Mae gweinidog iechyd Cymru, Vaughan Gething wedi datgan ei siom o gael gwybod fod papur newydd The Sun yn bwriadu cyhoeddi llun ohono a'i deulu, a gafodd ei dynnu dros y penwythnos.

Dywedodd Mr Gething ei fod wedi gwneud "popeth o fewn y rheolau".

Fe anfonodd y trydariad isod ychydig funudau cyn wynebu'r wasg yng nghynhadledd ddyddiol Llywodraeth Cymru am 12:30 heddiw.

Cau canolfannau theori gyrru Cymru yn 'rhwystredigaeth' i weithwyr allweddol ac oedi hir am brofion.

Bydd cynllun 'furlough' Llywodraeth y DU i dalu cyflogau gweithwyr oherwydd coronafeirws yn cael ei ymestyn i fis Hydref, meddai’r Canghellor Rishi Sunak.

Dywedodd fod y llywodraeth yn cefnogi gweithwyr a chwmnïau i fynd i mewn i'r 'lockdown', ac y byddan nhw'n eu cefnogi i ddod allan.

Cadarnhaodd Mr Sunak y bydd gweithwyr yn parhau i dderbyn 80% o'u cyflog misol hyd at £2,500.

Ond dywedodd y bydd y llywodraeth yn gofyn i gwmnïau "ddechrau rhannu" cost y cynllun o fis Awst ymlaen.

Dros Ginio
BBC Radio Cymru

Mae modd gwrando yn fyw yma ar BBC Sounds

Llywodraeth Cymru

Yn ôl y gweinidog iechyd roedd capasiti profion ar gyfer coronafeirws yng Nghymru wedi cynyddu i 5,330.

Dywedodd fod dau ganolfan gyrru trwodd arall wedi eu hagor - un yn Abertawe a'r llall yn Abercynon.

Bellach mae yna wyth o ganolfannau yng Nghymru.

"Erbyn dydd Sul roeddem wedi cynnal dros 49,500 o brofion yng Nghymru, ar ychydig dros 42,000 o bobl," meddai,

"O'r rhain, roedd ychydig dros 11,000 yn bositif. Roedd 124 o brofion positif yn y cyfnod 24 awr ddiwethaf."

Llywodraeth Cymru

Dywed Mr Gething nad yw’n credu bod cau’r ffin rhwng Cymru a Lloegr i atal pobl rhag torri cyfyngiadau Cymru yn “opsiwn go iawn”.

Mae rheolau wedi cael eu llacio yn Lloegr, sy'n golygu y gall pobl "yrru i lefydd eraill" ond yng Nghymru ni all pobl deithio "pellter sylweddol" o'u cartref.

Dywedodd y gweinidog iechyd wrth newyddiadurwyr: "Dwi ddim yn credu bod cau'r ffin yn opsiwn go iawn.

"Efallai y bydd yn creu penawdau ond nid yw mewn gwirionedd yn ein helpu ni o gwbl."

Dywedodd Mr Gething y byddai'n rhaid codi rheolaethau ffiniau ac "nid wyf yn siŵr bod gennym y pwerau i wneud hynny".

"Yr hyn sy'n wirioneddol bwysig yw plismona a gorfodi'r deddfau, y rheoliadau," ychwanegodd.

Llywodraeth Cymru

Yn ôl Mr Gething, mae yna waith helaeth yn cael ei wneud yng Nghymru "er mwyn ceisio deall coronafeirws yn well" ac er mwyn datblygu triniaethau.

Yn ystod cynhadledd ddyddiol y wasg, dywedodd fod 1,200 o bobl yng Nghymru yn cymryd rhan mewn "astudiaethau iechyd cyhoeddus brys" ar gyfer coronafeirws.

Ychwanegodd fod y gwaith ymchwil yn cynnwys triniaethau newydd, beth yw'r ffactorau risg, a'r hyn sy'n gwneud rhai pobl yn fwy tebygol o ddatblygu'r feirws.

