Crynodeb

  • Y Gweinidog Iechyd, Vaughan Gething yn nodi cymaint o bwysau sydd ar y GIG ar hyn o bryd

  • Pobl mewn cartrefi gofal yng ngogledd Cymru yn cael eu brechu o ddydd Mercher ymlaen

  • Iechyd Cyhoeddus Cymru yn dweud bod 33 yn rhagor wedi marw a bod 1,228 o achosion newydd

  • Rhaglen brofi am Covid-19 i'w chynnal mewn ysgolion a cholegau o fis Ionawr ymlaen

  • 'Nifer o bobl wedi'u heintio mewn ysbytai ond ddim bellach yn heintus,' medd y Gweinidog Iechyd

  • Siopau bach yn dal eu tir er gwaethaf y pandemig

Y diweddaraf yn fyw

  1. 'Ceisio lleihau nifer y disgyblion a staff sy'n hunan-ynysu'

    Mae Llywodraeth Cymru wedi cyhoeddi y bydd rhaglen brofi am Covid-19 yn cael ei chynnal mewn ysgolion a cholegau o fis Ionawr ymlaen.

    Bydd disgyblion a staff fyddai fel arfer yn gorfod hunan-ynysu am eu bod wedi cael eu nodi fel 'cysylltiad agos' i rywun sydd â Covid-19 yn cael cynnig prawf fel bod modd iddyn nhw barhau i fynychu'r ysgol.

    Fe fydd yr unigolion hynny yn gallu penderfynu hunan-ynysu neu wneud prawf "llif unffordd" ar ddechrau'r diwrnod ysgol a thrwy gydol y cyfnod hunan-ynysu.

    Byddai'r rheiny sy'n cael canlyniad negatif yn gallu parhau i fynychu'r ysgol fel arfer, tra bo'r rheiny sy'n profi'n bositif yn gorfod hunan-ynysu a threfnu prawf arall i gadarnhau'r canlyniad.

    Dywedodd y Gweinidog Addysg mai'r nod ydy lleihau nifer y disgyblion a staff sy'n gorfod hunan-ynysu.

    plantGetty Images

  2. Croeso i'n llif byw

    Y Gweinidog Iechyd, Vaughan Gething, fydd yn arwain cynhadledd Llywodraeth Cymru heddiw.

    Bydd y newyddion diweddaraf i'w weld yma - arhoswch gyda ni.