Twitter

Twitter

Dyma fydd dan sylw'r Pwyllgor Diwylliant, y Gymraeg a Chyfathrebu yn y Senedd heddiw, ac mae modd i chi ddilyn y drafodaeth yn fyw isod:

Twitter

Mae ystadegau sydd wedi eu cyhoeddi gan y Swyddfa Ystadegau Cenedlaethol heddiw yn dangos fod 392 o farwolaethau lle'r oedd amheuaeth fod Covid-19 yn bresennol mewn cartrefi gofal yng Nghymru dros gyfnod o ddeufis, rhwng mis Mawrth a mis Mai.

Twitter

Mae'r Swyddfa Ystadegau Cenedlaethol wedi cyhoeddi'r ffigyrau diweddaraf am nifer y marwolaethau lle'r oedd Covid-19 yn bresennol yng Nghymru.

Mae'r ystadegau hyn yn cofnodi fod 1,852 marwolaeth ble'r oedd coronafeirws yn ffactor, hyd at 8 Mai - sydd yn uwch na ffigyrau Iechyd Cyhoeddus Cymru o 1,122 am yr un cyfnod.

BBC Radio Wales

2/2

Dywedodd Dr Frank Atherton ar BBC Radio Wales y bore ma fod rhai cleifion yn parhau i dderbyn gofal yn Ysbyty Calon y Ddraig, yn Stadiwm y Principality yng Nghaerdydd.

Ond nid oedd yr ysbyty maes yma'n agos at fod yn llawn meddai.

Dywedodd: "Nid ydym wedi bod angen y capasiti yna hyd yn hyn ac mae'n wir am ysbytai maes eraill yng Nghymru.

"Rydym braidd yn bryderus am be all ddigwydd yn ystod misoedd y gaeaf. Rhaid i'r capasiti yna barhau mewn lle am amser i ddod eto rhag ofn ein bod ei angen."

BBC Radio Wales

1/2

Mae Dr Frank Atherton, prif swyddog meddygol Cymru wedi bod yn siarad ar BBC Radio Wales y bore ma, gan roi diweddariad ar yr hyn sydd yn digwydd yng Nghymru.

Dywedodd y dylai unrhyw un sydd yn dangos symptomau coronafeirws wneud cais am brawf a hunan ynysu.

Y bwriad yw darparu profion i bobl gan gysylltu gyda nhw drwy neges destun meddai.

"Mae gan y prawf ddau swab - un i cefn y geg ac mae'n bwysig ei wthio mor bell yn ôl ag mae modd. Mae'r llall yn swab ar gyfer y trwyn ac maen nhw'n cael eu postio a'u asesu mewn laboradi yn Lloegr."

Mae'r ffigyrau diweithdra diweddaraf yng Nghymru yn dangos bod 4,000 yn rhagor o bobl yn ddiwaith rhwng mis Ionawr a Mawrth.

Mae'r ffigyrau ond yn cynnwys wythnos gyntaf y cyfnod clo ac mae disgwyl iddyn nhw waethygu'n ddifrifol dros y misoedd nesaf.

Roedd graddfa diweithdra Cymru yn 3.2% o gymharu â 3.9% yn y Deyrnas Unedig.

Roedd diweithdra o fis Ionawr i fis Mawrth yn 22,000 yn is na'r un cyfnod yn 2019 yng Nghymru.

O ran y darlun ehangach, fe gynyddodd diweithdra yn y DU gan 50,000 o bobl i 1.35miliwn yn y tri mis tan fis Mawrth.

Ffynhonnell y llun, Getty Images

Twitter

Mae corff sy'n cynrychioli myfyrwyr yn rhybuddio y bydd disgyblion sy'n gadael yr ysgol a graddedigion newydd yn ei chael yn anodd dod o hyd i swyddi o ganlyniad i argyfwng Covid-19.

Yn ôl y Sefydliad Cyflogwyr Myfyrwyr mae nifer y swyddi lefel mynediad wedi gostwng 23% ar draws Prydain.

Mae Alaw Davies, sydd yn ei blwyddyn olaf yn astudio hanes ac athroniaeth gwyddoniaeth yn University College London, wedi ymgeisio am nifer o swyddi sydd bellach wedi rhoi'r gorau i dderbyn mwy o geisiadau am y flwyddyn.

"Mae pethau'n edrych bach yn fwy tricky na'r arfer," meddai.

BBC Cymru Fyw

Bore da a chroeso i lif byw dyddiol BBC Cymru Fyw.

Fe fyddwn y dod a'r diweddaraf i chi o Gymru am y pandemig coronafeirws drwy gydol y dydd.