BBC Cymru Fyw

A dyna ni gan dîm y llif byw am heddiw ar y diwrnod

• y dywedodd y Prif Weinidog, Mark Drakeford, y gallai rhagor o gyfyngiadau gael eu llacio yng Nghymru os yw nifer yr achosion yn parhau i ostwng.

• Nodwyd hefyd y bydd pawb sydd mewn cartref gofal yn cael prawf Covid-19 erbyn dydd Gwener.

• Dangosodd arolwg bod dros hanner o blant Cymru yn poeni am waith ysgol ac mae'r rhai sy'n dysgu gyrru yn poeni nad oes eglurder am bryd y byddan nhw yn gallu sefyll eu prawf.

• Cofnodwyd tair marwolaeth arall yng Nghymru gan ddod â'r nifer swyddogol i 1,401.

Bydd y straeon diweddaraf i'w gweld ar wefan Cymru Fyw ac fe fydd y llif newyddion yn ôl bore fory.

Tan hynny - hwyl a diolch am ddarllen.

Senedd Cymru

Mae'r canllaw a'r wybodaeth ddiweddaraf am ailagor ysgolion, teithio i Gymru a mwy ar gael isod

Yn y gynhadledd newyddion yn San Steffan, dywed Ysgrifennydd Iechyd Lloegr, Matt Hancock, bod nifer y marwolaethau ac achosion o haint coronafeirws bellach ar ei isaf ond bod yn rhaid i bobl fod yn "ofalus" o hyd.

Ychwanegodd y byddai ail don o'r haint yn drychinebus - i'r cyhoedd ac i'r economi.

Llywodraeth Cymru

Daeth cyhoeddiad dros y penwythnos fod addoldai i agor yn Lloegr ar gyfer gweddi bersonol ond does yna ddim penderfyniad yng Nghymru hyd yma.

Mae tua 500 o ddeintyddion o Gymru wedi ysgrifennu at Brif Weinidog Cymru yn galw am gael ailddechrau peth o'u gwaith.

Mae'r llythyr yn rhybuddio am "drychineb" a ddaw yn iechyd deintyddol y cyhoedd os na fydd deintyddion yn cael gweld cleifion unwaith eto.

Yn ôl y llythyr mae nifer fawr o swyddi hefyd mewn perygl oherwydd y sefyllfa.

BBC Radio Cymru

Alun Thomas sy'n cyflwyno heddiw ac mae yna ddigon i'w drafod.

Y gweinidog tai yn benderfynol na fydd rhaid i bobl ddigartref fynd 'nôl ar y stryd wedi'r argyfwng.

Matt Hancock, Ysgrifennydd Iechyd Lloegr, fydd yn siarad yng nghynadledd newyddion San Steffan prynhawn 'ma.

Mae e wedi bod yn wynebu nifer o gwestiynau yn Nhŷ'r Cyffredin gan ASau yng ngogledd orllewin Lloegr sy'n poeni bod graddfa R yn uwch nag un yn yr ardal honno.

Mae R yn nodi i sawl person y gall rhywun sydd wedi'i heintio drosglwyddo'r haint.

Dywed Archesgob Catholig Caerdydd "ei fod wedi cael sioc a siom" wedi iddo ddeall bod un o'i offeiriaid wedi cynnal priodas yn ystod y cyfnod clo pan nad oedd hawl gwneud hynny.

"Roedd hi'n sefyllfa fugeiliol anodd," medd yr Archesgob George Stack a dywed ei fod yn cydymdeimlo gyda'r offeriad y Tad Sebastian Jones a wnaeth weinyddu'r gwasanaeth yn ardal Sblot ar 12 Mai.

Dywed Cyngor Caerdydd nad yw'r briodas yn gyfreithlon gan na dderbyniodd y cyngor rhaghysbysiad yn ei chylch ac nad oeddynt yn derbyn hysbysiadau yn y cyfnod dan sylw oherwydd cyfyngiadau Covid-19.

Dywed yr Archesgob ei fod nawr yn anfon canllaw i eglwysi eraill yn yr esgobaeth i'w hysbysu na ddylid cynnal priodasau yn y cyfnod clo.

Yn y cyfamser, dywed Heddlu Gwent eu bod yn ymchwilio wedi aflonyddwch mewn cyfeiriad yng Nghasnewydd ar Fai 12 lle y nodwyd bod "parti priodas" yn cael ei gynnal.

Dywed penaethiaid atyniad Zip World eu bod yn paratoi i ailagor rhai o'u safleoedd yn ystod yr haf.

Dywedodd llefarydd ar ran yr atyniad, bod pob ymdrech wedi'i wneud i sicrhau digon o gyfarpar amddiffyn PPE i'r holl staff.

Mae yna "restr hir" o syniadau posib wrth baratoi i adolygu'r cyfyngiadau, medd y Prif Weinidog.

