Wales Online

WalesOnline sy'n adrodd am bobl aeth yn sownd yn tywod...

Cyn i chi deimlo gormod drostyn nhw, roedden nhw wedi gyrru o Henffordd i Ddinbych-y-pysgod yn Sir Benfro i wersylla!

Caerdydd yn llosgi gwastraff ailgylchu, a siroedd eraill yn gweld cynnydd ym maint y gwastraff.

Cyngor Celfyddydau Cymru

Prifysgol Cymru Y Drindod Dewi Sant

Yn yr erthygl yma ar wefan Prifysgol Cymru y Drindod Dewi Sant, mae'r anthropolegydd Dr Luci Attala yn ystyried y posibilrwydd na fydd bywyd byth run fath ar ddiwedd y pandemig coronafeirws.

Iechyd Cyhoeddus Cymru

Cyhoeddodd Iechyd Cyhoeddus Cymru eu bod wedi cofnodi 17 yn rhagor o farwolaethau pobl gyda coronafeirws yng Nghymru.

Bellach mae cyfanswm o 925 wedi marw yma, ond gallai'r gwir ffigwr fod yn uwch na hynny.

Cofnodwyd bod 160 o achosion newydd o Covid-19 wedi eu cadarnhau yng Nghymru ond, unwaith eto, gallai'r gwir ffigwr fod yn uwch.

Hyd yma mae 9,972 o bobl wedi cael cadarnhad eu bod wedi'u heintio gyda coronafeirws yma.

Y Prif Weinidog hefyd yn dweud fod yn rhaid i'r cyhoedd deimlo'n saff cyn gallu ailagor cyfleusterau.

Cyngor Ynys Môn

Daeth rhybudd gan Gyngor Sir Ynys Môn wedi i nifer yr achosion o Covid-19 a gofnodwyd ar yr ynys ddyblu mewn pythefnos.

Ar 17 Ebrill roedd 39 o achosion yno, ond erbyn ddoe roedd y ffigwr yn 81.

Dywedodd cyngor yr ynys na ddylai pobl gael eu temptio i dorri rheolau, a bod y cynnydd yn rhybudd i bobl beidio llaesu dwylo.

Urdd Gobaith Cymru

Mae’n anodd osgoi fflyd o bostiadau gan enwogion, a phobl a phlant o bob oed a yn gwisgo lliwiau’r Urdd ar Ddiwrnod Coch Gwyn a Gwyrdd yr Urdd heddiw.

Bwriad y diwrnod yw codi arian ar gyfer Llamau, prif elusen ddigartrefedd Cymru ar gyfer pobl ifanc a merched mewn sefyllfaoedd bregus.

A hithau ddim ond yn ganol bore mae tudalen JustGiving yr ymgyrch wedi cyrraedd bron i 80% o’r darged a chefnogaeth anhygoel gan gynnwys y gantores Elin Fflur.

Ffynhonnell y llun, Urdd Gobaith Cymru

Mae'r ystadegau diweddaraf gan y Swyddfa Ystadegau Gwladol yn dangos bod cyfrany bobl sy'n marw gya coronafeirws yn uwch yn yr ardaloedd lleiaf breintiedig yng Nghymru.

Roedd yr amrywiaeth yn eang, gyda 44.6 o farwolaethau am bob 100,000 person yn yr ardaloedd lleiaf breintiedig ond dim ond 23.2 yn yr ardaloedd mwy llewyrchus.

Llywodraeth Cymru

Dywedodd Mr Drakeford: "Ry'n ni'n ystyried pob rhan o Gymru wrth gwrs, ac ry'n ni'n meddwl am ardaloedd yn benodol mewn lle sydd efallai heb gyrraedd y brig.

"Dwi ddim yn sicr os fydd 'peak' yn dod yn y gogledd a'r gorllewin - ni wedi cyrraedd sefyllfa lle mae'n bosib na fydd peak yn digwydd yn yr un ffordd ag y gwnaeth e yn y de ddwyrain.

