Crynodeb

  • Y Prif Weinidog Mark Drakeford fu'n cynnal y gynhadledd am 12:30

  • Tafarndai, tai bwyta a chaffis yng Nghymru yn gorfod cau am 22:00 bob nos o ddydd Iau

  • Apêl ar bobl Cymru ond i deithio os ydy hynny'n angenrheidiol

Y diweddaraf yn fyw

  1. Canllawiau newydd 'ddim yn golygu peidiwch mynd ar wyliau'

    BBC Radio 4

    Mae Mark Drakeford wedi egluro nad yw'n cynghori pobl yn erbyn mynd ar eu gwyliau yn sgil y canllawiau newydd.

    Mae pobl yng Nghymru yn cael eu hannog i deithio dim ond os oes angen gwneud hynny er mwyn atal lledaeniad coronafeirws.

    Gofynnwyd iddo ar BBC Radio 4 y bore 'ma os oedd hynny'n golygu peidio mynd ar wyliau, a dywedodd y Prif Weinidog ei bod yn "bosib iawn" cael gwyliau yng Nghymru "heb deithio'n bell o gwbl".

    "Mae'n rhaid i bobl wneud y penderfyniadau hynny ar sail eu hamgylchiadau eu hunain, felly dy'n ni ddim yn dweud 'peidiwch mynd ar wyliau'," meddai.

    Dinbych-y-pysgodGetty Images

  2. Canslo pob ras yn Nhrac Rasio Pen-bre

    Mae Trac Rasio Pen-bre wedi cyhoeddi ei fod wedi canslo pob ras oedd wedi'u trefnu i gael eu cynnal yno am weddill y flwyddyn.

    Dydy'r safle ddim wedi gallu cynnal yr un ras ers dechrau'r cyfnod clo oherwydd y cyfyngiadau, ac yn dilyn y cyhoeddiadau gan lywodraethau'r DU a Chymru ddoe daeth penderfyniad neithiwr na fyddai modd cynnal yr un ras yno eleni.

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  3. Cau tafarndai am 22:00 'yn ddigon teg'

    Post Cyntaf
    BBC Radio Cymru

    Un arall fu'n trafod sefyllfa tafarndai yn gorfod cau am 22:00 ar y Post Cyntaf oedd Martin Holland o Dafarn Cadwgan yn Aberaeron.

    "Ry'n ni wedi ailagor ers diwedd mis Gorffennaf a dim ond tan 20:00 ry'n ni wedi bod yn gweini pob dydd.

    "Y rheswm yw ein bod ni yn rhedeg y dafarn yn llwyr allan o babell yn y maes parcio gyferbyn.

    "Am ei bod hi yn tywyllu gyda'r hwyr roedden ni yn credu bod 20:00 yn amser digon synhwyrol i gau.

    "Ond dwi yn meddwl bod 22:00 yn ddigon teg er yn cydnabod bod rhai llefydd fel tai bwyta yn hwyrach."

    CadwganGoogle

  4. Llywodraethau'r DU wedi 'methu â pharatoi' am bandemig

    Fe wnaeth llywodraethau olynol ledled y DU "dynnu eu llygaid oddi ar y bêl" wrth fethu â pharatoi ar gyfer pandemig byd-eang, er iddyn nhw gael eu rhybuddio am flynyddoedd o'r peryglon.

    Dyna farn cyn-brif swyddog meddygol Cymru, a arweiniodd adolygiad o ymateb y DU i epidemig ffliw 2009.

    Nawr, mae'r Fonesig Deirdre Hine yn rhybuddio bod "perygl gwirioneddol" o ail don niweidiol o Covid-19.

    Mae'n chwe mis ers cyflwyno'r cyfnod clo cyntaf ar draws Prydain.

    Mae'r stori yma'n llawn ar gael i'w darllen ar ein hafan.

    Rhondda Cynon TafGetty Images

  5. Cau tafarndai 'am wneud y sefyllfa yn waeth'

    Post Cyntaf
    BBC Radio Cymru

    Mewn ymateb i'r cyhoeddiad ddoe y bydd yn rhaid i dafarndai gau am 22:00 dywedodd Elen Morris, perchennog tafarn y Plas Coch yn Y Bala: "Mae hi'n ddigon anodd fel ag y mae hi ar hyn o bryd yn trio cadw'r rheolau hyn i fynd.

