Rhybudd y gallai busnesau sydd ddim yn cydymffurfio gyda rheolau gael eu cau
Marwolaethau i lawr i lefel dechrau mis Mawrth medd y Swyddfa Ystadegau Gwladol
Ailddechrau'r cynllun gofal plant am ddim
Galwad i wneud pob ymdrech i ddiogelu dyfodol busnesau bach Cymru
BBC Cymru Fyw
Dyna'r cyfan o'r llif byw am heddiw - diolch am ddarllen.
Fe fyddwn ni nôl ddydd Mawrth nesaf am y gynhadledd wythnosol nesaf gan Lywodraeth Cymru, ac yn dychwelyd cyn hynny os fydd mater o bwys yn codi yn hanes y pandemig Covid-19 yng Nghymru.
Hwyl fawr i chi.
Ffynhonnell y llun, Wales News ServiceWrth ymweld a rhai o dafarndai a bwytai Abertawe mae Arweinydd Cyngor y Ddinas wedi canmol ymdrechion busnesau lleol i ddarparu llefydd diogel i bobl fwynhau eu harlwy.
Ond fe wnaeth Rob Stewart rybuddio pobl bod angen parhau i fod yn ofalus.
“Mae’r neges yn parhau i fod yn syml", meddai.
"Byddwch yn ddiogel a mwynhewch Abertawe yn gyfrifol. Mae'r cyngor yma i gefnogi pobl Abertawe ac rydyn ni am iddyn nhw aros yn ddiogel - dydyn ni ddim eisiau mynd yn ôl i sefyllfa lle mae'n rhaid i ni ddychwelyd i'r cyfnod cloi."
Twitter
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Iechyd Cyhoeddus Cymru
Mae Iechyd Cyhoeddus Cymru wedi cyhoeddi'r ffigyrau diweddaraf am effaith y pandemig yng Nghymru.
Yn y 24 awr diwethaf cofnodwyd un yn rhagor o farwolaethau yma gan fynd â'r cyfanswm i 1,566.
Cadarnhawyd 22 achos newydd o coronafeirws sy'n golygu bod 17,361 o achosion bellach yng Nghymru.
Mae Iechyd Cyhoeddus Cymru'n cydnabod bod y gwir nifer yn debygol o fod yn llawer uwch yn y ddau achos.
Llywodraeth Cymru
Wrth ymateb i gwestiwn yn y gynhadledd wythnosol yn gynharach, dywedodd Eluned Morgan mai cyfrifoldeb ar y cyd rhwng "trafnidiaeth a'r heddlu" yw gweithredu'r ddeddf sy'n gorfodi gwisgo mwgwd ar drafnidiaeth gyhoeddus yng Nghymru.
Mae ychydig o dystiolaeth ar wefannau cymdeithasol bod nifer o bobl yn teithio ar drafnidiaeth gyhoeddus a ddim yn gwisgo mwgwd.
Mae'r ddeddf yng Nghymru yn gwneud hynny'n orfodol ar drenau, bysys a thacsis.
Ceidwadwyr Cymreig
Mae'r Ceidwadwyr Cymreig wedi beirniadu Llywodraeth Cymru wedi iddyn nhw gyhoeddi y bydd y cynnig gofal plant yn cael ailgychwyn.
Cafodd y cynllun i rieni plant 3 a 4 oed sy'n gweithio ei atal ym mis Ebrill oherwydd y pandemig, ond mae nawr yn cael ailgychwyn.
Yn ôl y Ceidwadwyr Cymreig fe wnaeth "atal ceisiadau (ar y pryd) achosi llawer o bryder i rieni a theuluoedd na fydden nhw yn gallu defnyddio'r gwasanaeth hanfodol hwn wrth i'r cyfyngiadau gael eu llacio yng Nghymru, gan ganiatáu iddynt ddychwelyd i'r gwaith.
“Bydd y pryder hwn wedi gwaethygu oherwydd y rhybudd byr rhwng y cyhoeddiad a phan fydd y cynnig yn ailgychwyn", meddai Laura Anne Jones AS.
golwg360
Yn ôl Golwg360 mae myfyrwyr o Brifysgol Caerdydd wedi datblygu ap newydd sydd yn "hwyluso’r defnydd o drenau a bysiau" yn sgil y coronafeirws.
Ar yr ap mae modd i deithwyr ddewis sedd ddiogel i eistedd ynddi.
Mae’r ap hefyd yn cyfrifo’r nifer uchaf o bobol all eistedd mewn cerbyd ar y tro.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
"Roedd hi'n anodd peidio gweld Joel ond dwi'n meddwl bod y cyfnod clo wedi rhoi annibyniaeth iddo."
Read MoreLlywodraeth Cymru
Mae Llywodraeth Cymru yn parhau i gasglu cyffuriau wrth gefn os na fydd cytundeb masnach rhwng y DU a'r Undeb Ewropeaidd, meddai Eluned Morgan.
