Angen gwirfoddolwyr o Gymru i brofi brechlyn newydd
Apêl gan gymunedau gwledig wrth geisio ymdopi â'r pandemig
Canfod cyffuriau, arfau ac arian yn ystod y cyfnod clo
Dros 300 o gerbydau, cyffuriau Dosbarth A ac arfau troseddol.
Dyna rai o'r pethau sydd wedi eu canfod gan heddluoedd Cymru dros yr wythnosau diwethaf wrth gynnal fwy o archwiliadau o gerbydau.
Mewn un cerbyd roedd 2kg o gocên a £30,000.
Wrth i'r heddlu gynnal patrolau Covid-19, maen nhw'n dweud bod troseddwyr yn "fwy amlwg gan fod llai o gerbydau ar y ffyrdd".
BBC Radio Wales
Bu Prif Gwnstabl Heddlu Gwent ar Radio Wales y bore 'ma i drafod y penwythnos i ddod.
Dywedodd Pam Kelly: "Mae'r mwyafrif yng Nghymru - 90-95% - yn gwrando. Dros y gŵyl banc diwethaf fe welson ni ddathliadau VE Day, a dydyn ni ddim am weld hynny'n cael ei ailadrodd.
"Ers hynny mae'r rheolau wedi newid rhwng Cymru a Lloegr. Fe fyddwn ni'n amlwg iawn ac yn atal pobl, oherwydd fedrwn ni ddim fforddio cael pobl yn dod i Gymru a lledu'r feirws pan y'n ni wedi gwneud mor dda yn atal yr ymlediad hyd yma."
Mae'r tri pharc cenedlaethol yng Nghymru wedi rhyddhau datganiad ar y cyd yn rhybuddio pobl i beidio a mentro i'r ardaloedd dros y penwythnos:
"Tra bod Cymru’n parhau i fod wedi llwyrgloi, mae pryderon yn cynyddu y bydd pobl yn anwybyddu rheoliadau ac yn ceisio cael mynediad i ardaloedd poblogaidd y Parciau Cenedlaethol dros benwythnos gŵyl y banc gan roi cymunedau gwledig bregus y parciau mewn mwy o berygl.
"Mae awdurdodau’r parciau am atgoffa holl drigolion y DU bod Cymru yn parhau i fod wedi llwyrgloi, ac mai dim ond teithiau hanfodol a ganiateir yma."
Mae Ysbyty Bryn Beryl yn gofalu am gleifion yn y gymuned
O brofion rhyngwladol am frechlyn i waith yn gofalu am gleifion yn y gymuned.
Mae ysbytai cymunedol yn chwarae rhan bwysig yn y frwydr yn erbyn Covid-19 ac maen nhw wedi gorfod addasu i ddelio hefo'r sefyllfa.
Rydyn ni wedi cael cipolwg ar y gwaith hanfodol hynny yn Ysbyty Bryn Beryl ger Pwllheli.
Ein prif stori y bore 'ma ydy'r ymgyrch i recriwtio 500 o wirfoddolwyr o Gymru er mwyn profi brechlyn newydd yn erbyn y coronafeirws.
Prifysgol Rhydychen sy'n datblygu'r cyffur, sy'n un o nifer o frechlynnau sy'n cael eu datblygu dros y byd.
Bydd y gwirfoddolwyr yng Nghymru yn gweithio ym meysydd gofal ac iechyd yn ardal Bwrdd Iechyd Prifysgol Aneurin Bevan.
Bore da a chroeso i'n llif byw fydd â'r diweddaraf am bandemig y coronafeirws yn ystod y dydd.