"Ni wedi cyrraedd pwynt lle ni'n cynllunio ar gyfer pob rhan o'r wlad."

Llywodraeth Cymru

Wrth ateb cwestiwn amdrin cleifion sydd ddim gyda coronafeirws, dywedodd Mr Drakeford: "Rwy'n awyddus i weld y Gwasanaeth Iechyd yn troi at y gwaith arferol o drin clefydau eraill.

"Mae'r wir ein bod wedi llwyddo i ddod drwy'r cyfnod cyntaf yma o coronafeirws heb i'r GIG gael ei orlethu, ond mae'n bwysig ein bod yn sicr bod y gallu yn dal yn y system i ddelio gyda Covid-19 yn y dyfodol cyn y gall pethau fynd yn ôl i fel oedden nhw."

Llywodraeth Cymru

Gofynnodd Mark Hutchings o BBC 5Live i Mr Drakeford a oedd y ffaith bod mwy o bobl ar y palmentydd a'r ffyrdd yn arwydd fod y cyfyngiadau yn datod eu hunain cyn iddyn nhw gael ei codi.

Atebodd Mr Drakeford: "Na.. mae'r adroddiadau yr ydw i'n eu cael gan heddluoedd yn dweud bod peth treulio ar yr ymylon, ond yn sicr dydyn nhw ddim yn datod."

Llywodraeth Cymru

Dywedodd Mark Drakeford: "Mewn mwy na hanner y cartrefi gofal yng Nghymru, does neb - staff na thrigolion - yn dangos unrhyw symptomau, a'r cyngor sydd gennym yw nad yw cynnal profion yno yn ddefnydd da o adnoddau.

"Mewn cartrefi lle maerhai yn dangos symptomau a rhai ddim, mae yna bwrpas i gynnal profion, ac rydym yn gwneud hynny."

Llywodraeth Cymru

Dywedodd Mr Drakeford y byddai mwy o brofion coronafeirws yn cael eu gwneud wrth symud ymlaen i'r cam nesaf tuag at godi gwaharddiadau.

Dywedodd ei fod wedi gofyn i Iechyd Cyhoeddus Cymru i lunio cynllun ar gyfer profion ac olrhain cysylltiadau pobl sydd gyda'r feirws.

Llywodraeth Cymru

Aeth Mr Drakeford ymlaen i alw ar lywodraeth y DU i beidio mynnu treth ar y taliad ychwanegol, gan olygu y byddai gweithwyr gofal yn cael cadw'r swm cyfan.

Ychwanegodd: "Rydym yn annog llywodraeth y DU a Chyllid a Thollau Ei Mawrhydi i wneud eithriad yn yr amgylchiadau wirioneddol neilltuol yma."

Llywodraeth Cymru

Bydd Llywodraeth Cymru'n talu am daliad ychwanegol o £500 i bob gweithiwr gofal cymdeithasol yng Nghymru, medd Mr Drakeford.

Bydd y taliad ar gael i tua 64,600 o weithwyr mewn cartrefi gofal a gofalwyr cymdeithasol eraill ar draws Cymru.

Dywedodd Mr Drakeford: "Mae degau o filoedd o bobl sy'n gweithio yn y maes gofal cymdeithasol yn gofalu am y bobl mwyaf bregus yn ein cymunedau... yn aml mewn amgylchiadau heriol.

"Rwyf am iddyn nhw wybod ein bod yn gwerthfawrogi ac yn cydnabod eu gwaith."

Llywodraeth Cymru

Dr Ifan Morgan Jones sy'n trafod datganoli, democratiaeth a'r wasg

golwg360

Mae Golwg 360 yn adrodd fod Cymru “mewn perygl mawr” o golli ei ffatrïoedd a’r holl swyddi yn y sectorau cynhyrchu, yn ôl pennaeth undeb., dolen allanol

Daeth y rhybudd gan Peter Hughes, ysgrifennydd Unite yng Nghymru, wrth iddo roi tystiolaeth i Bwyllgor Economi’r Cynulliad.