Dywedodd: "Mae cadw cyffuriau wrth gefn yn rhywbeth yr ydym wedi ystyried o ddifri, ac yn rhywbeth y gwnaethom ni y tro diwethaf i ni gredu y bydden ni'n gadael heb gytundeb.
"Mae'r dyddiad yn Rhagfyr yn agosau, felly mae'r gwaith yna'n parhau yng Nghymru."
Llywodraeth Cymru
Mynegodd Eluned Morgan bryder am fod niferoedd o bobl yn ymgynnull mewn mannau cyhoeddus.
Dywedodd:"Efallai bod angen edrych ar y neges, yn enwedig i bobl ifanc, am y peryglon o ymgynnull hyd yn oed mewn mannau cyhoeddus.
"Os fyddan nhw'n torri'r rheolau, yna cyfrifoldeb yr heddlu yw gweithredu'r gyfraith."
Llywodraeth Cymru
"Rydym wedi bod yn gwneud paratoadau sylweddol ar gyfer copa arall o achosion coronafeirws yn y gaeaf. Ry'n ni'n hyderus ein bod wedi gwneud trefniadau i gael digon o PPE a lle mewn ysbytai pe byddai hynny'n digwydd.
"Mae'r rhan fwyaf o'r ysbytai maes hefyd yn dal ar gael os fydd eu hangen."
Llywodraeth Cymru
Wrth ateb cwestiwn am brofion Covid, dywedodd Ms Morgan fod 84% o bobl gafodd brawf wedi cael y canlyniad o fewn diwrnod a 98% o fewn dau ddiwrnod, felly roedd y sefyllfa'n well nag yn Lloegr.
Roedd hynny, meddai, yn ganolog wrth edrych ymlaen at ysgolion yn dychwelyd yn yr hydref.
Llywodraeth Cymru
Dywedodd Eluned Morgan: "Ond wrth i ni weld nifer yr achosion yn codi mewn rhannau eraill o Ewrop, gan gynnwys Lloegr, mae ein gallu i weithredu'n dibynnu ar bob un ohonom yn parhau i ddilyn y rheolau: busnesau a chwsmeriaid.
"Os ydym am barhau ar agor, rhaid i fusnesau gadw mesurau lliniaru mewn lle. Rhaid i chi gadw pellter cymdeithasol ar eich eiddo, a rhaid casglu manylion eich cwsmeriaid os ydych yn fusnes lletygarwch.
"Mae'r mwyafrif ohonom yn dilyn y gyfraith i atal ymlediad y feirws, ond hoffwn orffen drwy ddweud hyn wrth y lleiafrif bach - pobl a busnesau - sydd ddim.
"Fe fyddwn ni'n gweithredu i orfodi'r rheolau yng Nghymru."
Ychwanegodd bod newidiadau wedi bod i bwerau yr wythnos hon sy'n cynnwys cau busnesau unigol os fyddai angen gwneud hynny pe byddai bygythiad i iechyd pobl.
Llywodraeth Cymru
"Mae wedi bod yn dda gweld cymaint o'n gwyliau barhau ar-lein... o'r Gelli Gandryll i'r Urdd, ac i'r Eisteddfod Genedlaethol yr wythnos hon.
"Llongyfarchiadau i’r Wyl AmGen ar ei dyfeisgarwch – mae dros 400,000 wedi cymryd rhan yn barod, ac er cymaint y trueni nad ydw i yn Nhregaron yr wythnos hon, mae wedi bod yn wych gweld cymaint o’n diwylliant yn cael ei ddathlu’n ddigidol ar hyd a lled y byd."
Llywodraeth Cymru
Ychwanegodd: "Rwy'n falch ein bod nawr mewn sefyllfa i ddechrau mwynhau rhai o'r pethau yna eto; mae hynny yn ganlyniad i'n hymrechion ni oll i warchod iechyd cyhoeddus ac i gefnogi'r sectorau yma.
"Ac wrth i'r sefyllfa iechyd cyhoeddus wella yng Nghymru, rydym wedi cyhoeddi canllawiau i ailagor y busnesau yma cam wrth gam."
Llywodraeth Cymru
Pwysleisiodd Eluned Morgan fod Llywodraeth Cymru wedi "gweithredu'n gyflym" i warchod busnesau rhag rhai o effeithiau gwaethaf coronafeirws.
"Fe wnaethon ni sefydlu pecyn o gymorth gwerth £1.7bn i gydweithio gyda'r gefnogaeth gan lwyodraeth y DU sy'n golygu bod busnesau Cymru'n gallu derbyn y cynnig mwyaf hael o gymorth yn unman yn y DU."
Llywodraeth Cymru
Yn arwain y gynhadledd heddiw mae'r Gweinidog Cysylltiadau Rhyngwladol a'r Iaith Gymraeg, Eluned Morgan.
Dywedodd: "Mae coronafeirws yn fwy nag argyfwng iechyd. Mae wedi effeithio ar bob rhan o'n bywydau a'n heconomi.
Mae'r sectorau diwylliant, lletygarwch, chwaraeon a digwyddiadau wedi cael eu taro'n arbennig o wael."
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.