Twitter

Mae trefnwyr gŵyl y Big Tribute Festival yn Aberystwyth wedi cyhoeddi eu bod yn gohirio am eleni.

Dyma'r ŵyl fwyaf i artistiaid dynwared - tribute acts - yn y DU.

Bydd tocynnau eleni yn ddilys ar gyfer yr ŵyl yn 2021, neu mae modd cael ad-daliad os na fyddwch yn medru mynd y flwyddyn nesaf.

Ffynhonnell y llun, Big Tribute

golwg360

Mae Golwg 360 yn adrodd fod arbenigwr ar garchardai wedi dweud ei bod yn “hynod o gywilyddus” bod nifer y carcharorion yng Nghymru wedi cynyddu,, dolen allanol a hynny ar adeg pan mae’r nifer wedi gostwng yn Lloegr oherwydd ofnau am ledaenu Covid-19 mewn llefydd cyfyng.

Wrth i ddisgyblion ysgol yng Nghymru orfod addasu i ffordd newydd o ddysgu ar hyn o bryd, mae BBC Bitesize wrth eu bodd yn gweld eich lluniau chi!

Twitter

Twitter

Twf yn nifer y dysgwyr ar gyrsiau'r Brifysgol Agored, gyda chwrs Cymraeg y mwyaf poblogaidd.

Mae nyrs fu'n hyfforddi nyrsus eraill i weithio mewn unedau gofal dwys yn ysbytai'r gogledd yn cyfadde' y gall gweithio yno fod yn "frawychus iawn".

Roedd Naomi Jenkins yn nyrs gofal dwys am 10 mlynedd cyn troi'r ddarlithydd ym Mhrifysgol Bangor, ac fe wnaeth weithio ar gwrs a sefydlwyd yn dilyn apêl am weithwyr ychwanegol i'r Gwasanaeth Iechyd.

Bellach mae Ms Jenkins wedi hyffordd 170 o nyrsus ychwanegol i weithio mewn unedau gofal dwys, gan ddyblu nifer y nyrsus critigol sydd ar gael yn ystod y pandemig.

Dywedodd fod gweithio mewn unedau o'r fath yn gallu bod yn "frawychus dros ben" gan fod pethau'n newid yn gyflym a bod "bywyd rhywun yn eich dwylo chi".

Ffynhonnell y llun, Prifysgol Bangor

Canslo'r ŵyl, oedd i fod i gael ei gynnal y penwythnos hwn, yn ergyd i economi'r dref.

Llywodraeth Cymru

Mae Julie Morgan, y Dirprwy Weinidog Iechyd a Gwasanaethau Cymdeithasol, ac arbenigwyr o sefydliadau plant blaenllaw wedi rhyddhau datganiad ar y cyd sy’n cynnwys rhestr o bump o wasanaethau sy’n parhau i gynnig cymorth yn ystod y cyfnod hwn.

• 1. Ffoniwch 101 - Os ydych yn poeni am blentyn neu berson ifanc yn eich teulu neu yn eich cymuned, ffoniwch 101.
• 2. Meic Cymru - Mae gwasanaeth llinell gymorth Meic i blant a phobl ifanc hyd at 25 oed yng Nghymru yn parhau i fod ar gael yn ystod y cyfnod o gyfyngiadau ar symud yn sgil coronafeirws. Gallwch ffonio rhadffôn 080880 23456, anfon neges destun at 84001 neu fynd i meiccymru.org.
• 3. Yr NSPCC - Mae llinell gymorth yr NSPCC yn parhau i roi cymorth i oedolion sy’n bryderus am blentyn neu berson ifanc. Mae amryw o adnoddau ar gael yn nspcc.org.uk/coronavirus. Gallwch hefyd ffonio 0808 800 5000 neu anfon e-bost at help@nspcc.org.uk, dolen allanol.
• 4. Childline - Mae Childline yn dal i fod yno ar gyfer plant, ar lein neu ar ben arall y ffôn ar unrhyw adeg. Gallwch ffonio 0800 1111, rhwng 9am a 12am neu e-bostio drwy’r wefan childline.org.uk
• 5. Llywodraeth Cymru - Mae Llywodraeth Cymru wedi sefydlu gwefan bwrpasol ar gyfer diogelu sy’n rhoi cymorth i blant a phobl ifanc yn ystod argyfwng coronafeirws.

Mae’r wefan yn esbonio beth allwch chi ei wneud os ydych yn amau bod rhywun mewn perygl o ddioddef niwed, camdriniaeth neu esgeulustod, a sut i roi gwybod am eich pryderon ar-lein.

Twitter

Cynnydd o dros 20% wedi bod mewn defnydd wythnosol ers dechrau'r cyfyngiadau.

Traffig Cymru

Y trefnwyr yn siomedig, ond yn dweud fod "iechyd y gynulleidfa ac artistiaid yn bwysicach".

Heddlu De Cymru

Mae Heddlu'r De yn chwilio am ddyn wedi digwyddiad lle cafodd teulu ifanc eu bygwth a'u ci ei anafu.

Roedd dyn ar feic modur ar lwybr cerdded cul ger Pentyrch brynhawn Llun, 27 Ebrill. Roedd y teulu'n cerdded ar y llwybr.

Fe wnaeth y gyrrwr weiddi'n ymosodol ar y teulu a gyrru heibio'n gyflym gan daro'r ci, ond yn ffodus doedd dim angen llawdriniaeth ar yr anifail wedi iddo gael ei archwilio gan filfeddyg.

Ffynhonnell y llun, Heddlu Du Cymru

BBC Radio 4

Ni ddylai'r cyfyngiadau ar symudiadau yn y DU gael eu codi tan fod y pedair gwlad yn barod, medd Prif Weinidog Cymru.

Ar raglen Today ar BBC Radio 4, dywedodd Mark Drakeford: "Fe aethon ni i mewn i lockdown gyda'n gilydd ar yr un termau, ar yr un diwrnod, ac fe hoffwn i weld ni'n dod allan ar yr un sail.

"Rhaid i ni fod yn rhan o'r cynllun er mwyn iddo fod yn effeithiol, ac mae angen i bobl weld y cynllun fel eu bod nhw'n hyderus y bydd yn gweithio iddyn nhw."

BBC Radio Wales

Bu aelod seneddol Plaid Cymru dros Ddwyfor Meirionnydd, Liz Saville Roberts yn siarad ar Radio Wales y bore 'ma wedi iddi ddod i'r amlwg bod fferyllydd yn y gogledd wedi cael cais gan feddyg teulu o Loegr i gyflenwi cyffur i glaf oedd mewn ail gartref.

Dywedodd Ms Saville Roberts: "Mae gennym bryderon go iawn gyda phobl sy'n dal i ddod yma er gwaetha'r rheolau.

"Fe wnaeth y fferyllydd ddarparu'r cyffur. Roedd y person eisoes wedi cyrraedd ei ail gartref ac yn hunan ynysu, felly doedd dim llawer y gallai'r heddlu wneud.

"Does gan yr awdurdodau ddim y grymoedd i warchod ein cymunedau. Mae pobl yn yr ardal yn bryderus iawn am bobl sy'n dod yma i aros mewn ail gartrefi."

Cleifion yng Nghymru wedi cofrestru ar gyfer treialon i ddod o hyd i gyffuriau i daclo coronafeirws.