarwyddiadau isod.

Cynulliad Cenedlaethol Cymru

Fyddai "dim gwerth" profi pawb mewn cartref gofal, medd y Prif Weinidog Mark Drakeford.

Wrth ymateb i arweinydd y Ceidwadwyr, Paul Davies, mewn cyfarfod rhithwir o'r Senedd dywedodd Mr Drakeford: "Y rheswm ry'n ni ddim yn cynnig profion i bawb mewn cartrefi gofal... yw oherwydd bod tystiolaeth glinigol yn dweud wrthym nad oes gwerth mewn gwneud hynny.

"Bydden yn profi pobl heb symptomau, heddiw - ond i hynna fod yn neges ddibynadwy iddyn nhw, byddai rhaid profi eto fory.

"Oherwydd mae modd mynd o beidio cael symptom i gael symptomau mewn 24 awr.

"Byddai defnyddio'r capasiti sydd gennym yn y ffordd yna yn dargyfeirio o fan lle mae'n werth gwneud hynny.

"Ry'n yn gweithio gyda'r sector cartrefi gofal i ystyried system brofi ehangach mewn cartrefi lle mae haint coronafeirws yn amlwg yn bresennol."

Dywedodd Mr Drakeford hefyd bod nifer y profion dyddiol sydd ar gael bellach wedi codi i 2,100. Ddiwedd wythnos ddiwethaf roedd y nifer yn 1,800.

Ffynhonnell y llun, Getty Images

ITV Cymru

Wedi i lywodraeth y DU hepgor porthladd Caergybi o becyn cymorth gwerth £17m i'r diwydiant llongau fferi oherwydd yr argyfwng coronafeirws, mae Ysgrifennydd Cymru wedi cyhoeddi adolygiad o'r penderfyniad, medd ITV Cymru.

Dywedodd Simon Hart nad oedd y penderfyniad "wedi troi allan fel y dylai" a bod hyn yn ganlyniad o ddryswch rhwng y llywodraethau yn San Steffan a Bae Caerdydd.

Gyda Iechyd Cyhoeddus Cymru'n cadarnhau bod 73 o farwolaethau gyda coronafeirws wedi'u cofnodi yng Nghymru yn y 24 awr diwethaf, dyma'r map sy'n dangos faint sydd wedi marw ymhob ardal fesul bwrdd iechyd.

Twitter

Mae’r Democratiaid Rhyddfrydol yn galw ar Lywodraeth Cymru i roi cyfran o’r arian maen nhw yn gwario ar hysbysebion iechyd cyhoeddus tuag at sefydliadau newyddion a phapurau lleol.

Yn sgil y pandemig mae lleihad mewn gwerthiant a diffyg hysbysebion yn golygu bod llawer o’r diwydiant yn dioddef.

Yn ôl Jane Dodds mae'n gyfle i'r llywodraeth rhoi mwy o wybodaeth iechyd i'r cyhoedd wrth gefnogi'r diwydiant newyddion lleol.

Cynulliad Cenedlaethol Cymru

Yn ystod cyfarfod llawn o'r Senedd, dywedodd y Prif Weinidog, Mark Drakeford, wrth ACau "am y tro cyntaf, ry'n yn agos at fod yn cynnal ein hunain o ran gwneud gwisgoedd i staff meddygol - erbyn wythnos nesaf fe fyddwn yn gwneud 5,000 o wisgoedd yr wythnos."

"Ry'n wedi bod yn gweithio," meddai, "gydag Alexandra, cwmni o'r DU sy'n cyflenwi scrubs i'r GIG a gyda thri busnes a mentrau cymdeithasol o Gymru.

"Mae dau o'r busnesau yn y gogledd a'r trydydd yn ffatri yng Nglyn Ebwy - ffatri a grewyd o'r newydd gennym mewn partneriaeth â menter gymdeithasol - mae'r busnes yma wedi creu 15 o swyddi gwnïo."

Ychwanegodd nad yw pob cynnig o gymorth wedi bod yn rhai diffuant.

"Mae pob cynnig yn cael ei ymchwilio gan ein harbenigwyr mewn Labordy Arbrofi ym Mhenybont-ar-Ogwr - ac y mae un o bob pump cynnig yn ddibynnol ar dystysgrifo anghywir neu'n ffug.

"Mae gwirio pob cais yn cymryd amser ac yn cyfeirio sylw di-angen oddi ar bosibiliadau niferus llawn bwriad da," ychwanegodd.

Mae canolfan brofi gyrru-drwodd Llandudno wedi agor heddiw.

Bydd un arall yn agor yfory yng Nghaerfyrddin.

Dyma luniau o ganolfan y gogledd.

Iechyd Cyhoeddus Cymru

Mae Iechyd Cyhoeddus Cymru wedi diweddaru yr ystadegau, ac maen nhw'n dangos fod 73 o farwolaethau yn rhagor wedi eu cofnodi o bobl gyda coronafeirws yng Nghymru.