Ar draws y DU cofnodwyd 55 o farwolaethau pellach wedi iddynt gael prawf positif o coronafeirws.

Dyma'r nifer isaf ers i'r cyfyngiadau ddod i rym ar 23 Mawrth.

Chafodd yr un marwolaeth ei chofnodi mewn ysbytai yn Llundain yn ystod y 24 awr ddiwethaf.

Bydd rhagor o lysoedd yng Nghymru yn ailagor yn fuan ar ôl i addasiadau gael eu cwblhau i gadw at reolau ymbellhau cymdeithasol.

Mae llysoedd Casnewydd, Merthyr Tudful a Llandudno ymhlith 16 canolfan fydd yn cynnal gwrandawiadau unwaith eto.

Nifer cyfyngedig o lysoedd sydd wedi gallu gweithredu ers i'r rheolau ymbellhau ddod i rym yn sgil pandemig Covid-19.

Yn ôl y Gwasanaeth Llysoedd bydd pob safle yn sicrhau rheolau ymbellhau llym er mwyn ailddechrau'n ddiogel.

Mae rheolau newydd, sy'n dod i rym heddiw, yn gorchymyn i bobl sy'n teithio i Gymru o dramor i hunan-ynysu am 14 diwrnod.

Mae'r rheolau yr un fath i feysydd awyr a phorthladdoedd ar draws y DU a gall y sawl na sy'n hunan-ynysu gael dirwy o £1,000.

Ond yng Nghymru mae'r ddirwy i'r sawl sy'n gwrthod rhoi gwybodaeth - fel manylion cyswllt a lle mae nhw'n hunan-ynysu yn is - £60 o'i gymharu â £100 yn Lloegr.

Bydd y ddirwy yn codi bob tro y torrir y gofynion - yr uchafswm yw £1,920.

Ni fydd rhaid i deithwyr hanfodol hunan-ynysu neu gwblhau datganiadau manylion cyswllt.

Os yn weithiwr amaethyddol tymhorol bydd rhaid aros ar y fferm yr ydych yn gweithio ynddi am 14 diwrnod.

Pa ganeuon mae rhai o gerddorion Cymru wedi eu mwynhau dros y misoedd diwethaf?

Dywed y Prif Weinidog fod Llywodraeth Cymru yn parhau i drafod a ddylai hi fod yn orfodol gwisgo mwgwd yn gyhoeddus a bod disgwyl penderfyniad yfory.

Wrth siarad yn ystod cynhadledd y llywodraeth dywedodd Mark Drakeford: "Y ffordd ry'n ni'n gwneud pethau yng Nghymru yw paratoi yn gyntaf a chyhoeddi wedyn - dim cyhoeddi a wedyn canfod beth allai y cyhoeddiad ei olygu.

"Felly ry'n ni'n gweithio ar y manylion ynglŷn â'r datganiad ar hyn o bryd."

Yn Lloegr bydd gwisgo mygydau ar drafnidiaeth gyhoeddus yn orfodol o 15 Mehefin ymlaen - ac mae yna alw ar i Gymru wneud yr un fath.

Mae Sefydliad Iechyd y Byd (WHO) wedi newid eu cyngor gan ddweud y dylid bellach wisgo mygydau pan nad yw ymbellhau cymdeithasol yn bosib.

Dywedodd Mr Drakeford y bydd y Gweinidog Iechyd, Vaughan Gething, yn rhoi manylion ar y cyngor i wisgo mygydau yn y gynhadledd yfory.

Ffynhonnell y llun, Getty Images

Iechyd Cyhoeddus Cymru

Mae tair yn rhagor o farwolaethau Covid-19 wedi eu cofnodi, medd Iechyd Cyhoeddus Cymru, gan ddod â'r cyfanswm i 1,401.

Cafodd 42 o achosion newydd eu cofnodi, gan ddod â'r cyfanswm o bobl sydd wedi derbyn prawf positif yng Nghymru i 14,438.

Mae'n debyg fod y gwir ffigwr yn llawer uwch gan nad yw profi am yr haint ar lefel eang wedi digwydd hyd yn hyn.

Ffynhonnell y llun, Getty Images

Ffion Griffith a Jonathan Powell sy'n trafod effaith y cyfnod clo ar fywydau pobl ifanc.

Cadarnhau gemau Caerdydd ac Abertawe yn y Bencampwriaeth wrth i'r tymor ailddechrau.

Llywodraeth Cymru

Dywedodd Mr Drakeford hefyd bod byrddau iechyd yn hyfforddi mwy o staff i weithio mewn unedau gofal dwys rhag ofn y bydd ail don o achosion Covid-19 yn yr hydref.

Dywedodd bod "popeth yn cael ei wneud er mwyn ceisio atal ail don" ond bod angen paratoi rhag ofn ei bod yn digwydd.

Yn ogystal â hyfforddiant, dywedodd bod adolygiad o ysbytai dros dro yn digwydd.