Dywedodd fod gwaith ymchwil ym Mhrifysgol Bangor yn ceisio dyfalu pryd bydd y feirws yn cynyddu mewn gwahanol ardaloedd.

Roedd y gwaith yna ar y cyd gyda Dŵr Cymru a United Utilities, meddai.

Llywodraeth Cymru

Yn y gynhadledd ddyddiol i'r wasg, dywed y gweinidog iechyd nad yw cyngor Llywodraeth Cymru yn argymell y dylai pawb wisgo masgiau wyneb.

Dywedodd Vaughan Gething fod Prif Swyddog Meddygol Cymru, Dr Frank Atherton, wedi ystyried yr holl dystiolaeth ac wedi trafod gyda Phrif Swyddogion Meddygol eraill y DU.

"Nid yw [Dr Atherton] yn argymell y dylai pawb fod yn gwisgo masgiau wyneb; mae'n credu y dylai hwn fod yn fater o ddewis personol," meddai.

Ychwanegodd Mr Gething y byddai Dr Atherton yn nodi’r rhesymau dros hyn - gan gynnwys rhai pethau defnyddiol i bobl feddwl amdanyn nhw os ydyn nhw’n ystyried gwisgo gorchudd wyneb anghlinigol - mewn datganiad yn ddiweddarach heddiw.

Mae Canghellor y DU, Rishi Sunak wedi cyhoeddi bydd cynllun 'furlough' y llywodraeth yn cael ei ymestyn tan ddiwedd mis Hydref.

Cyngor Sir Conwy

Mae Cyngor Conwy wedi darparu uned ddiwydiannol ar Barc Busnes Morfa Conwy i helpu cwmni sy’n cynhyrchu cemegau glanhau ar gyfer gweithwyr y rheng flaen.

Mae Chemsol Cymru wedi arallgyfeirio eu cynnyrch arferol i sefydlu llinell gynhyrchu ar gyfer hylif diheintio dwylo ar gyfer gweithwyr y gwasanaeth iechyd, yr heddlu, y gwasanaeth tân a chyfleusterau gofal.

Dywedodd Nick Lewis o Chemsol: “Roeddem yn gallu addasu llinell gynhyrchu newydd yn gyflym ar gyfer cynhyrchu’r cynnyrch newydd hwn.

"Nid oedd ein warws ac uned yn gallu darparu’r lle storio a phecynnu ychwanegol yr oedd ei angen arnom.

"Felly aethom at y cyngor i weld os oedd ganddyn nhw unrhyw le storio ar gael.”

Mae'r Daily Post yn adrodd bod cynnydd o 88% mewn tipio anghyfreithlon yn ystod y cyfnod o fesurau llymach.

Llai o farwolaethau Covid-19 yng Nghymru na'r wythnos gynt, ond y cyfanswm yn cyrraedd 1,641.

Dywed Llywodraeth Cymru bod disgwyl y gallai rhai clybiau golff ailagor yng Nghymru ar gyfer "aelodau lleol".

Wrth siarad â phwyllgor Diwylliant, Iaith a Chyfathrebu’r Senedd, dywedodd cyfarwyddwr adran Diwylliant, Chwaraeon a Thwristiaeth Llywodraeth Cymru, Jason Thomas: "Esboniad cyfreithiol yw nad yw cyrsiau golff yn cael eu cynnwys ar y rhestr o fusnesau neu sefydliadau y mae’n rhaid iddyn nhw aros ar gau - nid ydyn nhw erioed wedi bod ar y rhestr honno."

Ffynhonnell y llun, Getty Images

Ychwanegodd: “Mae mesurau eraill sydd mewn grym wedi cyfyngu ar allu’r clybiau i agor - mesurau teithio ac ati, felly rydym wedi egluro hyn ar wefan Llywodraeth Cymru. Oes rhaid eu cau? Na. Yn gyfreithiol does dim rhaid eu cau.