Bellach mae cyfanswm o 886 wedi marw gyda'r haint, ond dyw'r ffigwr ddim o reidrwydd yn cynnwys marwolaethau yn y gymuned neu gartrefi gofal, felly gally y gwir ffigwr fod yn sylweddol uwch.

Cofnodwyd hefyd fod 117 o achosion newydd o Covid-19 wedi eu cofnodi yng Nghymru gan fynd â'r cyfanswm yng Nghymru i 9,629.

Mae Iechyd Cyhoeddus Cymru'n cydnabod bod y gwir ffigwr yn sylweddol uwch na hynny.

Cynulliad Cenedlaethol Cymru

Ar ddechrau cyfarfod llawn o'r Senedd mae'r Gweinidog Iechyd yn ymddiheuro yn dilyn ei sylwadau wedi'r cyfarfod wythnos ddiwethaf.

Dywedodd ei fod eisoes wedi siarad â'i gyd-aelod Llafur, Jenny Rathbone, a'i fod yn ymddiheuro i'r Cynulliad a'r Llywydd.

Yr hyn sy'n bwysig nawr, meddai, yw ymddwyn mewn ffordd briodol a symud ymlaen.

Heddlu Gogledd Cymru

Mae Heddlu’r Gogledd yn rhybuddio pobl i beidio prynu anifeiliaid ar y we heb fynd i’w gweld yn gyntaf. Yn sgil y pandemig mae rhai yn ceisio gwerthu anifeiliaid trwy anfon lluniau yn unig.

Mae’r prynwr wedyn yn cael eu perswadio i dalu o flaen llaw ond dwy’r anifail anwes byth yn cyrraedd. Yn ôl yr heddlu maen nhw wedi cael nifer o adroddiadau o’r twyll yma'n digwydd.

Cynulliad Cenedlaethol Cymru

Mae modd dilyn yr hyn a fydd yn digwydd yn y Senedd prynhawn 'ma drwy edrych ar y fideo ar frig y dudalen hon.

Ond hefyd fe ddown â'r pytiau diweddaraf i chi gydol y prynhawn.

Bydd panel o arbenigwyr allanol yn helpu sicrhau adferiad yr economi a gwasanaethau cyhoeddus.

Mae'r erthygl isod yn trafod sut y mae Covid-19 yn gallu taro unrhyw un, ond yn cael effaith gwahanol iawn ar rai.

Mae un o weithwyr y gwasanaeth ambiwlans yng Nghymru wedi disgrifio ei "balchder” o fod yn rhan o gân sydd yn talu teyrnged i ymdrechion un dyn arbennig.

Roedd Jessica Griffiths yn un o’r rhai wnaeth berfformio 'You’ll Never Walk Alone', oedd yn rhif 1 yn y siartiau.

Mae’r gân yn deyrnged i ymdrechion Capten Tom Moore sydd wedi codi £25m i’r gwasanaeth iechyd trwy gerdded 100 gwaith o gwmpas ei ardd.

Roedd clywed y gân, sydd yn cael ei chanu gan Michael Ball a NHS Voices of Care Choir, yn “foment emosiynol” meddai Jessica.

Ffynhonnell y llun, PA Media

Llywodraeth Cymru

Cadarnhaodd Mr Miles y bydd panel adferiad ymgynghorol Llywodraeth Cymru yn cynnal cyfarfod rhithwir am y tro cyntaf ddydd Gwener.

Wrth drafod yr aelodau - gan gynnwys Gordon Brown - dywedodd: "Bydd y panel yn caniatau i ni glywed lleisiau o'r tu allan i Gymru - a thu allan i'r DU - i ddod â pherspectifau gwahanol a herio'n gwaith."

Bydd cyfarfod dydd Gwener, meddai, yn canolbwyntio ar effaith Covid-19 ar yr economi, pobl fregus a dyfodol gwasanaethau cyhoeddus a'r amgylchedd.

Llywodraeth Cymru

Dywedodd Mr Miles: "Rydym yn awyddus i gadw'r dull pedair cenedl y DU i ddelio gyda hyn. Dyna'n blaenoriaeth.

"Yn hytrach na ceisio torri ein cwys ein hunain ar ddileu lockdown, fe wnaethon ni gyhoeddi ein cynlluniau er mwyn ceisio siapio'r drafodaeth ar draws y DU."

Llywodraeth Cymru

Wrth ateb cwestiwn am brofion Covid-19 yng Nghymru, dywedodd Jeremy Miles fod profion yn cael eu hymestyn yng Nghymru.

"Bydd canolfannau yn Llandudno a Chaerfyrddin yn agor yr wythnos yma ac fe fydd profion yn cael eu hymestyn i weithwyr allweddol yng Nghaerdydd a Chasnewydd i ddechrau ond yna i weddill Cymru yn ddiweddarach.

"Bydd profion yn y cartref yn dilyn yn ddiweddarach, ond mae ein polisi profi ar hyn o bryd yn dilyn cyngor meddygol."

Llywodraeth Cymru

Y Cwnsler Cyffredinol, Jeremy Miles fydd yn arwain y gynhadledd heddiw.