    "Mi ddylen nhw fod wedi ein cadw ni gyd ynghau am gyfnod hirach er mwyn gwneud yn siŵr bod y feirws wedi mynd, yn hytrach na ffaffian o gwmpas," meddai wrth raglen Post Cyntaf BBC Radio Cymru y bore 'ma.

    "Mae staff yn mynd i golli oriau ac unwaith mae pobl wedi cael un neu ddau maen nhw yn mynd i fynd ymlaen i dai ei gilydd beth bynnag.

    "Dwi'n credu bod y rheolau yn mynd i wneud pethau yn waeth.

    "Dwi'n credu bo angen cau tafarndai a rhoi cymorth ariannol i ni.

    "Dydy pobl ddim wedi arfer mynd adre' mor gynnar â hyn ac mae'n mynd i wneud y sefyllfa yn waeth."

    Plas CochGoogle

  6. Clwb Ifor Bach i gau oherwydd y rheolau newydd

    Mae Clwb Ifor Bach yng Nghaerdydd wedi cyhoeddi y bydd yn cau yn dilyn y cyhoeddiad am y cyfyngiadau newydd neithiwr.

    Dywedodd y sefydliad mewn datganiad: "Er ein bod yn hyderus bod y mesurau sydd gennym mewn lle yn sicrhau awyrgylch diogel a chroesawgar, mae'r costau sydd ynghlwm â'r staff ychwanegol sydd ei hangen i gydymffurfio gyda'r canllawiau cyfredol, yn ogystal â'r cyfyngiadau newydd ar oriau agor, yn ei wneud yn ariannol anhyfyw i ni barhau i fasnachu."

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  7. Beth ydy'r mesurau diweddaraf yng Nghymru?

    Fe fydd tafarndai, tai bwyta a chaffis yng Nghymru yn gorfod cau am 22:00 bob nos fel rhan o fesurau newydd gan Lywodraeth Cymru i geisio rheoli ymlediad coronafeirws.

    Bydd y cyfyngiadau newydd ddod i rym am 18:00 nos Iau.

    Daw hyn yn dilyn penderfyniad tebyg yn gynharach ddydd Mawrth gan Lywodraeth y DU ar gyfer Lloegr.

    Bydd siopau sydd â thrwydded i werthu alcohol ddim yn cael gwneud hynny ar ôl 22:00 chwaith.

    Yn ogystal â hyn y bydd yn rhaid i dafarndai gynnig gwasanaethau gweini wrth y bwrdd yn unig.

    Hefyd bydd apêl ar bobl Cymru ond i deithio os yw hynny'n angenrheidiol.

    Mae'r holl fanylion ar y canllawiau newydd ar ein hafan.

    PeintGetty Images

  8. Datganiad llawn Mark Drakeford ar y cyfyngiadau newydd

    Fe wnaeth y prif weinidog Mark Drakeford wneud darllediad arbennig neithiwr i sôn am y cyfyngiadau pellach i Gymru gyfan.

    Nod y cyfyngiadau ydy atal lledaeniad coronafeirws yn wyneb cynnydd yn nifer yr achosion dros y dyddiau ac wythnosau diwethaf.

    Datganiad Mark Drakeford ar gyfyngiadau newydd i Gymru

  9. Croeso i'r llif

    Bore da a chroeso i'n llif byw ar ddydd Mercher, 23 Medi.

    Cafodd cyfyngiadau newydd eu cyhoeddi ar gyfer Cymru neithiwr, gan olygu y bydd tafarndai a thai bwyta yn gorfod cau am 22:00 o yfory ymlaen.

    Mae apêl hefyd ar bobl Cymru ond i deithio os ydy hynny'n angenrheidiol.

    Byddwn hefyd yn dod â'r diweddaraf i chi o gynhadledd Llywodraeth Cymru, wrth i'r Prif Weinidog Mark Drakeford ei chynnal am 12:30.

    Arhoswch gyda ni am y cyfan.