"Rydym wedi egluro ein bod am annog pobl i wneud ymarfer corff ond ymarfer yn lleol, felly rydym yn disgwyl datganiad gan Golff Cymru yn fuan... oherwydd efallai eu bod yn bwriadu awgrymu i glybiau y gallan nhw agor fel y gallan nhw sicrhau y gall aelodau lleol chwarae."

Bydd cyrsiau golff yn cael eu hailagor yn Lloegr yfory.

Mae dau o gomisiynwyr heddlu Cymru wedi galw am gynyddu'r uchafswm dirwy ar gyfer gyrwyr sy'n torri rheolau coronafeirws.

Yn ôl Arfon Jones, Comisiynydd Heddlu a Throsedd Gogledd Cymru, fe ddylai'r uchafswm godi o £1,000 i £3,000 ar gyfer y rhai sy'n torri'r rheolau yn gyson.

Mae Mr Jones a Dafydd Llywelyn, Comisiynydd Dyfed-Powys, wedi cyhoeddi datganiad ar y cyd yn dweud y byddai dirwy o'r fath hefyd yn rhybudd i bobl o Loegr i beidio â chroesi'r ffin er mwyn hamddena.

Dywed Mr Jones fod cyhoeddiad Boris Johnson nos Sul wedi creu "dryswch llwyr".

Wrth lacio'r rheolau dywedodd Mr Johnson fod gan bobl Lloegr hawl i deithio o'u cartrefi er mwyn gwneud ymarfer corff, a hynny yn wahanol i Gymru, Yr Alban a Gogledd Iwerddon.

Ffynhonnell y llun, CHTGC

Wrth i bobl dreulio mwy o amser ar-lein, mae Heddlu Gogledd Cymru yn ein hatgoffa o bwysigrwydd diogelu plant a phobl ifanc.

Heddlu Trafnidiaeth Prydain

Dywedodd yr Uwcharolygydd Andrew Morgan, o Heddlu Trafnidiaeth Prydain yng Nghymru: “Yn dilyn y gwahaniaeth mewn rheoliadau rhwng Cymru a Lloegr, rydym yn adlewyrchu'r neges gan Brif Weinidog Cymru - ni all pobl deithio pellter sylweddol, na rhwng y ddwy wlad, ar gyfer gweithgareddau hamdden neu ymarfer corff.

"Mae hyn yn berthnasol i bob math o gludiant, gan gynnwys rheilffyrdd. Mae’r neges yn glir y dylai pawb osgoi trafnidiaeth gyhoeddus os yn bosib.

"Mae ein swyddogion allan o amgylch Cymru, gan ganolbwyntio eu hamser mewn gorsafoedd lle mae eu hangen fwyaf. Yn rhai o'r gorsafoedd prysuraf efallai y gwelwch fwy o swyddogion nag arfer. Maen nhw yno i helpu i gadw teithwyr a staff rheilffyrdd yn ddiogel - gan helpu i gael pobl i ble mae angen iddyn nhw fod yn ddiogel.

“Os nad oes angen i chi deithio ar reilffordd, yna peidiwch â gwneud hynny - ac os oes angen, rhowch ddigon o amser i'ch hun.

“Mae ein dull o blismona yn aros yr un fath. Bydd ein swyddogion yn siarad â theithwyr a staff - dim ond os bydd yn hollol angenrheidiol y byddan nhw'n defnyddio gorfodaeth."

Ffynhonnell y llun, Getty Images

Maes Awyr Caerdydd

Y newyddiadurwr Dewi Preece sydd wedi bod yn sgwrsio gyda Radio Cymru am rygbi yn Seland Newydd.

Mae disgwyl cyhoeddiad yr wythnos hon y bydd taith yr haf Cymru i wlad y Crysau Duon eleni yn cael ei gohirio.